Pelaareegerak 7:18 - Ala Wone Peenok Peebi Mbanak

¹⁸ it ineebe paga kit kinagabiti mbarugup o. At Aliku kinogoba Ala nen aap o Metit mendek inowe endagembogut Pirawun nogo inom, it aakumi o Metit mendek inom, eeppiyareegerak nogo abeko logonip o.

Pelaareegerak 7:18 ပူးပေါင်းရင်းမြစ်များ

Ndawi 105:5

Aliku ALA ayeloman Abarakam paga wiganak yi wae. At leenogo pinagareegerak Yakup ombowologwe yi wae. At Aliku ALA iya tit eerogo pit wagagerak inom, Eerubok mendek eeke nagagerak nogo inom, “Aaninggin ndogop eeppinagagin o,” yinuk, kit kinom ogoorak yoragagerak nogo inom, Abeko logonip o.

Ndawi 77:11

Aliku ALA nen eerit wagagerak nogo niniki aberit nage, O maan aa'nduk lombok eerubok mendek eerit wagagerak nogo ninikime aberit nage,

Ndawi 77:12

At eerit wage menggerak abok aret ninikime mbiningge, Aa'nduk iya tit eerit wagagerak ninikime nen maloppit nage, Eekirak o.

Ndawi 78:11

Eerit wagagerak nogo inomari eerogo pugwi, Iya tit eeke inigen kogogwaarak nogo kobak eerogo pugwi, Eereegwaarak.

Linggineegwaarak 13:9

Inanebunu Mbeniyamin nen Arapu aput Paliti,

Linggineegwaarak 21:34

Wundi wogo mbareegwa, at Aliku ALA nen Muta yoge logonet, “Aap Ok eebe inom, at awuri wim eeka ineebe inom, inanggween inom, abok aret kat keenggime pagagirak me, aakumi Amori inowe endagembogut Tikon o Ketibon inarum wonage kagak eeppereegindak nogo ndak-ndak aret eeppumunggun me, at eebe paga kagabiti mbarugun o.”

Pelaareegerak 1:21

at Aliku kinombomini inogoba Ala nen yokkiragagerak nogo ndak-ndak, at Aliku ninogoba Ala nen ninanggween muk wo'niragaarak kagi, yinuk, unde eeppatinuk logomunggup nduk, noorak me, kinagabiti mbakwi, kiniki yungguppegak eekwi, eeriyak ti mage o.

Pelaareegerak 1:29

Yo'nirogo mbareegwa, an nen kit yokkirage logonet, It ineebe paga kiniki lek ogwe, kinagabiti mbakwi, eeriyak ti mage o.

Pelaareegerak 1:30

Kit o Metit paga kinigen lombok kiigak, at Ala nen kit kinake eeke kogogutak nogo kwak, at Aliku kinogoba Ala aa'nduk a'nuk, kinake wim eerigin o.

Pelaareegerak 20:1

Yorage nagagerik, ambi yorage logonet, “Ne ambi paga kinawim kinom wim eekwi kiinok, at Aliku kinogoba Ala o Metit nen wokkiren wundi wagagerak nogo nen yeenggwa kiraagin me, it inaguda-inanggweendo inom, aap ineegin warak kit ndak-ndak lek it ineebe ambik lombok aago inom, kinigen iigo logomonggotik, ineebe paga kinagabiti mbariyak ti mage o.

Pelaareegerak 31:5

At Aliku ALA nen kinawim ti, kineenggime wokkirage kenok, an nen yokkiragagirak ndak-ndak aret eeppiyaamunggup o.

Pelaareegerak 31:6

At Aliku kinogoba Ala nen teppinagage, eraanggi mbo pinaganuk mbagangge, eerigin lek kinom aret nagin me, it aakumi ti, ineebe paga kinagabiti mbakwi, kinaganak nuk-nuk kirage, eerugup o. Ata, kit kinogogumbuk kiniki nu'lek eeppatinuk logonip o,” yoragagerak.

Yotuwa 8:1

Ti'nuk, at Aliku ALA nen Yotuwa yoge, “Kat kiniki ma'nage logonet, kagabiti mbarugun o. An nen aap endagembogut Ayi mendek inom, aakumi at inarum menggerak inom, at unde menggim kota inom, anggween inom, abok aret muk keenggime pigirak me, it aap ineegin warak abok wogoren o Ayi inoba kwi'nari unggwi nanip o.

Owak Loongga 6:13

Yoge mbareegi, aap Nggireyon nen Aliku ALA ayonggo nogo yoge logonet, “Ai, nogoba o. At Aliku ALA ninom abet aret wonage kenok, nonggop nduk aaninggin-paaninggin yi, ninoba age agaarik o? Ninombomini nen nit yo'nirogo logonet, At Aliku ALA o Metit nen wo'niren wundi wage logonet, Eerubok mendek ndogop eerit wage kogogurak o, yinuk, mbininogo yo'nirogogwaarak nogo ngge o? Togop eeppinaniyak op aret kwe, kagak, yogondak nit mbo pinangge logonet, aakumi Miriyan mendek ineenggime pinanggerak wonogo ogoorik o.”