Pelaareegerak 6:7 - Ala Wone Peenok Peebi Mbanak

⁷ Waganggo logomonggotik, oome kwi'ndak logonet, endekem tu nogo logonet, yonggonggologo logonet, yabu eeko logonet, wone yi mban mbininggwi, kulinik-kalinik kinapuri mamuninakwi, eeko logomunggup o.

Pelaareegerak 6:7 ပူးပေါင်းရင်းမြစ်များ

Ayup 8:10

Eeke keenok, it nen kat mamunggugwi, wone yokkugwi, Eeko logonet, Yi wone ndi wone inikime wonage nogo kilirogo yokkirugun lek mbaken?

Ndawi 119:13

Eekaatak ndak-ndak eeppiigo logorak wone koone paga nen yo'nege menggendak nogo, An noone paga mbininogo yoranet nege,

Ndawi 119:46

Koone aberak logorak yugu nogo, It aap inendagembogut inenggaanom paga Nenggali lek logonet yorage, Eeke logogin o.

Ndawi 129:8

Aakumi tu ti paga nogo logonet, “Aliku ALA ale'nggen koba wonage o,” yinuk, yogwi, “Nit kunduk Aliku ALA endage paga Ninale'nggen koba pagawi o,” yinuk, yogwi, Eerugun lek aret o.

Ndawi 37:30

Aap iniki warak nen yogo mengga kwak It iniki abe koonak nen inoone togop aret yogwe, Eekaatak ndak-ndak eeppiigo logorak kenok mban agan nugwi, Eeko menggaarak.

Ndawi 71:17

Nogoba Ala wae. Wulaga tawe nen nok, yogondak kuli kat mamunnake menggendak me, An kunduk, aa'nduk nen nok, yogondak kuli kat iya tit eeke menggendak nogo, Mbininogo yoranet nage agarik o.

Kini Wuppiige 10:21

Aap iniki abe koonak inoone paga nen aakumi ambik iniki kole eerogo piigo menggaarak kwe, Aap iniki lek wi nogo perak, iniki lek me, we aret kanggo menggaarak.

Kini Wuppiige 15:2

Aap iniki warak oone nogo ti, ineenu ariyak mendek wundi wage menggerak kwe, Aap wi negen oone nogo ti, iniki kobak eerogo piyoorak mendek mban wundi wage menggerak.

Kini Wuppiige 15:7

Aap iniki warak nen agan nugwi paga yi wone ndi wone ineenu eeppiinet nugu menggaarak kwe, Aap iniki lek wi kenok perak, togop eekulik o.

Kini Wuppiige 6:22

Ti eeke keenok, wone ti nen nage keegak, tu nikkeren nage, Nogo yege keegak, karum wonage, Keenik age keenok, “Ndogop eeriyak,” yokkege, Eeke logogin o.

Yetaya 38:19

It aap ineenik wonogwe nen mban kat tiyappagagwi, An o yogondak, Wa, yokkege kwak, it aap ineenik wonogwe nen mban yokkugwi, Eeko logonet, Kat liirogon eeppiige menggendak inogobamini nen inapuri liirogon mamunirogo menggaarak o.

Maleyaki 3:16

Yorage nagagerik, it aap Aliku ALA inagabiti mbako nogogwaarak nogo nen it-it wone mbanggo logonet, it nen yogwi iinok, at Aliku ALA liippege, aruk konengge, eereegerak o. It aap Aliku ALA inagabiti mbakwi, at endage tiyappogo logonet ayuk wukwi, eeko nogogwaarak nogo inendage aberak logowak nduk, at Aliku ALA enggaanom paga mbuku pirik-perek aago paga inendage liiru mbanogo pereegwaarak.

Matiyut 12:35

Aap obeelom mendek nogo ti, inikime obeelom mendek yugu paga obeelom aret eeke menggerak. Ndi, aap maluk mendek nogo ti, inikime maluk mendek yugu paga maluk aret eeke menggerak.

Lukat 6:45

Aap abe mendek inikime yugu abe mendek nogo paga obeelom mban eeke menggerak. Ndi, aap maluk mendek inikime yugu maluk mendek nogo paga maluk mban eeke menggerak. Inikime uum kilu-kilu wungge logonet, ambe paga nen ari menggerak o,” yoragagerak.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Epetut 6:4

Kit aap kinapuri wonogwe kenok, inanini aruwak nduk, eeppiyaagup o. Ata, Ala wone mugurok nogo logowak nduk, inaruk wakwi, Ala wone mamunirogwe, eeko logonet, tawe eeginako logonip o.

Pelaareegerak 11:19

Kinapuri mbininirogo logonet, oome kwi'ndak logonet, endekem tu paga nogo logonet, yonggonggologo logonet, yabu eeko logonet, liirogon aret mamunirogo logomunggup o.

Kolote 4:6

Yi aakumi ndi aakumi inoone yokkira wogwe iinok, onggo yorogo logonet, mbiingga ombat abe kaawak nduk, mayu eeko mengga kwak, kit togop aret kinoone ale lek inabuwa mbako logonet, yanggorogon yorogo logonip o.

1 Peterut 3:15

“Keritut ti, nit ninowe aret logowak o,” yinuk, alik leenogo punuk, at mban oone konenggo logonip o. Ndi, kit kiniki lunik wonogwe nogo, it aakumi nen, “Yo'niraanip o,” yinuk, kin wokkiigwi iinok, kiniki abe paga kinoone yanggorogon onggo yoroorak nduk, wone koonogo punuk logonip o.

Urut 2:12

at Aliku ALA nen eekendak nogo onggo wokkege, ndi, towe aagalogwe kanggwi iyo, a'naabit abu'me tebembiinok menggi kwak, at Aliku Iterali inogoba Ala abu'me ari wagandak wonage me, onggo nggwok lombok kalo logonogo wokkege, eerigin o.”

Urut 2:4

Ari nanuk, anebenggolage me, aap Mbowat nogo o Mbe'lekem nen nage nagagerik, it waabuk negen jelai mbanggo menggaarak nogo keyage wappiige logonet, “At Aliku ALA kinom aret wonage o.” Yorage mbareegi, it nen at yogo logonet, “Ninogoba kat kunduk, Aliku ALA ale'nggen koba logowak o.”

Urut 4:11

Ari mbareegi, aakumi ambik tu unggwogo menggam wonogogwaarak nogo inom, aap inoweewi nogo inom, nen yogo logonet, “Nit apit ninenggaanom paga aret yagandak me, kwe Leya kunduk, kwe Araken kunduk, nen aakumi Iterali ineebe wiganogo piyareegwaarak nogo ndak-ndak, at Aliku ALA nen kwe kame woraagin ti, togop aret eeppuwak o. Eeppege kenok, it aakumi o Eparata mendek nen, Aap nagawan indo yi, Wi, yogwe, ndi, o Mbe'lekem mendek nen kendage nggwok aret wiganit nogwe, eeko logowak o.