Pelaareegerak 7:5 - Ala Wone Peenok Peebi Mbanak

⁵ Togop aret me, it aakumi ti eeppiyoorak nogo yi aret. Inagugi aanggo warogo wogogo menggam ogobakkigirik minogo piigwi, inagugiwak yebibit nogo yigirik-noonom eerogo piigwi, inagugi eyo arelen yinik menggerak nogo kalenak-pugunik eerogo piigwi, inagugi ogut eerak nogo tigitogon kani kunggwi, eerumunggup o.

Pelaareegerak 7:5 ပူးပေါင်းရင်းမြစ်များ

2 Endagembogut 10:26

inagugiwak wonok wundi wogo nogogwaarik, kani kunggwi,

1 Mbinineegwaarak 14:12

Ndi, it aap Pilitin mendek inagugiwak taati mbo punuk, mbaganit nogogwaarak me, at Ndawut nen kabulogo kani kunuwak nduk, awuri yoragagerak.

2 Mbinineegwaarak 14:3

Eeke logonet, Ala ake lek kugi inake kani kunggo menggam inom, puut-puut paga warogo wogogo menggam eerak inom, minogo mbo pege, it inalut eekwi kugi inogut yugum paga eerak nogo yanggunogo pit nage, kugigwe Atitoret ageyo arelen yinik nogo nggarik-nggarek eerogo pege, eeke nagagerik,

Wundeegwaarak 23:24

Kit nen an nalut eekwi obaane'me kinendobanggun yindumbunuk, inagugi ayuk wukwi, inagugi inendage tiyappiigo logobagip nduk, inawi wukwi, it kugi eeko logonet, eeko menggaarak nogo ndak-ndak eekwi, eeriyak ti mage o. Ata, inagugi ogut aago ogobakkigirik nogo kalenak-pugunik eerogo piigwi, inagugiwak telenak-mbelenak agago piigwi, eeko logomunggup o.

Wundeegwaarak 32:20

Nappege nagagerik, tapi aagaluk ogut ogobakkigirogo pereegwaarak nogo waganogo kani paga worarogo wun pogom yigirik-noonom agago punuk, niyo inom nenggelak-kenggelak eerogo it aakumi Iterali mendek nawak nduk wogoragagerak.

Wundeegwaarak 34:13

Inagugi aanggo warogo wogogo menggam nogo yigirogo pugwi, inagugigwe endage Atiyera ageyo yinik nogo kalenogo pugwi, inagugi eeko menggam magame eyo abok aret muurogo pugwi, eerumunggup o.

Ala Unde 26:1

Yoge nagagerik, “Naliku inogoba Ala an aret me, nobaane'me kugi ogut ogobakkigirogo pugwi, yi mendek ndi mendek ogut agago pugwi, inagugiwak ogobakkigirogo pugwi, yugum ayo waganogo iname pugwi, eeppunuk, inendobanggun yindumbunuk, alut eeko logorak mage o.

Linggineegwaarak 33:52

it aakumi o time wonogwe nogo, mugogo wumbiinet nogo logonet, inagugiwak yebibit inom, inagugi ogot mbuti paga eerak inom, yigirogo pugwi, puut-puut paga inagugi aanggo warogo pogo menggam abok aret minogo pugwi, eeko logomenggaarik,

Pelaareegerak 16:21

Yorage nagagerik, ambi yorage logonet, “At Aliku kinogoba Ala ake warogo wogogo menggam eraaninu time inagugi arelen imbirak tabonogo mippugwi, kinagugi yebibit mendek imbirak nabenogo kwippugwi, eekwi iinok, at Aliku kinogoba Ala eebi lombok mbake menggerak me, togop eeriyak mage o,” yoragagerak.

Pelaareegerak 7:25

Ndi, it inagugi alut eeko menggaarak ogut ogobakkigirik nogo abok aret kani kunumunggup o. At Aliku kinogoba Ala nen kugiwak abu eebi mbake menggerak me, inagugi ogut ogobakkigirik paga mbuti perak-emas paga nabenak wonage nogo, kiniki uugwe mba'nuk waganggwi kiinok, ta'na pugu kwak kinenggaanok nggerenggolookwak, ambi woorak abu mage o.

Pelaareegerak 9:21

Eeke nagagirik, maluk eeko logonet, tapi aagaluk ogut ogobakkigirogo pereegutak nogo waganogo kani paga worarogo wun negen yigirik-noonom eerogo pege nagagirik, niyo eneeri puut paga nen wambi wage me time mbo mambi nagagirak o.