Pelaareegerak 8:10 - Ala Wone Peenok Peebi Mbanak

¹⁰ Yi mendek ndi mendek ndonggorogon nonggo logomonggotik, kinaanoma'le ndeenggo logonet, At Aliku ninogoba Ala nen ninanggween abe wo'niragagerak me, Wa, yinuk, alut eeko logomunggup o,” yoragagerak.

Pelaareegerak 8:10 ပူးပေါင်းရင်းမြစ်များ

1 Mbinineegwaarak 29:14

An inom, aakumi an napuri yi inom, niniki nen yi mendek ndi mendek ninili yuulik iya negen wokkogoorak yi, nit meek aret niigak kwe, kat wokkiruwok nduk, eerogo pinanggendak o. Yi mendek ndi mendek abok aret kat nen wo'nirage menggendak me, kat kamendek aret wokkogo o.

Ndawi 103:2

Niniki yi wae. Aliku ALA tiyappege, At yi obeelom ndi obeelom eeppagage nogo, Kobak eerogo pega'lek abeke, Eeke logot o.

Kini Wuppiige 3:9

Kat kamendek kiniki kundugu paga, Kamendek iyaalok yugu anggen mbanak paga, Aliku ALA endage tiyappege logot o.

Yetaya 5:1

Nore niniki kunik eeke nogo ake ndawi wake, At eyabu anggur yarak ndawi paga anep pege, Eerigin nogo yi o. Nore niniki kunik nogo puut elan me anggween mili paga anggur awi yarak wonagagerak.

Yowen 2:26

Ti eerogo piminggirak paga yi mendek ndi mendek ka'lek-pa'let aremenggerak me, nonggo logonet, ndonggoppiyaagin o. It liippuwak nduk, an iya tit eerubok mendek eeke neenok, inogoba Naliku Ala an nendage tiyappogo logogun me, It an napuri ti, ambinom inenggali mbakak nugu logogun mondok lek o.

Matiyut 14:19

Yinuk, aakumi ambik nogo, “Iri'ngga paga kwi'na'nip o,” yorage nagagerik, kwi'nogo mbareegwa, at Yetut nen roti 5 inom, ndi, ikan mbere inom, woppunuk, ena mbogut paga ni'nage nagagerik, “Nogoba Ala wa,” yinuk, roti nogo karerogo at oone waganggwi nogo wogorage mbareegi, it nen aakumi kuwak aago nogo tumburirogogwaarak.

Yaya 6:23

yiiro ando o Tiberiyat nen ninogoba Ala, “Wa,” yinuk, aakumi roti tumburiragagerak nonggo nogogwam nogome aret wunda wogwe iigo nogogwaarik,

Oroma 14:6

It ando nen, “Ne yi paga yi eekak ndi eekak eeriyak mage o,” yinuk, yogwe nogo ti, ninowe endage tiyak yuwak nduk, yogwe me, ti op aret yogwe o. It ando nen, “Yi mendek ndi mendek ugun nonggo logorak,” mbakwi nogo ti, “Ala wa,” yinuk, nunggwi me, ninowe endage tiyappogo logonet, aret nunggwi o. Ndi, it mbi-mbiingga mban nunggwi nogo ti, it kunduk, “Ala wa,” yinuk, nonggo menggaarak me, ninowe endage tiyappogo logonet aret nonggo menggaarak.

1 Korindut 10:31

Kinambi nunggwi, kinagi nunggwi, yi eekak ndi eekak abok aret eeko logonet, Ala endage tiyappuurak nduk mban eeko logonip o.

Pelaareegerak 31:20

An nen nggween, Wokkiraagin o, yinuk, it inombomini wone abuk nggaruk togon kumbuk mbanogo yoragagim yilak amburu inom, nggiin amburu inom, niyo eneeri negen kila-kila wungge menggim nogome wogoren piya nage neenok, yi mendek ndi mendek abe mban ndonggok togon nonggo logomenggaarik, ineebe kole aremenggaarak kwe, an mbo paninuk, ninom wone abuk nggaruk togon koonogo pereegurak nogo taganogo punuk, an nalut eekwi nobaane'me kugi ayuk wuko logonet, eekwi iinok,

Pelaareegerak 8:9

wonogwe kiigak, mbi noogelo ambi kinoba age, kinamendek ambi lek age, eerigin lek o. O time yugum nogo ti, mbuti mendek mban kunik wonage, ndi, puut-puut time mbuti tembaga mban wonage me, nggween kabunogo wonet nogwe, eeko logomunggup o.

1 Tetalonika 5:18

Keritut Yetut kinom kunik logonet, eerit nogwe kiinok, yi mendek ndi mendek eeppinagagwi nogo ti, Ala mbareegerak paga aret eeppinagagwi me, “Wa,” mban yogo logonip o.