Pelaareegerak 7:23 - Ala Wone Peenok Peebi Mbanak

²³ Ata, at Aliku kinogoba Ala nen aakumi ti, kineenggime wokkiramenggerak ugun naga'nuk kobak aago nugu logonet, ineebe lek eekko'net nogo logogun o.

Pelaareegerak 7:23 ပူးပေါင်းရင်းမြစ်များ

Wundeegwaarak 23:27

Yi aakumi ndi aakumi inanebunu lombok nen kit nogwe nogo inaruk konembunuk, Wogwe yi o, yinuk, inagabiti mbakwi, iniki ma'nogwe, eeppunuk, kinogole nen mbaganuwak nduk,

Yetaya 13:6

Naliku an ALA nen eeppiyoorak eyom muk panggo yi wagaarak me, inale yikkologwe, Ti eeppiyoorak eyom ti, Nomaawi Lombok Minggirak an nen it lek eerogo piyaagin me, inaleenggu maakkologwe, Eeko logowak o.

Yeremiya 17:18

It aakumi an piya'nabit nugu menggaarak nogo inenggali aruwak nduk, eeppiyoorak op aret kwe, An nenggali aruwak nduk, mbo panege, It inaganak waruwak nduk eeppiyoorak op aret kwe, an naganak waruwak nduk, eeppanege, Eeriyak mage o. Aakumi aaninggin inoba piyoorak koonak nogo ti, aaninggin inoba kwippiige, Ndi, maluk eerogo piige logonet, maluk ne mbere eeppiyookwak nggwik togon aret eerogo piige, Eeke logot o.

Yowen 1:15

Ne ti nogo ti, aakumi inamineeri ne agan noorak aret me, iya! At Aliku ALA eeriyak eyom muk koorok panggoni wagaarak o. At Omaawi Lombok Menggerak wage logonet, nit aakumi lek eerogo pinanege, Yi mendek ndi mendek mondok lek eerogo pege, Eeriyak eyom aret ari wage agaarik o.

Pelaareegerak 2:15

It nogo ti, awo unggwi naga'lek iigak, aakumi Iterali inenggela'me nen inenggaawak mbet-mbet lek ogo logowak nduk, at Aliku ALA nen eeppiinet nage nagagerak.

Pelaareegerak 31:5

At Aliku ALA nen kinawim ti, kineenggime wokkirage kenok, an nen yokkiragagirak ndak-ndak aret eeppiyaamunggup o.

Pelaareegerak 8:20

At Aliku kinogoba Ala oone yokkirage nogo koneniyak kineebi mbarumonggotak paga at Aliku ALA nen kit kinenggaanom paga aakumi inooreegerak togop nogo aret kineebe lek eerogo pinagagin o,” yinuk, yoragagerak.

Pelaareegerak 9:3

Togop aret kwe, at Aliku kinogoba Ala aa'nduk age logomenggerik, kani omoonuk nen ne ambit liingge nengge menggi kwak, it togop aret inoorit nage logonet tebenogo piinet nage kagak, at Aliku ALA nen wone koonogo yokkiragagerak nogo ndak-ndak kit nen mbet-mbet aret ineebe lek eerogo piigwi, mugogo wumbiigwi, eerumunggup o.

2 Tetalonika 1:9

Ti eyom paga nit at apuri ake leenak nogo nen at eebe tiyappugwi, ndi, nit wone paganogo yokkirogogurak paga abet mbareegutak me, kit ninom abet mbakwi abok aret, “Wi!” ugwi, eeruwok nduk, woraagin o. Wage kenok, it Ala ineenggo'lek Yetut eeke nagagerak obeelom wone wagangga'lek mendek nogo, maluk onggo mondok-mondok aganabuwak nduk, at Ala nen, “An nomaawi paga eeppiinet nage neenok, aakumi nen, Wi! nugu menggam nenggaawak paga yayi logorak lek o,” yinuk, ogoorogo endekem wumbiyaagin o.

Yotuwa 10:10

at Aliku ALA nen it aakumi Amori mendek yale-pale eerogo mappiige mbareegi, it Yotuwa awuri inom nen aakumi Amori mendek abok aret, o Nggibeyon time mondok iya aret inoorogo piinok, tu Mbet-Koron lagi nogo menggam nogo paga muguren inoorit o endage Ateka inom, o Makera inom, aret ari nogogwaarak.

Owak Loongga 4:15

aap Titera nogo inom wim namburuwok nduk, endok kunggwi iigak, at Aliku ALA nen aap Titera awuri ineegin warak nogo inom, anggweendo wim eeka mendek inom, abok aret naalop-kaalop eerogo piinet nage mbareegi, aap Titera nogo anggweendo paga nen wambi woraanuk, iyok paga kole mbaganit nagagerak.