Pelaareegerak 6:8 - Ala Wone Peenok Peebi Mbanak

⁸ Mamuninako logonet, aberak mban logowak nduk, ineenu agak keele negen ineenggi paga pugunogo pugwi, inenggaawak paga pugunogo pugwi,

Pelaareegerak 6:8 ပူးပေါင်းရင်းမြစ်များ

Wundeegwaarak 12:14

An eeriminggirak yi eyom paga it mondok-mondok abeko logowak nduk, leenogo pigin me, yi tahun ndi tahun paga ne yi abeko logonet, it inom, inapurilogwe-inombowologwe nda'narit namenggaarak inom, Naliku ALA nalut eeriyak nduk, inale'nggen nen laago nggwok lako logowak o.

Wundeegwaarak 13:16

Yi eekwi nogo ti, at Aliku ALA eenggi omaawi paga o Metit nen wo'niren wundi wagagerak nogo nineenu agak mendek aberak logowok nduk, nineenggi paga inom, ninenggaawak paga inom, ligi negen te'mulunogo pogo ogoorik o, yinuk, yorogo logonu o,” yoragagerak.

Wundeegwaarak 13:9

At Aliku ALA eenggi omaawi paga kit o Metit nen wokkiren wundi wagagerak kenok, laago yi lako logorak me, at Aliku ALA nen, eeko logorak wone lengganogo yokkiragagerak kinikime mondok-mondok porogo logorak yereegerak aberak logomunggup nduk, kineenggi paga inom, kinenggaawak paga inom, ligi negen te'mulunik aret logowak o.

Kini Wuppiige 3:3

Kat Ala kiniki kunik eeke, At oone yugu nogo liirogon mugurok nage, Eeke nogo Kat nen mbo puurak mage o. Ata, kagiinggen kwak kenggaanok me yikkolage, Kinikime liiru negen mbanogo pake, Eeke logot o.

Kini Wuppiige 6:21

Kinikime mondok-mondok nggirik-nggerok eerogo pake, Kagiinggen negen kenggaanok me yirikkolage, Eeke logot o.

Kini Wuppiige 7:3

Mberaarenggen negen keenggi paga yarogo pake, Yugum tabak paga liiru mbanggo mengga kwak kiniki paga mbanogo pake, Eeke logot o.

Matiyut 23:5

It yi mendek ndi mendek eekwi abok aret nogo ti, Aakumi inigen niyaawak o, yinuk, eerit nugu logonet, kiwone mbanak yonggolak inenggaawak paga nabenogo keele maakwi, inayum o'lu paga nggagik-nggogok eerak pugunogo wuppunuk tamban eekwi, eeko menggaarak.

Pelaareegerak 11:18

wone yokkiragarak yi, kinikime liirogon waganggo logomonggotik, mondok aberak logomunggup nduk, kineenggi paga inom, kinenggaawak paga inom, kineenu agak pugunik aret logowak o.

Iberani 2:1

Togop me, nit Ala wone ninaruk konembunuk waganeegurak nogo, mbo punuk nomo agan nogwe niyo, ambinom nggirik-nggerok agago porogo logowok o.