Pelaareegerak 7:8 - Ala Wone Peenok Peebi Mbanak

⁸ Togop aret kwe, at Aliku ALA nen kinabuwa mbake nagagerik, kinombomini wone abuk nggaruk togon kumbuk mbanogo yoragagerak nogo abeppunuk, aap o Metit mendek endagembogut Pirawun abu'me tebembinagago wonage me, at Aliku ALA eenggi omaawi paga Pirawun eenggime nen kinagap ndarogo wokkiren wundi wagagerak.

Pelaareegerak 7:8 ပူးပေါင်းရင်းမြစ်များ

Wakkagagerak 19:16

Yoreegwaarak kwe, at Lot nogo iniki yungguppegak eeke elaambirik mbareegi, Ala nen at Lot nogo abuwa mbareegerak me, akwe apuri komologwe mbere nogo inom Ala ayonggo malayikat nogo o Torom nen ineenggi pigiren endekem wumbiya nogogwaarak.

Wakkagagerak 19:29

At Ala nen o kobappaga tini Torom Nggomora imbirak pup eerogo inooreegerak nogo ti, o tini mbere Lot wonagagim nogo nippegak-wuppegak eeke logonet, wone Abarakam yoreegerak nogo abeke nagagerik, at Lot inom warukwak nduk, nggiginogo wumbereegerak.

2 Tamuwen 22:20

O nggwok obeelom me, pani nage, Eekerak nogo ti, An at iniki kunik aret me, nagap ndakerak o.

1 Endagembogut 10:9

At Aliku kogoba Ala nen inikilom kombake logonet, aakumi Iterali inowe kendagembogut logonet wone lengganogo yorage logonok nduk, mippagareegerak me, endage tiyappogo logowok o. At Aliku ALA nen it Iterali mondok-mondok iniki kunik eeginake menggerak me, it abe mban koonggwi, li'lak mban eekwi, eekwi iigak, inarum logonok nduk, kendagembogut mippagareegerak o,” yinuk, yoreegerak.

2 Mbinineegwaarak 9:8

At Aliku kogoba Ala nen inikilom kombake logonet, aakumi Iterali inowe kendagembogut logonet, at Aliku kogoba Ala wone lengganogo yorage logorak kwak yorage logonok nduk, mippagareegerak me, Aliku kogoba Ala endage tiyappogo logowok o. At Aliku kogoba Ala nen it Iterali mondok-mondok iniki kunik eeginake, ndi, at abu'me piinok menggim mondok-mondok logorak mbake, eeke menggerak me, it abe mban koonggwi, li'lak mban eekwi, eekwi iigak, inarum logonok nduk, kendagembogut mippagareegerak o,” yinuk, yoreegerak.

Ndawi 105:42

Ti eerit wagagerak nogo ti, Aliku ALA nen wone abu abe abuk nggaruk togon koonogo Ayeloman Abarakam yoreegerak nogo Aberak logonet, eerit wagagerak.

Ndawi 44:3

It aakumi yi, kiniki kunik eeginabeegindak me, Yate kwak nggween kologogwaarak nogo ti, Inawooluwak ayuk paga kologwe, Ineenggi omaawi paga ineegin tiyak ari, Eerulik o. Ata, kat keenggi omaawi abe paga inom, Ketenggen eya aago wonage nogo paga inom, Ineegin tiyak yuwak nduk, eeppiyareegindak o.

Ndawi 44:4

Kat nogoba Ala kendagembogut aret o. Yakup ombowologwe ineegin tiyak yuwak nduk, Wone lengganogo yorage nagagindak o.

