Pelaareegerak 8:3 - Ala Wone Peenok Peebi Mbanak

³ It aakumi mbi mban nunggwi iinok, ineenik logogun lek o. Ata, at Aliku ALA nen yi wone ndi wone ari nogo waganggwi iinok, mondok ineenik aret logorak nogo liippugwi, kiniki tebeppatinuk wonogwe, eeko logobagip nduk, mbi abu eerogo pinagage, ti'nuk, kit inom, kinombomini inom, kineenggo'lek mendek mbi mana wokkirage, eereegerak nogo o.

Pelaareegerak 8:3 ပူးပေါင်းရင်းမြစ်များ

Ndawi 105:40

Nggino yogwi iinok, towe nggimabut nappiya wage, Ndonggorogon nawak nduk, mbi mbogut paga nen wuppiya wage, Eereegerak.

Ndawi 37:3

Kiniki Aliku ALA oba panggombunuk obeelom mban eekwi, Ndomba inikilom paga iri'ngga mili nenet nugwi kwak, Kit togop aret o nggween yi paga wonogo logonet, Abe wone mban mugurok nogwe,

Matiyut 4:4

Yoge mbareegi, at Yetut nen, “Ala nen ari logonet, Aakumi mbi mban nunggwi iinok, ineenik logogun lek o. Ala ari menggerak wone abok aret waganggwi kenok perak, mondok ineenik aret logogun o, yinuk, yereegerak liiru mbanak wonage o.”

Lukat 4:4

Yoge mbareegi, at Yetut nen, “Ala nen ari logonet, Aakumi mbi mban nunggwi kenok, ineenik logogun lek o, yinuk, yereegerak liiru mbanak wonage o.”

1 Korindut 10:3

Roti mbogut paga nen wugira wagagerak nogo, it abok aret nunggwi,

Pelaareegerak 29:5

Ndi, tahun 40 paga an nen tu karume paga wokkiren wage neegak, kinayum yirik nibik ari, kiniyok ogut nggerenak nogo nibinik-ndelenak age,

Pelaareegerak 29:6

oroti inom, anggur amburu inom, amburu omaawi mendek inom, namunggup nduk wokkirage, eerulik o. Ata, at Aliku kinogoba Ala at aret kineenu arumunggup nduk, yi mendek ndi mendek lek kenok, at nen aret wokkiranet wage nagagerak nogo o.

Pelaareegerak 9:9

Eeke mbareegi, an puut Korep paga laganeegirak nogo ti, kinom eeko logorak wone at Aliku ALA nen abuk nggaruk togon koonogo pereegerak yugum tabak mbere paga liiru mbanak nogo wo'niruwak nduk, lagi nage nagagirik, time wonage logonet, an mbi nengga'lek, yi nengga'lek, o kiip age, o weege, eeke kagak nogo 40 aret yereegirak o.