Pelaareegerak 5:16 - Ala Wone Peenok Peebi Mbanak

¹⁶ At Aliku kinogoba Ala nen kinanggween wokkiraawam time logonet, yi wone ndi wone kinoba aga'lek kineebe obeelom li a'nuk kanggo logomunggup nduk, at Aliku kinogoba Ala nen yokkiragagerak ndak-ndak kinagalo-kinogoba inayuk wuko logonet, inoone liirogon aret konenggo logomunggup o.

Pelaareegerak 5:16 ပူးပေါင်းရင်းမြစ်များ

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.

Kini Wuppiige 3:1

Naput wae. Kogoba an nen wone mamunggege nogo mari eerogo mbo puurak mage o. