Pelaareegerak 8:8 - Ala Wone Peenok Peebi Mbanak

⁸ pinagi namenggim time gandum wonage, waabuk negen jelai wonage, eyo anggur wonage, eyo wuli wonage, eyo delima wonage, eyo tayitun wonage, nggiin amburu wonage, apit aret wonage menggim inom, at Aliku kinogoba Ala nen wokkiren pinagi namenggerak

Pelaareegerak 8:8 ပူးပေါင်းရင်းမြစ်များ

Wakkagagerak 49:11

At aap nggwok ti nen, Aanggo keledai eyo anggur ero nogo paga mbarembege, Ndi, aanggo keledai aagaluk nogo ti, Eyo anggur abe mendek miippunuk, Eno'mbak paga yilinogo pege, Anggur amburu paga ayum kookkolage, Ndi, anggur amburu inamiya negen paga Ayum agi yirika nogo koorogo pege, Eerigin o.

2 Tamuwen 4:6

Nogo nogogwaarik, ame unggunuk, imbirak gandum waganggwi yuwak eeppunuk, melarogon ko at nogo yege me unggwi nogo nogogwaarik,

1 Endagembogut 5:11

Nappiya wagak eeke mbareegi, at Talomo nen Kiram ame menggaarak inake gandum karun kole yonggolak empat puluh empat ribu karun inom, tayitun amburu mburunogo togolowak yele-kole nderom dua ribu lima ratus me toolak inom, tahun ambi eekak paga nappiya wagak eeke nagagerak.

2 Endagembogut 18:32

eekwi wonogwe me, an wage logominggirik, wogoren it iname abe mengga kwak, o gandum inom, anggur amburu ambik inom, oroti ambik lombok menggim inom, anggur awi yarak menggim inom, eyo tayitun amburu ambik menggim inom, nggiin amburu lombok menggim inom, piya naminggirak nonggo logonet, kangga'lek ineenik aret logogun, yegerak me, at aap Kitikiya nen yokkirage nogo, konenggo logorak mage o. At Kitikiya nen kiniki nomongginake logonet, Aliku ALA nen ninagap ndarigin o, yokkirage nogo kinaruk koneniyak mondok mage o.

Ndawi 147:14

At nen kiniki ugun tayenak logomunggup nduk, Kinawi paga obeelom eerogo pege, Ndonggorogon nonggo logomunggup nen Kinambi gandum abe kenok mban wokkirage, Eeke menggerak o.

Ndawi 81:16

Kit an napuri nogo perak, Gandum abe mendek namunggup nduk wokkirage, Yugum enoona nen nggiin amburu ndonggok togon namunggup nduk wokkirage, Ee'ne, mbakirak kwe, Lek me, Ao, mbake agarik o,” Yinuk, yoragagerak.

Yetaya 7:23

Ne ti eyom paga eyo anggur ero seribu onggo wu mbuti perak seribu paga kuniyak yarak wonagam time iri'ngga alok-palok inom, kugeele inom, ti mban niik yigin o.

Yeremiya 2:7

O Metit nen wogoren wundi wage nagagirik, o piyareegim nogome wonogo logonet, Anggen abe yugu nunggwi, yi mendek ndi mendek nggween ti paga yarak mbanogo nunggwi, Eeko logowak nduk, Nggween abu mili lubu eerak paga piya wagagirak kwe, Time wonogo logonet, nggween mbet-mbet aret enete maluk eerogo pugwi, Neyate kwak wogoragagirak nanggween nogo, maluk eerogo pugwi iinok, aakumi nen, Ogole o, yogwe, Eereegwaarak o.

Yeremiya 5:17

Iterali paga wiganak ineyabu eerak anggen yugu inom, inambi-mbiingga inom, lek eerogo nenet nogwe, Inapuri wologwe-komologwe lek eerogo piigwi, Inaanggumi kambin-ndomba inom, lembu-tapi inom, lek eerogo pit nogwe, Ineyabume anggur yarak ero inom, eyo wuli ero inom, muurogo pit nogwe, Ndi, inawi kota-kota yugum pak wurik me iniki ti paga panggonak wonogwe nogo pup eerogo pugwi, Eeko logogun o,” yinuk, yegerak me yokkiragi o.

