Pelaareegerak 7:25 - Ala Wone Peenok Peebi Mbanak

²⁵ Ndi, it inagugi alut eeko menggaarak ogut ogobakkigirik nogo abok aret kani kunumunggup o. At Aliku kinogoba Ala nen kugiwak abu eebi mbake menggerak me, inagugi ogut ogobakkigirik paga mbuti perak-emas paga nabenak wonage nogo, kiniki uugwe mba'nuk waganggwi kiinok, ta'na pugu kwak kinenggaanok nggerenggolookwak, ambi woorak abu mage o.

Pelaareegerak 7:25 ပူးပေါင်းရင်းမြစ်များ

2 Endagembogut 23:14

inagugiwak yebibit nogo yigirogo pege, kugigwe Atitoret ageyo arelen mippugu nogo mbanogo pege, eeppunuk, it inagugi eeko menggam time aakumi inowak nenenak ogombaga nggininogo pit nagagerak.

1 Mbinineegwaarak 14:12

Ndi, it aap Pilitin mendek inagugiwak taati mbo punuk, mbaganit nogogwaarak me, at Ndawut nen kabulogo kani kunuwak nduk, awuri yoragagerak.

Wundeegwaarak 20:17

Aap ambi awi wurik a, akweeluk a, ayeloman kumi-aap a, aanggumi lembu-keledai a, amindik-amendek abok aret kiniki nen uugwe-uugwe mbariyak mage o,” yinuk, wone ti abok aret at Ala nen aret yoragagerak.

Wundeegwaarak 32:20

Nappege nagagerik, tapi aagaluk ogut ogobakkigirogo pereegwaarak nogo waganogo kani paga worarogo wun pogom yigirik-noonom agago punuk, niyo inom nenggelak-kenggelak eerogo it aakumi Iterali mendek nawak nduk wogoragagerak.

Wundeegwaarak 8:26

Yorage mbareegi, at Muta nen ari logonet, “Nit togop eeriyak ti meek o. At Aliku ninogoba Ala ake warogo wogogwi nogo ti, it aakumi Metit mendek ineebi mbako menggaarak me, inigen iigak, warogo Aliku ALA wogogwi niinok, Ogole warak mendek eekwi o, yinuk, yugum paga ninoorugun nogo lek a?

Yetaya 30:22

Kinagugiwak mbuti perak paga nabenak inom, kugi ogut ogobakkigirik mbuti emas paga nabenak inom, “Yi maluk ogole warak aret,” mbakwi, ndi, kumi tut kagaatak inayum paga lenggenak mbo pogo mengga kwak, “Kugiwak inom, kugi inogut inom, yi, yayi logorak lek o,” yinuk, mbo wumbugwi, eeko logomunggup o.

Yetaya 41:24

Kit kugi yi, abe lek mendek kagak agan nogo ogotik! Ndi, eerit nogo monggotak ti kunduk, abe ambi eeppiyoorak lek we aanom warogo eerit nugu monggotak me, It kinayuk wuko logowak nduk, miikkinakwi nogo inogole warak aret menggaarak o.

Ala Unde 13:52

yi mendek ndi mendek ku'lu eerogo pit namenggerak abu maluk nogo ti, ogole warak lombok me, ambinom ku'lu eerogo pit nookwak, yi mendek ndi mendek eeko menggaarak kagak, tigitogon kani nen nawak nduk, kumbuwak o.

Ala Unde 19:4

Naliku inogoba Ala an nalik aret me, it nen inena nomorogon, inagugi amugurok nogwe, mbuti paga inagugiwak ogobakkigirogo patinuk, alut eekwi, eeko logogwaarik o.

Tepaniya 1:3

“Aakumi inom, yi mendek ndi mendek ineenik nggween paga nugu menggaarak anebunu lombok inom, inenggaawak lek eerogo piige, Yi towe ndi towe oolo ya'i wiganinuk nugu menggaarak inom, yi yikwe ndi yikwe niyo nggwok yenggenak laut inikime menggaarak inom, lek eerogo piige, It aap an noone ineebi mbaka inom, aakumi o nggween paga wonogwe abok aret inom, mondok lek eerogo piige, Eerigin o,” yinuk, Aliku ALA nen aret yegerak o.

Pelaareegerak 12:3

it inagugi eeko menggam lek eerogo pugwi, inagugiwak yebibit yigirik-noonom eerogo pugwi, inagugi eyo arelen yinik nogo kani kunggwi, inagugi ogut ogobakkigirik nogo kalenak-pugunik eerogo piigwi, eeko logomonggotik, inagugi inendage mbanak o time wonage nogo abok aret kagaarogo piyaamunggup o.

