Pelaareegerak 9:10 - Ala Wone Peenok Peebi Mbanak

¹⁰ Nogome wonage me, yugum tabak mbere'ndak paga at Aliku ALA eenggi lombok paga nen liiru mbaneegerak nogo an wo'nereegerak. Wone eebe yugum tabak nogo paga mbanak ti, kit kineebe puut abu'me kuwak aago kiigak, kani omoonuk wunuk ari enggela'me time at Aliku ALA nen wone, Yogop ee'nu ndogop ee'nu, yinuk, yokkirage kogogutak nogo aret o.

Pelaareegerak 9:10 ပူးပေါင်းရင်းမြစ်များ

Wundeegwaarak 31:18

Muta nogo at Aliku ALA imbirak puut Tinayi paga wone abu aret mbambogo nogogwaarik, wone, “Yogop ee'nu ndogop ee'nu,” yinuk, Ala eenggi paga yugum tabak mbere paga liiru mbaneegerak nogo, Muta wogoreegerak.

Matiyut 12:28

Ndi, an nen Ala Aberiniki nogo paga kugi nggiginogo wumbiige neenok perak, Ala abu'me pinagarak muk kinowagam aret wagaarak, mbako logonip o.

Lukat 11:20

An nen Ala eenggi omaawi paga kugi nggiginogo wumbiige neenok perak, Ala abu'me pinagarak muk kinowagam wagaarak aret mbako logonip o.

2 Korindut 3:3

Nit yokkirogwe niigak, kit kiniki abet mba'nuk waganggo nogogutik, eerit nugwi aakumi abok aret yelok kiigwi me, kit Keritut aliiru mbanak negen aret ogotik o. Liiru amburu paga mbanak ti lek o. Ata, aakumi ineenik aganaka Ala nen nappi wagagerak Aberiniki nogo paga mbanak o. Ndi, yugum paga mbanak ti lek o. Ata, aakumi inikime aret mbanak wonage o.

Pelaareegerak 10:4

Lagangge mbareegi, at Aliku ALA nogo eebe kani omoonuk wunuk ari enggela'me nen wone, Yogop ee'nu ndogop ee'nu, yinuk, eeko logorak wone 10 yugu nogo kit abok aret puut abu'me kuwak eerak wonogwe me, yokkirage nagagerik, aa'nduk liiru mbanogo wo'nereegerak nogo ndak-ndak yugum tabak mbere nogo paga liiru mbanogo an wo'nege mbareegi,

Pelaareegerak 18:16

Kit puut Korep paga kuwak eeppunuk, at Aliku kinogoba Ala yogo logonet, Nit kambukwak, at Aliku ninogoba Ala oone ari ninaruk konenggwi, kani omoonuk nggwok wunuk ari yi, ninigen kogwe, eeriyak nineebi o, yinuk, yogo mbareegup,

Iberani 8:10

Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak wone yoragagirak nogo, inikime nabenogo piige, It inikime liiru negen mbanogo piige, Eerigin me, An it inogoba age, ndi, it an napuri ogwe, eerugun o.