Pelaareegerak 8:7 - Ala Wone Peenok Peebi Mbanak

⁷ Yi awi ndi awi abe lombok nenaarak ti paga niyo o kobappaga nen wungge, puut-puut paga nen wundi wage, eeke logonet, niyo yenggenogo pege, eneeri wungge, niyo nggwok wage, eeke menggim inom,

Pelaareegerak 8:7 ပူးပေါင်းရင်းမြစ်များ

Wakkagagerak 49:11

At aap nggwok ti nen, Aanggo keledai eyo anggur ero nogo paga mbarembege, Ndi, aanggo keledai aagaluk nogo ti, Eyo anggur abe mendek miippunuk, Eno'mbak paga yilinogo pege, Anggur amburu paga ayum kookkolage, Ndi, anggur amburu inamiya negen paga Ayum agi yirika nogo koorogo pege, Eerigin o.

2 Endagembogut 18:32

eekwi wonogwe me, an wage logominggirik, wogoren it iname abe mengga kwak, o gandum inom, anggur amburu ambik inom, oroti ambik lombok menggim inom, anggur awi yarak menggim inom, eyo tayitun amburu ambik menggim inom, nggiin amburu lombok menggim inom, piya naminggirak nonggo logonet, kangga'lek ineenik aret logogun, yegerak me, at aap Kitikiya nen yokkirage nogo, konenggo logorak mage o. At Kitikiya nen kiniki nomongginake logonet, Aliku ALA nen ninagap ndarigin o, yokkirage nogo kinaruk koneniyak mondok mage o.

Ndawi 104:10

Kat nen aret niyo eneeri o kobappaga time Wundit nage logowak nduk eerogo pereegindak me, Puut aru-ogwe kagak oolo niyo wage menggerak o.

Ndawi 106:24

Nggween nogo abu abe aret kwe, “Abe lek o,” yinuk, mbo pugwi, Aliku ALA nen, “Eeppinagagin o,” yinuk, yoragagerak nogo abet mbarulik teppugwi,

Wundeegwaarak 3:8

Yeenggwaarage logonet, an napuri nogo aakumi Metit mendek ineenggime nen ndininabunuk, wogoren it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween nggwok mili obeelom lombok yilak amburu inom, nggiin amburu inom, niyo eneeri negen kila-kila wungge menggim time piya naakit nduk wagi o.

Yetaya 36:17

eekwi wonogwe me, an wage logominggirik, wogoren it iname abe mengga kwak, o gandum inom, anggur amburu ambik inom, oroti ambik lombok menggim inom, anggur awi yarak menggim inom, piya nagin, yegerak me, at aap Kitikiya nen yokkirage nogo, konenggo logorak mage o.

Yetaya 5:1

Nore niniki kunik eeke nogo ake ndawi wake, At eyabu anggur yarak ndawi paga anep pege, Eerigin nogo yi o. Nore niniki kunik nogo puut elan me anggween mili paga anggur awi yarak wonagagerak.

Yeremiya 2:7

O Metit nen wogoren wundi wage nagagirik, o piyareegim nogome wonogo logonet, Anggen abe yugu nunggwi, yi mendek ndi mendek nggween ti paga yarak mbanogo nunggwi, Eeko logowak nduk, Nggween abu mili lubu eerak paga piya wagagirak kwe, Time wonogo logonet, nggween mbet-mbet aret enete maluk eerogo pugwi, Neyate kwak wogoragagirak nanggween nogo, maluk eerogo pugwi iinok, aakumi nen, Ogole o, yogwe, Eereegwaarak o.

Yetikiyen 17:5

Yake nagagerik, iri'ngga awi ambi Iterali anggween ti paga nen waganogo yabu abu wogome iri'ngga awi nogo nggween mili paga eyo moowi kwak niyo eneeri wungge mban menggim nogome yareegerak.

Yetikiyen 20:6

Ne ti eyom paga it yorage logonet, Kit o Metit nen wokkiren wundi woraanuk, yi o ndi o enggela'me nggween abu obeelom lombok yilak amburu inom, nggiin amburu inom, niyo eneeri negen kila-kila wungge menggim nggween an nen kit kinake leenogo pereegim nogome wokkiren pinagi nagin o, yinuk, yorage nagagirik, kumbuk mbaneegirak o.

Pelaareegerak 8:6

Togop aret me, at Aliku kinogoba Ala kinagabiti mba'nuk, at eeriyak mbake nogo mugurok nogo logonet, wone, Yogop ee'nu ndogop ee'nu, yokkirage nogo, liippunuk, eerit nogo logomunggup o.

Pelaareegerak 8:8

pinagi namenggim time gandum wonage, waabuk negen jelai wonage, eyo anggur wonage, eyo wuli wonage, eyo delima wonage, eyo tayitun wonage, nggiin amburu wonage, apit aret wonage menggim inom, at Aliku kinogoba Ala nen wokkiren pinagi namenggerak

Owak Loongga 18:10

O Ala nen wo'niragaarak ti, ambe wiganak lombok me, yi mendek ndi mendek ambi lek lek, abok aret wonage, ndi, aakumi kunduk, Ndogop eeppinanigin, mbaka'lek iniki ugun wonogwe, eekwi iigom time aret unggwi nagun o.”