Pelaareegerak 7:7 - Ala Wone Peenok Peebi Mbanak

⁷ At Aliku ALA nen kinabuwa mba'nuk miikkinabeegerak nogo ti, yi aakumi ndi aakumi inanebunu nggwok mendek inenggela'me nen kit abu nggwok me nduk, miikkinabulik o. Ata, it inenggela'me nen kit kinanebunu abu mbuuluk lombok kiigak kwe, miikkinabeegerak.

Pelaareegerak 7:7 ပူးပေါင်းရင်းမြစ်များ

1 Mbinineegwaarak 16:19

Inanggween paga aap nggiru kwak Ineebe ambitak mban wonogwe, Ineebe mbuuluk mban wonogwe, Eeko logonet,

Ndawi 105:12

Ineebe mbuuluk mban wonogwe, Ineebe mbereret aap nggiru kwak wonogwe, Eeko logonet,

Ndawi 115:1

Kaliku ALA wae. Kat nen aret kiniki kunik ee'ninake, Kat nen mban ko'lu-kii'me liirogon eeppinanege, Eeke menggendak me, Nit ninendage tiyappakwi, nit wogoppakwi, Eekwi lek o. Ata, kat mban kendage tiyanak logowak nduk eeko ogoorik o.

Ndawi 44:3

It aakumi yi, kiniki kunik eeginabeegindak me, Yate kwak nggween kologogwaarak nogo ti, Inawooluwak ayuk paga kologwe, Ineenggi omaawi paga ineegin tiyak ari, Eerulik o. Ata, kat keenggi omaawi abe paga inom, Ketenggen eya aago wonage nogo paga inom, Ineegin tiyak yuwak nduk, eeppiyareegindak o.

Yetaya 51:2

Kinombo Abarakam inom, ndakkinabeegerak kwe Tara inom, pegiigwi, Eeko logonip o. At Abarakam alik wonage me wiige, nale'nggen oba pege, At ombowologwe ambik aret wiganogo piige, Eereegirak kwe,

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Yetikiyen 20:5

Yorage logonet, Aliku Itok Menggerak ALA nen wone yegerak nogo yi o, yinuk, it yoroorak nogo yi aret. An nen it Iterali miirinabeegirak ne ti paga, Wone yi abet aret o, yinuk, at Yakup mendek paga wiganak nogo, ninom kumbuk mbaneegirak. It o Metit paga wonogwe me, nomaawi neyaawak nduk, eeke logonet, Naliku kinogoba Ala ti, an aret o, yinuk, kumbuk mbaneegirak.

Yetikiyen 36:22

Togop aret me, it Iterali mendek yorage logonet, At Aliku Itok Menggerak ALA nen yegerak nogo yi aret o. An nen it Iterali obeelom eerogo piyoorak yigin yi nogo ti, it obeelom eekwi paga lek o. Ata, it nen yi aakumi ndi aakumi inenggela'me it nogogwam abok aret nogome logonet, nendage abe alik leenak wonage nogo, maluk eerogo pereegwaarak me, nendage alik leenak nogo obeelom aruwak nduk, eeppiyaagin o.

Matiyut 7:14

Ineenik ogo menggam unggwi noorak ti, tunggambe mbuuluk mbanak, ndi, tu nogo menggam kunduk kunik me, aakumi mbereeluk mban kwaakkologo nagaatik, unggwi nogo menggaarak o,” yinuk, yoragagerak.

Lukat 12:32

Yorage nagagerik, at Yetut nen, “Nandombalogwe wae! Ala nen kit at abu'me pinagarak inikilom mbareegerak me, kinagabiti mbarugup o.

Oroma 11:6

Ala nen miirinabeegerak nogo ti, it obeelom eekwi iinok, miirinabulik o. Ata, inabuwa nen miirinabeegerak. At Ala nen miirinabeegerak nogo ti, it obeelom eereegwaarak paga miirinabenetak en, inabuwa nen miirinabeegerak nogo ti, pilit aret mba'netak.

Oroma 9:18

at Ala nen aap ambi abuwa mba'nuk teppikit mbake kenok, teppege, ndi, ambi iniki omaawi eerogo pikit mbake kenok, iniki omaawi eerogo pege, eeke kogo monggoorak o, yinuk, yokkirage agarik o.

Oroma 9:21

Togolowak ogobakkigika nogo nen iniki mba'nuk ogobakkigike logonet, nggween nggabok ambit mendek aret waganogo togolowak ambi iya negen eekak yuurak nduk ogobakkigike, ndi, ambi we ugun eekak yuurak nduk, ogobakkigike, eeke menggerak nogo ti, at obaalombok eeriyak koombunuk, eeke logorak ti, meek me nduk, yogo ogotik?

Pelaareegerak 10:22

O maan kit kinombomini ineebe we 70 iluk aret o Metit nogogwaarak kwe, yogondak perak, at Aliku kinogoba Ala nen kineebe laaluguragan mbogut paga wonage ti kokwak agago pinagagerak wonage o,” yinuk, yoragagerak.

Pelaareegerak 4:37

Kit kinanebunu inom, kinomaawi inom, ndak-ndak lek it aakumi inanebunu ambik inomaawi nggwok lombok kit kinigen kiigak mugogo wumbiinok, it menggam time yate kwak kit unde arumunggup nduk, kinombomini iniki kunik aganake nagagerik, inapuri nda'narit wundi wogogwaarak nogo miirogo piinok, at lombok omaawi ambik paga o Metit nen wogoren wundi wagagerak me, yogondak yi paga aret nggween ti unde arumunggup o.

1 Yaya 3:1

Nit at apuri abet aret wonogwe me, at Ala nen, “Kit an napuri aret o,” yo'nirage ti paga at ninogoba ninabuwa nggwok mondok alik negen mbake menggerak ti, kaanip o. It aakumi nggween paga mendek mban mugurok nogwe nogo nen aa'nduk Ala yelok kaga'lek wonogogwaarak kwak, yogondak at apuri nit kunduk yelok niiga'lek aret agaarik o.

1 Yaya 4:10

Ninoreewi niniki kunik aganaburak nogo ti, ngge kokwak mbakop? Lek o. Nit nen Ala niniki kunik eerulik o. Ata, Ala ninabuwa nen iniki kunik ee'ninake nagagerik, ninomaluk lek eerogo pege logonet, ninom lambumbinanuwak nduk, at aput aret nappi wagagerak nogo kwak, nit togop aret ninoreewi niniki kunik aganako logowok o.