Pelaareegerak 8:12 - Ala Wone Peenok Peebi Mbanak

¹² Kinambi ndonggorogon nonggo logomonggotik, kinaanoma'le ndeenggwi, kinawi obeelom lombok wurogo patinuk wonogwe,

Pelaareegerak 8:12 ပူးပေါင်းရင်းမြစ်များ

Kini Wuppiige 30:9

Neenggi warak logonet, mbi abe ndonggok togon naminggirak paga an nen mbo pagage logonet, “Aliku ALA ti, ta o?” ari, Ndi, neenggi lek logonet aakumi inamendek kiraariminggirak paga kat nogoba Ala kendage maluk eerogo pagage, Eerukwak nduk, Yokkege agarik o.

Wone Alom Kibingga 2:4

An yi yabu ndi yabu nggwok lombok eeke logonet, yi o ndi o wurogo patit nage, neyabume anggur awi yarogo patit nage,

Yetikiyen 11:3

It nen yogo logonet, Logonuk lek aret yi o ndi o wurik lek agaarak obaane'me wurugun nogo lek a? O kota yi ti, kuwali kwak, ndi, enggaanggum kwak ti, nit aret me, op aret logogun o, yinuk, yogwe me,

Amot 5:11

It aap ambi eekkoloorak meek mendek nogo wi-wi aganako logonet, inambi gandum anggen mbanak nogo ndinogo waganggwi, Eeko monggotak o. Togop me, kinawi nggwok yugum abe amuni mbanak paga wurumonggotak kwe, o time ye mbanggola unggwogwe, Anggur awi yarumonggotak abe mili kwit agan laganemenggerak kwe, amburu toologo nunggwi, Eeko logomunggup lek o.

Agayi 1:4

“It an napuri ti, an nawi wurik langgu-langgu aago wonage kagak, it inawi eyo abe kigirikwe lombok paga nabenogo wuppunuk logorak eyom muk panggoni wagaarak ya? yinuk, yegerak o.

Lukat 17:28

At Lot wonage kagak, eereegerak nogo ndak-ndak aakumi nen mbi nunggwi, amburu nunggwi, inamendek kunggologwe, inageerok onggo mbanggologwe, yabu waganggwi, o wukwi, ugun eerit nugwi iigak,

Pelaareegerak 28:47

At Aliku kinogoba Ala nen yi mendek ndi mendek kalo logonogo wokkiramenggerak obeelom mban wonogo logonet, Ninogoba Ala eeppinanege me, wa, yinuk, kiniki ale'nggen nen ayeloman logonet, At ake eeriyak nineebi o, yogwe kiinok,

Pelaareegerak 31:20

An nen nggween, Wokkiraagin o, yinuk, it inombomini wone abuk nggaruk togon kumbuk mbanogo yoragagim yilak amburu inom, nggiin amburu inom, niyo eneeri negen kila-kila wungge menggim nogome wogoren piya nage neenok, yi mendek ndi mendek abe mban ndonggok togon nonggo logomenggaarik, ineebe kole aremenggaarak kwe, an mbo paninuk, ninom wone abuk nggaruk togon koonogo pereegurak nogo taganogo punuk, an nalut eekwi nobaane'me kugi ayuk wuko logonet, eekwi iinok,

Pelaareegerak 32:15

Kendage Yetiyurun ti, li'lak eeka aret kwe, Keebe kole a'nuk, kiyok konden kambokan nen yigirogo pege, Ndonggok togon nenok, keebe piike logonet, Keeruwak loba eerogo pege, Eeke nagagindik, Kanebunu ambit mendek agago pagareegerak Ala nogo mbo punuk, mbagangge, Yugum nu'lek menggi kwak kagap ndaka nogo teppege, Eeppunuk,

Pelaareegerak 6:10

Yorage nagagerik, ambi yorage logonet, “At Aliku kinogoba Ala nen kinombomini Abarakam inom, Itak inom, Yakup inom, O nggween wokkiraagin o, yinuk, wone abuk nggaruk togon yoragagim nogome o kota-kota nggwok ambik lombok wurik wonage me, kit nen ambi wukwi,

Pelaareegerak 8:13

kinaanggumi lembu-tapi inom, kambin-ndomba inom, ambik yagabit age, kinamindik-kinamendek mbuti perak-emas ambik lombok age, eeke kenok,