Yetikiyen 27:17

It Yekura mendek kunduk, it Iterali mendek kunduk, nen at inom inamendek onggo-onggo eeko logonet, gandum o Minit mendek inom, yibinggami inom, nggiin amburu inom, tayitun amburu inom, obari abe kaga inom, paga nen amendek onggo mbanggologwe,

Oteya 2:22

Mayu wuppi wage neenok, nggween miin eerogo pege, Nggween miin eerak paga gandum yarak anggen kole eerogo pege, Anggur yarak amburu ngget tooluwak nduk eerogo pege, Tayitun amburu tooluwak nduk, eyo amburu eerogo pege, Eerigin me, Yi mendek ndi mendek yarak abok aret, Ala nen aret yakerak me, Yiteren yi aret o, yinuk, inale'nggen kogo logogun o.

Oteya 2:8

Gandum inom, anggur amburu ngget toolak inom, tayitun amburu toolak inom, wogoge nagagirak nogo ti, At Ala nen aret wo'nege kagi, yinuk, ari, Ndi, inagugi Mba'an ayuk wuko logonet ake pogo nogogwaarak mbuti perak inom, mbuti emas inom, kalo logonogo wogoge nagagirak nogo ti, Ala nen aret wo'nereegerak kagak, eereegirak kagi, yinuk, ari, Eeka'lek aret agaarik o.

Mika 4:4

Inalitik-inalitak inageyo anggur alome kwi'ndak wonogwe, Inageyo wuli alome iniki ugun tayenak wonogwe, Eekwi iigak, “Aap ambi nen inogut nggigik yuwak nduk, eeppiyaagin lek aret o,” yinuk, At Omaawi Lombok Menggerak Aliku ALA nen aret yegerak me, yagi o.

Abakuk 3:17

Eyo wuli nogo anggup lobangga'lek kagak, Eyo anggur nogo anggen yega'lek kagak, Eyo tayitun anggen yega'lek kagak, Yabu yarak me anggen abe mbanggolaga'lek kagak, Kambin-ndomba inanggenogona ambiriluk ambi wonogwe lek iigak, Lembu-tapi inengga'nggo'na ambiriluk ambi wonogwe lek iigak,

Yaya 6:13

Yorage mbareegi, it roti nonggo logonet, ando ndiinogo pereegwaarak nogo kuwak eerogo mbirim yum 12 eno korok togon yonggologo pereegwaarak.

Yaya 6:9

“Nogoba wae! Wulaga mbuuluk ambi roti 5, ndi, ikan mbuulogwe mbere, porogo wonage kwe, aakumi ambik me endak noorak meek mbaki o.”

Pelaareegerak 32:13

Wogoren wage logonet, Puut-puut lagit nugu logowak nduk, unde wonogwe, Yi mendek ndi mendek yabume yarak anggen mbanogo nenet nogwe, Nggiin amburu yugum enoona nen toologo nunggwi, Eyo tayitun puut paga wundit namenggerak amburu tookkologwe,

Pelaareegerak 32:14

Inaanggumi lembu-tapi, kambin-ndomba inelak amburu nunggwi, Yilak amburu loonggo warak nunggwi, Inaanggumi kambin-ndomba inaagalogwe piirigalo mban nda'nogwe, Ndomba ngguunok abe awi o Mbatan mendek mban nda'nogwe, Gandum anggen abe li eerogo mban yege, Anggur amburu abu abe laambu toologo nunggwi, Eeko logowak nduk, Eeppiyareegerak o.

Pelaareegerak 6:3

Togop aret me, kit nowe-nawot Iterali mendek yi wae! Kinaruk liirogon konenggo logonip o. At Aliku kinombomini inogoba Ala nen wone abuk nggaruk togon yokkiragagerak nogo ndak-ndak, kit o nggween anggiinu mili me, yilak amburu inom, nggiin amburu inom, niyo eneeri negen kila-kila wungge menggim wonage me time ari nanuk, yi wone ndi wone ambi kinoba aga'lek kineebe obeelom logonet, kinanebunu nggwok togon wigannarit nogo logobagip nduk, wone lengganak ti, liirogon eerit nogo logonu o.

Pelaareegerak 8:7

Yi awi ndi awi abe lombok nenaarak ti paga niyo o kobappaga nen wungge, puut-puut paga nen wundi wage, eeke logonet, niyo yenggenogo pege, eneeri wungge, niyo nggwok wage, eeke menggim inom,

Pelaareegerak 8:9

wonogwe kiigak, mbi noogelo ambi kinoba age, kinamendek ambi lek age, eerigin lek o. O time yugum nogo ti, mbuti mendek mban kunik wonage, ndi, puut-puut time mbuti tembaga mban wonage me, nggween kabunogo wonet nogwe, eeko logomunggup o.