Wundeegwaarak 13:14

Ndi, peebi ne ambi paga kinapuri nen, Kit eekwi yi, wone eebe ngge nduk eeko ogotik? Yokkirogwe iinok, kit nen yorogo logonet, At Pirawun iniki omaawi logonet nit wundi woraawok nduk, teppinaniyak eebi mbake nagagerik, pippinanogo wonage mbareegi, Aliku ALA nen aakumi Metit mendek inapuri manggu ndarak inom, inaanggumi ndaka'lek me aa'nduk ndarak inom, inooke nagagerik, eenggi omaawi paga o Metit nen wo'niren wundi wagagerak kenok, ninaanggo ndaka'lek iyaalok lombok nda'nogwe iinok, at Aliku ALA ake leenogo pugwi, ndi, ninapuri aap manggu ndarak Aliku ALA wogoriyak ineebi mbakwi iinok, inobaane'me wu aret pugwi, eeko monggoorak o.

Wundeegwaarak 13:3

Yoge mbareegi, at Muta nen it aakumi Iterali yorage, “Kit aakumi Metit mendek inayeloman eerak wonogwe me nen ne yi paga aret Aliku ALA eenggi omaawi paga wokkiren wundi woramenggerak me, ne yi paga ari wage kenok, abeko logonet, laago nggwok aret lako logomunggup o. Lako logonet, oroti piiruwak nduk, pogo menggaarak ragi nogo yi mendek ndi mendek enggela'me punuk, amok mbanogo nonggo logorak mage o.

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Wundeegwaarak 32:13

It kayeloman mini Abarakam inom, Itak inom, Yakup inom, kat kendage kumbatinuk, yorage logonet, Kinombowologwe laaluguragan mbogut paga ambik wonage ti kwak wokkirage, ndi, nggween ti nogo kinombowologwe mondok-mondok unde eeppunuk, logowak nduk, wogorage, eerigin o, yinuk, wone abuk nggaruk togon yoragagindak nogo aberu o.”

Wundeegwaarak 6:6

it an napuri lombok ogwe, ndi, an inogoba Ala aret age, eerigin me, it aakumi Metit mendek inake yabu eeko logowak nduk, inoone omaawi paga yorogwe nogo, ineenggime nen ndinogo wondet eerogo piyaminggirak paga Naliku inogoba Ala an aret ineenu arugun o.

Yetaya 43:4

It an niniki kundugu abu tiyanak lombok wonogwe iige, Ndi, an niniki kunik lombok eeginake, Eeke me, It eeppiyookwak inobaane'me aakumi ambi eeppiige, Inili ari logonet, yi aakumi ndi aakumi inobaane'me eeppiige, Eerigin o.

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Yeremiya 31:3

O maan aa'nduk Aliku ALA nen nit ninowagam kin ari wa'nuk yo'nirage logonet, “An kinabuwa nen niniki kunik eekkinabeegirak nogo ti, Lek ariyak lek mondok-mondok logorak nogo mendek paga eekkinabeegirak me, Ninom kunik lombok logowok nduk, niniki kunik eekkinakak mban eeke minggirak o.

Yetikiyen 36:22

Togop aret me, it Iterali mendek yorage logonet, At Aliku Itok Menggerak ALA nen yegerak nogo yi aret o. An nen it Iterali obeelom eerogo piyoorak yigin yi nogo ti, it obeelom eekwi paga lek o. Ata, it nen yi aakumi ndi aakumi inenggela'me it nogogwam abok aret nogome logonet, nendage abe alik leenak wonage nogo, maluk eerogo pereegwaarak me, nendage alik leenak nogo obeelom aruwak nduk, eeppiyaagin o.

Mika 6:4

An o Metit nen wokkiren wundi wage, Aakumi inayeloman mini eeppinaganuk wonogwe me, wondet eerogo pinagage, Kit wokkiren woraawak nduk, Muta inom, Karun inom, Miriyam inom, kinowagam nappiya wage, Eereegirak o.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Tepaniya 3:17

Aap wim wakaa'ngget nen inawuri inagap ndako mengga kwak, Aliku kogoba Ala kenggela'me logonet, kagap ndake, Iniki kunik lombok eekkake, Kabuwa mbake paga kiniki kwippagage, Kale'nggen nen ndawi wake, Eerigin o,” Yinuk, yogo logogun o.

