Pelaareegerak 7:16 - Ala Wone Peenok Peebi Mbanak

¹⁶ It aakumi inanebunu lombok kit nen inoorumunggup nduk, at Aliku kinogoba Ala nen kit kineenggime pinagage kenok, kineebe aa'ndok mbanggolookwak, ambi abuwa yinuk teppiigak, it inagugiwak mendek alut eekak, eeko logorak mondok mage o. Ata, ineebe tigitogon aret inoorogo piyaamunggup o.

Pelaareegerak 7:16 ပူးပေါင်းရင်းမြစ်များ

Ndawi 106:34

At Aliku ALA nen yi aakumi ndi aakumi lek eerogo piyaawak nduk, Wone lengganogo yoragagerak nogo ndak-ndak eerulik ando teppugwi,

Ndawi 106:36

It inagugiwak nogo mugurok nogwe, Eekwi paga keele pugu kwak yilunggologwe,

Wundeegwaarak 23:33

Kinom wonogo logonet, pagi keele pugu yilungge menggi kwak, inagugi eekwi mamunggologwe paga yilungginakwi iinok, an mbo paninuk, maluk eerukwak, kit kinanggween paga it kinom lambunik logomunggup nduk, teppiyaagup o,” yinuk, Ala nen Muta yoreegerak ti aret.

Yeremiya 21:7

Aliku ALA nen ari logonet, Ti eeke logominggirik, it Yekura inowe endagembogut Terekiya inom, aap endagembogut awuri inom, it aakumi kugilengga paga kanggwi, wooluwak paga warak kanggwi, mbi noogelo paga kanggwi, eeka'lek teppiyamenggerak it o kota yime menggaarak inom, nogo waganogo aap Mbaben inowe endagembogut Nebukanetat inom, it inooriyak eekwi inawim nogo inom, ineenggime piyaminggirak at aap endagembogut ti nen inabuwa mbake, ambi teppiige, obeelom eeppiige, eerigin mondok lek abok aret inoorogo piyaagin, yegerak, yori nabagip nduk, yokkiragi o.

Linggineegwaarak 33:55

Ndi, aakumi o ti paga wonogwe ti, mugogo wumbiiga'lek teppiyaagun kenok, it inom wonogo logonet, yugum anggen inigen anggup unggwegerak negen eerogo piigwi, alok ineebe paga ngguurik negen eerogo piigwi, eeko logogun o. Teppiyaagun kenok, o ti paga wonogo logonet, maluk eeppiigo logogun o.

1 Korindut 15:33

“Kit kinobaabut obeelom wonogwe nogo nen aakumi maluk eekwi kinom nugwi kiinok, kinom maluk eekkolaamunggup o,” yinuk, yogo menggaarak nogo ti, abet aret yogwe me, aakumi nen wone alik yokkirogo logonet, kinambokan laganggwi iyo, kiniki liippinip o.

Pelaareegerak 13:8

it inoone yogwe iigak teppiigwi, it inoone yogwe nogo konenggwi, inabuwa nen inili eerogo teppiigwi, eeriyak mage o.

Pelaareegerak 13:9

It togop eerugun nogo ti, kit aap o Metit mendek nen inayeloman eeppinagago wonogwe me, wokkiren wagagerak at Aliku kinogoba Ala nogo kinom tayenogo pinagawok nduk, eekkinabugun ti, kambuwak nduk, inoorogo piyoorak me, inooko logonet, aap ambi nen aap ambi togop agan wage enegen kamenggerak nogo nen aa'nduk yugum waganogo wake kenok, kit Iterali apit aret yugum paga warogo pumunggup o.

Pelaareegerak 19:13

Wogorogwe iinok, abuwa mbaka'lek aret warogo puwak o. Kit yi wone ndi wone kinoba aga'lek obeelom mban logomunggup nduk, aap ambi nen aap alik ambi maluk eeka'lek kagak ugun waremenggerak amiya wundemenggerak kineenggi paga logokwak me, aap togop mendek kenok, kit Iterali kinenggela'me nen nggiginogo enggaawak lek eeppogo logomunggup o,” yinuk, yoragagerak.

Pelaareegerak 19:21

Maluk togop mendek ambi eekwi iinok, inabuwa mba'nuk teppiigak eeriyak mondok mage o. Ata, aap ambi nen aap ambi waremenggerak kangge kenok, onggo at aret kambuwak nen warogo pege, aap ambi nen aap ambi enegen kilirogo pege kenok, at aret enegen kilirogo pege, aap ambi nen aap ambi eyak langgunogo pege kenok, at aret eyak langgunogo pege, aap ambi nen aap ambi eenggi mbanogo pege kenok, at aret eenggi mbanogo pege, ndi, aap ambi nen aap ambi iyok mbanogo pege kenok, at aret iyok mbanogo pege, eeko logowak o,” yinuk, yoragagerak.

Pelaareegerak 25:12

kwe ti abuwa mbaka'lek aret eenggi mbanogo nappogo logomunggup o.

Pelaareegerak 7:2

kineenggime pinagage kenok, kit nen tebenogo piinet nogo logonet, Ninom yogop aret eeko logowok o, yinuk, kinom wone koonogo pugwi, ambi abuwa nen teppugwi, eeriyak mondok mage o. Ata, ineebe abok aret inenggaawak lek eerogo piyaamunggup o.

Pelaareegerak 7:25

Ndi, it inagugi alut eeko menggaarak ogut ogobakkigirik nogo abok aret kani kunumunggup o. At Aliku kinogoba Ala nen kugiwak abu eebi mbake menggerak me, inagugi ogut ogobakkigirik paga mbuti perak-emas paga nabenak wonage nogo, kiniki uugwe mba'nuk waganggwi kiinok, ta'na pugu kwak kinenggaanok nggerenggolookwak, ambi woorak abu mage o.

Owak Loongga 2:12

Mugurok nogo logonet, Iterali inogobamini inogoba at Aliku Ala o Metit nen wogoren wagagerak kagak, mbo punuk, at alut eekwi obaane'me it aakumi enaagan-ambokan time wonogwe nogo inagugi inayuk wuko logonet, mugurok nogwe paga, Aliku ALA anini eeppiyaawak nduk, eeppereegwaarak.

Owak Loongga 2:3

Togop aret me, it aakumi o yime menggaarak yi, kit wonogwe me nen, an naa'nduk a'nuk mugogo wumbiyaagin lek o. Kinom ogoorak aret logonet, an nalut eekwi nobaane'me inagugi alut eerumunggup nduk, keele pugu pogom nggelenogo pinagagin o,” yinuk, yoragagerak.

Owak Loongga 3:6

Wonogo logonet, it aap Kanan mendek inapurilogwe komologwe nogo it Iterali mendek wogonakwi, ndi, it Iterali mendek nen inapurilogwe komologwe it Kanan mendek inapuri kolaawak nduk, wogorogwe, eeko logonet, Aliku ALA mugurok nogwe obaane'me it Kanan mendek inagugi inayuk wuko logonet, mugurok nogo nogogwaarak.

Owak Loongga 8:27

Pi wogo mbareegwa, at Nggireyon nen mbuti emas nogo paga yum agale warak epod eerogo ko'no negen mendaarogo punuk, at awi kota Opara time pereegerak me, kwe ambi ogonggelo mbo punuk, ya wukak menggi kwak, it aakumi Iterali nen Ala mbo punuk, yum agale warak epod nogo aret kugiwak negen eerogo punuk, alut eeri nogo nogogwaarak. Ti eekwi paga, yum epod nogo at Nggireyon inom, at apuri inom, ta'na pugu anggin pogom inoba luurik aret wonagagerak.