Pelaareegerak 6:6 - Ala Wone Peenok Peebi Mbanak

⁶ Ne yogondak an nen, Yogop ee'nu ndogop ee'nu, wone mamunggirage yi, abok aret liippunuk, waganggo logonip o.

Pelaareegerak 6:6 ပူးပေါင်းရင်းမြစ်များ

2 Tamuwen 22:23

Eeko logorak wone yereegerak nogo, mondok liippege, Wone lengganogo yo'niragagerak nogo, Nomonogo mbo pega'lek mondok porogo wonage, Eerit nage logonet,

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 119:13

Eekaatak ndak-ndak eeppiigo logorak wone koone paga nen yo'nege menggendak nogo, An noone paga mbininogo yoranet nege,

Ndawi 119:30

Kat ari menggendak nogo Liirogon eerit nage logokit nduk, miikkolage, Eekaatak ndak-ndak eeppiigo logorak koone yugu nogo Ti mban nengga loolo punuk eerit naakit mbake,

Ndawi 119:98

Koone, “Yogop ee'nu ndogop ee'nu,” yugu nogo An mondok-mondok ninikime porogo minggirak me, Nawim iniki lek negen iigak, an perak wone ti paga Niniki warak lombok eerogo panege menggerak o.

Ndawi 37:31

Ala wone yugu Muta liiru mbaneegerak nogo Inikime porogo wonogwe kenok, Tu nogo logonet, eraabin tuk togon yigeebu wambugun lek o.

Kini Wuppiige 3:5

Yi wone ndi wone keenu agagindak paga kiniki panggombunuk logorak mage o. Ata, kiniki ambit eeppunuk, at Aliku ALA oba panggombunuk logot o.

Kini Wuppiige 7:3

Mberaarenggen negen keenggi paga yarogo pake, Yugum tabak paga liiru mbanggo mengga kwak kiniki paga mbanogo pake, Eeke logot o.

Yetaya 51:7

Kit koonak eeko logorak kineenu monggotak yi wae. Kit an napuri eeko logorak noone yugu kinikime porogo monggotak yi wae. Wone an yokkirage yi, konenggo logonip o. Aakumi nen miyuk-meya eerogo pinagagwi iinok, kinagabiti ogwe, Inoone yi-wu yokkirogwe iinok, kiniki lek-lek age, Eerugup o.

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Lukat 2:51

Ti'nuk, at inom o Nataret nogo nogogwaarik, at agalo-ogoba inabu'me logonet, inoone liirogon konengge kagak, at agalo nogo nen perak, it aakumi agan nugwi nogo inikime liippake nagagerak.

Lukat 8:15

Ndi, nggween mili paga wambit nagagerak nogo perak, it aakumi wone konembunuk, iniki abe lombok paga pippak waganggo nagaatik, nabenak mban eeko logonet, anggen yikkologo menggaarak nogo aret o,” yinuk, yoragagerak.

2 Korindut 3:3

Nit yokkirogwe niigak, kit kiniki abet mba'nuk waganggo nogogutik, eerit nugwi aakumi abok aret yelok kiigwi me, kit Keritut aliiru mbanak negen aret ogotik o. Liiru amburu paga mbanak ti lek o. Ata, aakumi ineenik aganaka Ala nen nappi wagagerak Aberiniki nogo paga mbanak o. Ndi, yugum paga mbanak ti lek o. Ata, aakumi inikime aret mbanak wonage o.

Pelaareegerak 11:18

wone yokkiragarak yi, kinikime liirogon waganggo logomonggotik, mondok aberak logomunggup nduk, kineenggi paga inom, kinenggaawak paga inom, kineenu agak pugunik aret logowak o.

Pelaareegerak 11:20

At Aliku ALA nen nggween, Wokkiraagin o, yinuk, wone abuk nggaruk togon kumbuk mbanogo kinombomini yoragagim time logonet, mbogut yi, lek aga'lek awo wonage kagak, kit kinapuri kinom kineenik mondok nggorek logomunggup nduk, wone yokkiragarak yi, kinawi tungga paga inom, tu unggwogo menggam paga inom, abok aret liiru mbanogo pogo logomunggup o.

Pelaareegerak 32:46

wone ambi ari logonet, “Eeko logorak wone yugu liiru mbanak abok aret an yogondak yokkiragarak yi nogo ti, aanom warogo yokkirage lek o. Ata, kit kineenik logorak kinake aret me, kit niyo Yoraran wunda nanuk, o kit unde a'nuk logowam time logonet, kineenik nggorek aret wonogwe, ndi, kinapuri nen liirogon konembunuk, eeko logowak nduk yorogwe, eeko logomunggup nduk, yokkirage me, kiniki liippunuk, waganggo logonip o,” yinuk, yoragagerak.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

2 Yaya 1:2

Ala ndogop menggerak wone waganeegurak ninikime wonage nogo ti, mondok-mondok logogin aret me,