Pelaareegerak 8:20 - Ala Wone Peenok Peebi Mbanak

²⁰ At Aliku kinogoba Ala oone yokkirage nogo koneniyak kineebi mbarumonggotak paga at Aliku ALA nen kit kinenggaanom paga aakumi inooreegerak togop nogo aret kineebe lek eerogo pinagagin o,” yinuk, yoragagerak.

Pelaareegerak 8:20 ပူးပေါင်းရင်းမြစ်များ

Pelaareegerak 4:26

O kit unde a'nuk logowam niyo Yoraran mbanogo ene paga time wunda nogo logomonggotik, wonogo logonet, wone an yokkiragarak yi, liirogon eerumunggup lek kenok, kit kineebe logonuk lek aret kanggwi, kineebe lek aret ogwe, eerumunggup o, yinuk, mbogut inom, nggween inom, inigen iigak, o yogondak yi paga yokkiragi o.

Ndawi 10:16

Kat Kaliku ALA Mondok-mondok kendagembogut aret menggendak me, Yi aakumi ndi aakumi kanggween paga wonogwe nogo Lek eerogo piyaamunggun o.

Yetikiyen 5:5

Naliku Nitok Minggirak an ALA nen, Yi aakumi ndi aakumi inawi eraanu wanggerak wonogwe iigak, o kota oolome lombok pereegirak ti, kota Yerutalem yi aret kwe,

Ala Unde 26:27

Aaninggin togop aret eeppiyaminggirak kwe, an noone konengga'lek inogogumbuk mban wonogwe iinok,

Ala Unde 26:39

Ndi, it ando inooka'lek teppiigwi iinok, it inom, inombomini inom, maluk eeko nogogwaarak onggo it inom wim mbanak inanggween paga time nen ineebenowak ko eerogo piinet unggwage logonet, ineebe lek ogo logogun o.

Yotuwa 23:8

Ata, aa'nduk eeko nogogutak nogo ndak-ndak aret, yogondak kunduk at Aliku kinogoba Ala mban kiniki oba panggombunuk logonip o.

Yeremiya 7:26

an yorage nogo inaruk konenggwi, iniki liippugwi, eeka'lek inogogumbuk logonet, inombomini maluk eeko nogogwa kwak lek it yogondak wonogwe yi, abunuk nggwok lombok eeko menggaarak,” yegerak me, yokkiragi o.

Yeremiya 7:33

Ti eyom panggoni wage kenok, inoorak nogo towe wiga agan nugu menggaarak inom, ndiimbu-nggwiya nggween paga nugu menggaarak abok aret inom, aap ambi nen mugogo nappiyoorak ineebe lek me, inambi-inambiingga pogom inoorak ti, ugun nenet nogo logogun o.