Pelaareegerak 13:16

Eerogo piigo logomonggotik, yi mendek ndi mendek inagugun wamonggotak nogo apit aret inawi tinime oolo taati kuwak eerogo punuk, at Ala ake warogo apit aret kani kunggo mengga kwak, inawi wurik inom, inagugun wogo nogo inom, apit aret at Aliku kinogoba Ala iniki yonggo yuwak nduk kani kunumunggup o. Ndi, o nogome obaane'me wuka'lek yi mendek ndi mendek yigirik-noonom aago mban mondok-mondok logonak aret logowak o.

Pelaareegerak 17:1

Yorage nagagerik, ambi yorage logonet, “Ndi, lembu ilik, ndomba a, awinde-obaande eerak ilik, eebe maluk eerak a, at Aliku kinogoba Ala nen, Ogole o, yinuk, eebi mbake menggerak me, kit nen togop eerak kenok, Aliku ALA ake pogo logorak mage o.

Pelaareegerak 23:18

At Aliku kinogoba Ala ti, kumi-aap we ugun wurinakwi ineebe inom, wurinakwi onggo pugu inom, imbirak abu eebi lombok mbake menggerak me, kumi a, aap a, ugun wurinako logonet, onggo wu pugu nogo ti paga, Ala ndogop wogorikit o, yinuk, kumbuk mbanogo punuk, at Aliku kinogoba Ala awooliya wurik me ake pi unggwogo logorak ti mondok mage o.

Pelaareegerak 27:15

At Aliku ALA alut eekwi obaane'me kugi ogut at eebi mbake menggerak nogo mendek it aakumi ineenggi amburu paga yugum mendek a, eyo mendek a, nogo paga ogobakkigirogo pugwi, mbuti mendek paga longgo warogo pugwi, eeppunuk, kote alut eekwi iinok, pulunik aret logowak o, yogwe iinok, It aakumi abok aret nen, Abet aret o, yogwe,

Pelaareegerak 7:16

It aakumi inanebunu lombok kit nen inoorumunggup nduk, at Aliku kinogoba Ala nen kit kineenggime pinagage kenok, kineebe aa'ndok mbanggolookwak, ambi abuwa yinuk teppiigak, it inagugiwak mendek alut eekak, eeko logorak mondok mage o. Ata, ineebe tigitogon aret inoorogo piyaamunggup o.

Pelaareegerak 7:5

Togop aret me, it aakumi ti eeppiyoorak nogo yi aret. Inagugi aanggo warogo wogogo menggam ogobakkigirik minogo piigwi, inagugiwak yebibit nogo yigirik-noonom eerogo piigwi, inagugi eyo arelen yinik menggerak nogo kalenak-pugunik eerogo piigwi, inagugi ogut eerak nogo tigitogon kani kunggwi, eerumunggup o.

Yotuwa 7:1

Yotuwa nen aakumi Iterali yorage logonet, “Aakumi Yeriko inamendek ti, Aliku ALA amendek ake leenak aret me, woorak mage o,” yoragagerak kagak, aap ambi anebunu Yekura mendek endage Tera. Tera aput Tabiri. Tabiri aput Karimi. Karimi aput Akan nogo nen yi mendek ndi mendek ando waganeegerak me, at Aliku ALA anini mi'nage logonet, Iterali inoba piyareegerak.

Yotuwa 7:21

Kugun wogo yum nggorek kigirikwe o Mbaben mendek penggaarak abe mendek inom, wu mbuti perak aaninggin mbere wakkaanuk, ambi oolo negen ari nage inom, mbuti emas aaninggin ambi oolo negen ari nage nogo inom, an nen nenegen kage nagarik, uugwe nen wagangge nagarik, nawooliya wurik me nggween kabunogo mbuti perak nogo abena pege nagarik, ando ogombaga kumaappigirak wonage o, nogoba.”

Wayu 17:5

O nggween paga eekulik mendek eerit nugwi, It kumi nen, “Ee'ninabi woraanip o, yinuk, yogwe, Eeka nogo inagalo o kota nggwok Mbaben an aret o,” yinuk, enggaawak paga endage ti, liiru mbanak wonagaarak. Ndi, endage mbanak wonagaarak nogo ti, eegu laarogo negen mbanak me, aakumi liippuurak meek aret wonagaarak.