Pelaareegerak 5:5 - Ala Wone Peenok Peebi Mbanak

⁵ Kit nen kani omoonuk wunuk ari kinagabiti nen puut paga lagi naga'lek wonogwe me, ne ti eyom paga Aliku ALA oone ari nogo kit yokkiroorak nduk, Aliku ALA agigan wonage, ndi, kit ogugan wonogwe, eekwi kiigak, an oolo taati aret mi'ndak wonagagirak nogo o. Wonage neegak, yo'nereegerak yokkiragagirak nogo pelaarogo yokkira o.

Pelaareegerak 5:5 ပူးပေါင်းရင်းမြစ်များ

Wakkagagerak 18:22

Yoge mbareegi, it aap wogogwaarak nogo mbere mban o Torom nogome, Nawi, nduk nogwe iigak kwe, at Abarakam nogo perak, at Aliku ALA imbirak taati puk age nagagerik,

2 Endagembogut 18:4

Eeke logonet, puut-puut paga inagugi inake warogo wogorogo menggam lek eerogo pege, yugum paga inogut eerogo mippugu nogo yigirik-noonom eerogo pege, kugigwe Atiyera ageyo arelen yinik mbanogo pege, ndi, Muta nen mbuti tembaga paga waalo ogut ogobakkigireegerak Iterali nen endage, Nekutan, toombunuk, ake obari abe kaga nogo mendek kani kunggwi nogo kalenogo pege, eereegerak.

Ndawi 106:23

At Aliku ALA nen ineebe lek eerogo piyoorak yereegerak mendek at leenogo pereegerak Muta nogo, It inenggela'me mi'nage mbareegi, Aliku ALA anini nen Pup eerogo piyoorak mbareegerak nogo nini tayo yereegerak.

Wundeegwaarak 19:16

Yorage nagagerik, wonogwe me, nogo mbere yinuk, ko'lu kuubondendok paga o ngguurubu eeke, o yabok eeke, puut nogo paga tit kunogo pege, eeke logonet, trompet oone nggwok lombok pu eeke mbareegi, it aakumi inawooliyana wonogogwaarak nogo abok aret inagabiti nen inaganak wareegerak.

Wundeegwaarak 19:21

Aliku ALA nen Muta yoge logonet, “It aakumi ti, Naliku ALA pe'neyoorak nduk inoone omaawi paga kuli pugu kagak obaga mbo wogwe iinok, kambukwak me, kat nen, Mage, yorage,

Wundeegwaarak 19:25

Yoge mbareegi, Muta nogo wambi wage nagagerik, Aliku ALA nen wone yoreegerak nogo it aakumi Iterali li'lak mbininogo yoragagerak.

Yeremiya 30:21

It inowe inarum logorak nogo it mendek aret mi'nage, Ndi, it inowe endagembogut nogo inenggela'me nen mi'nage, Eerigin o. Ta nen iniki mba'nuk agabiti mbaka'lek nowagam woroorak mbakop? Lek me, an nen at ti, eeppege neenok, nowagam wa'nuk, nimbirak kunik aret logogin o.

Linggineegwaarak 16:48

At Karun nogo aakumi kambeegwaarak inom, ineenik wonogwe inom, inenggela'me mi'ndak wonage logonet, kani kuneegerak ti paga andi nogo ti kuli aret pereegerak.

Nggalatiya 3:19

Ti kenok, Ala nen wone Muta yoreegerak nogo ti, nonggop nduk yoreegerak mbakop? Lek o. Abet mbakwi paga woorak yoreegerak wone nogo, eebe kin ari waga'lek kagak, maluk aa'nduk kin kogo logowak nduk, wone Muta yoreegerak ti, inom nabenogo yoreegerak. Wone Muta yoreegerak nogo ti, Ala nen nok-nok aakumi Iterali yoroolik. Ata, it malayikat nen waganogo aap nggween paga mendek ambi yogo mbareegwa, at nen wonok aakumi yoragagerak.

Pelaareegerak 5:27

Lek aret me, kat Muta mban at Aliku ninogoba Ala oone ari abok aret konengge logomenggendik, yokkege nogo nit yo'nirage kenok, nit konenggwi, eebe aret eekwi, eerugun me, kat kalik aret at owagam nage logot o, yinuk, an yo'nereegutak nogo o.

Iberani 9:24

Togop me, Keritut nogo ti, o abe wurik kagak ogut wakkagak Mage Menggim aakumi nen wureegwam nogome unggulik o. Ata, at mbogut paga lombok unggwi nage nagagerik, Ala enggaanom paga ko'lu-kii'me ninake eeke agaarik o.