Pelaareegerak 5:20 - Ala Wone Peenok Peebi Mbanak

²⁰ Kit kinore ambi eeremenggerak kinigen liirogon koolik kagak aap owak loongga pilit wone inom nabenogo yoroorak mage o.

Pelaareegerak 5:20 ပူးပေါင်းရင်းမြစ်များ

1 Endagembogut 21:13

aap inogogun ambik mbere wogo nogogwaarik, Nabot engga loolo kwi'na'nuk, aakumi abok inenggaanom paga, “At Nabot yi, ndogop yegerak o,” yinuk, yogo logonet, “At aap yi, Ala inom, aap endagembogut inom, meek eerogo piigerak o,” yinuk, yogo mbareegwa, aakumi apit aret at eebe wonok o kota endekem wundi nanuk, yugum paga warogo pereegwaarak kambeegerak.

Wundeegwaarak 20:16

Kit kinore ambi eeremenggerak kinigen liirogon koolik kagak aap owak loongga pilit wone inom nabenogo yoroorak mage o.

Wundeegwaarak 23:1

Yoge nagagerik, Iterali yoraawak nduk, Muta ambinom yoge logonet, “Wone pilit wone yugu kagak wiganit nogo logorak mage o. Aap ambi abet aret maluk eeremenggerak kagak, Eerulik o, yinuk, aana'le mbaniyak mage o.

Kini Wuppiige 19:5

Aap ambi eeke enegen kegetak kwe, piliret, “Eeke koolik o,” ari nogo ti, onggo oba arigin lek ti lek, oba aret age, Ndi, aap ambi oone pilit mban pugunit nege kenok kunduk, onggo eeppigin lek lek, aret eeppege, Eerigin o.

Kini Wuppiige 19:9

Aap ambi eeke enegen kegetak kwe, piliret, “Eeke koolik o,” ari nogo ti, onggo oba arigin lek ti lek, oba aret age, Ndi, aap ambi oone pilit mban pugunit nege kenok, at eebe aret lek eerogo pake, Eeko menggaarak.

Kini Wuppiige 6:19

Pilit wone agan nugu logonet, abet mbaruwak agan nugwi, Inoreewi inom wone waruwak nduk, inikime mambiinet nugwi, Eeko menggaarak ti aret.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Matiyut 19:18

Yoge mbareegi, aap nogo nen, “Wone eebe ngge eeke logorak nduk yo'negen o?” Yoge mbareegi, Yetut nen, “Aap wariyak mage o. Kumi ugun wuri-naburak mage o. Yi mendek ndi mendek yogoot kiraariyak mage o. Pilit wone aakumi inoba piyoorak mage o.