Pelaareegerak 8:5 - Ala Wone Peenok Peebi Mbanak

⁵ Aap nen inapuri wone lunirogo mengga kwak, at Aliku kinogoba Ala nen wone lunggiragagerak nogo liippinip o.

Pelaareegerak 8:5 ပူးပေါင်းရင်းမြစ်များ

2 Tamuwen 7:14

An ti, at ogoba aret age, Ndi, at ti, an naput aret age, eerugun me, maluk eeke kenok ti, aap ambi nen apuluk iniki koonnaruwak nduk, muun yawi paga wake menggi kwak, aakumi nen at togop aret aaninggin oba pogo logowak nduk, eeppiige logogin o.

Ndawi 89:32

Noone taganemenggaarak onggo yawi paga inooke, Inomaluk onggo ya'mbiran nggora eerogo piige, Eerigin o.

Ndawi 94:12

Kaliku ALA wae. It aap inaruk wake, Koone yugu liiru mbanak nogo liirogon mamuninake, Eeppiige menggendak nogo Inale'nggen aret mbako menggaarak o.

Kini Wuppiige 13:24

Aap ambi nen apuluk yawi waka'lek paga apuluk eebi lombok mbake menggerak. Aap ambi apuluk abuwa lombok mbake kenok perak, apuluk iniki koonnaruwak nduk, yawi liirogon aret wake menggerak.

Kini Wuppiige 3:11

Naput yi wae. Aap ambi aput iniki kunik nen iniki koonnaruwak nduk mberege menggi kwak, Aliku ALA nen it aap iniki kunik nogo iniki koonnaruwak nduk, eeppiige menggerak me, At Aliku ALA nen kiniki koonnaruwak nduk, eeppagage kenok, “Neebi o,” yinuk, mbo pege, Karuk wake kenok, “Koneniyak anggon o,” yinuk, teppege, Eeriyak mage o.

Wone Alom Kibingga 7:14

Ne obeelom logorak ari wage kenok, kinale'nggen mbakwi, Ndi, ne maluk logorak ari wage kenok perak, “Peebi ee'ninaburak nit aakumi nineenu arukwak, Ala nen ne obeelom logorak inom, ne maluk logorak inom, imbirak eerogo pinanegerak kogo o,” yinuk, liippugwi, Eeko logonip o.

Yetaya 1:3

Tapi nen, Ninogoba yi aret kogo, yinuk, liippugwi, Ndi, keledai kunduk, inogoba nen inambi pipuk eerogo piige menggim ineenu wonogwe, Eeko menggaarak kwe, It an napuri Iterali perak, inogoba an liippanega'lek kobak aret wonogo agaarik o,” Yinuk, yegerak o.

Yetikiyen 12:3

Togop aret me, aakumi nen ndarak yi wae. It an noone yugu eeriyak ineebi mbaka nogo liippugwi iigak eerukwak, it wogoren mbo piya noorak wakkagak kamendek pipuk eeke logomenggendik, o liingge paga it inigen iigak, kat wonage me time nen mbo punuk, o alik me nanu o.

Yetikiyen 18:28

At maluk ambik eeke logomenggerak nogo, Abet aret eeke nagagirak o, yinuk, mbo pemenggerak ti paga at kambigin lek abet aret eenik mondok logogin o.

1 Korindut 11:32

Peebi it aakumi nggween paga mendek abok aret inowak loonogo maluk onggo inoba piige logonet, nit ninom ninoba pinanege kero, yogondak at ninowe nen nit eekwi liippinaninuk, niniki koonogo pinanege menggerak.

Pelaareegerak 1:31

Ndi, aap ambi aput mbo pegeelik yarugu wonok nege menggi kwak, at Aliku kinogoba Ala nen kit o karume tu paga wogwe kiigak, kineebe kuurik me aret yarukkiren o yime aret pinagi wagagerak nogo kineenu aret o.

Pelaareegerak 4:23

Togop aret eerigin me, at Aliku kinogoba Ala nen kit eeko logorak wone kinom abuk nggaruk togon koonogo pereegutak nogo kinomari eerogo mbo pega'lek kiniki aberak mban logonet, liirogon aret eerit nogo logonu o. At Aliku kinogoba Ala ti, aakumi lek eerogo piyoorak kani kunik kwak aret me, at alik aret kagak, obaane'me kugiwak ambi mippunuk, ayuk wukwi iinok, mondok eebi mbake menggerak me, at Aliku kinogoba Ala nen, Yi mendek ndi mendek inogut eerogo punuk, inalut eeriyak mage o, yereegerak kagak ogobakkigirogo patinuk, alut eeko logorak mage o.

Pelaareegerak 4:36

Agi mbogut paga nen at oone ari kinaruk konenumunggup nduk, kinaruk wake, ndi, o nggween paga yime nen kinigen kaamunggup nduk, kani omoonuk iya negen wuninogo pege, kani omoonuk enggela'me at oone ari kinaruk konenggwi, eerumunggup nduk, eereegerak kineenu nogo o.

Pelaareegerak 4:9

Lek aret me, kit nen eerit nogwe kinigen abe nen kogogutak nogo kobak eerogo mbo pukwak, mondok unde wonogwe kiigak kambi noorak kuli aret me, kiniki liippunuk, aberak logonet, kinapuri inom, kinombowologwe inom, abok aret liirogon mbininogo yorogo logomunggup o.

Pelaareegerak 8:6

Togop aret me, at Aliku kinogoba Ala kinagabiti mba'nuk, at eeriyak mbake nogo mugurok nogo logonet, wone, Yogop ee'nu ndogop ee'nu, yokkirage nogo, liippunuk, eerit nogo logomunggup o.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.