Maleyaki 1:2

Aliku ALA nen ari logonet, “An nen it Iterali niniki kunik eeginake neegak kwe, it nen yogo logonet, Nonggoti agago iniki kunik ee'ninake me yo'nirage agaarik o? yinuk, kin wo'neegwi iigi,” yegerak o. “At Etawu ti, Yakup oweeluk nogo lek a? Oweeluk aret kwe, an nen at Yakup niniki kunik eeke,

Matiyut 11:26

Yi eereegindak nogo ti, kinikilom mba'nuk eereegindak me, kat nogoba wa, yokkigi o.”

Oroma 11:28

It aakumi Iterali nogo nen “Obeelom wone woorak, nineebi o,” mbako mbareegwa, Ala inom ogoorak wonage paga kit endekem konenggulik mendek obeelom wone aret waganggo ogotik kwe, Ala nen Iterali miirinake nagagerik, it aap Abarakam inom, Itak inom, Yakup inom, eeppiyoorak wone abok yoragagerak nogo paga nen perak, inom iniki kunik wonage agaarik o.

Pelaareegerak 1:8

Nggween kamonggotak nogo abok aret Naliku an ALA nen kinombomini Abarakam inom, Itak inom, Yakup inom, inapuri-inombowologwe ndaganabit namenggaarak inom, Wokkiraagin o, yinuk, wone kumbuk mbanogo yoragagirak nogo, kit muk wokkiragagirak me, time aret unggwi nogo logomonggotik, unde arumunggup, yo'niragagerak nogo o,” yinuk, Iterali yoragagerak.

Pelaareegerak 10:15

Togop aret kwe, at Aliku ALA nen kit kinombomini nogo inabuwa nggwok lombok mba'nuk iniki kunik aganake nagagerik, aakumi inanebunu andorogon wonogwe iigak, inombowologwe kit mban miirogo pinagareegerak yogondak wonogwe kit yi aret o.

Pelaareegerak 23:6

Kit kineenik wonogo logonet, kinom lambunna'nuk, wone obeelom mbanggwi, inale'nggen mbaruwak nduk, obeelom eeppiigwi, eeka'lek kiigak, kambi noorak kuli ari nawak o.

Pelaareegerak 33:3

Kaliku ALA nen kapuri abet aret inabuwa mbake me, Kapuri kake leenak abok aret keenggime wonogwe nogo Kabu'me tebe yinuk, koone waganggwi,

Pelaareegerak 4:20

Kit perak, yate iniki kunik mengga kwak, at Ala apuri iniki kunik lombok logomunggup nduk, at Aliku ALA nen kit o Metit paga mbuti kani worako mengga kwak worakkinakwi me, wokkiren wundi wagagerak yogondak wonogwe yi aret o.

Pelaareegerak 4:37

Kit kinanebunu inom, kinomaawi inom, ndak-ndak lek it aakumi inanebunu ambik inomaawi nggwok lombok kit kinigen kiigak mugogo wumbiinok, it menggam time yate kwak kit unde arumunggup nduk, kinombomini iniki kunik aganake nagagerik, inapuri nda'narit wundi wogogwaarak nogo miirogo piinok, at lombok omaawi ambik paga o Metit nen wogoren wundi wagagerak me, yogondak yi paga aret nggween ti unde arumunggup o.

Pelaareegerak 5:6

O Metit paga inayeloman eeppinagago wonogwe me, wokkiren wundi wagagirak Naliku kinogoba Ala an aret o.

1 Yaya 4:19

Aa'nduk at Ala nen nit ninabuwa mba'nuk, iniki kunik ee'ninabeegerak me, yogondak nit togon togop aret aakumi inabuwa mba'nuk, niniki kunik aganako logowok o.

1 Tamuwen 12:22

At Aliku ALA endage abu tiyanak lombok logowak nduk at Aliku ALA nen inikilom kinombake logonet, apuri iniki kundugu lombok eekkinabeegerak me, mbo pinagagin mondok lek o.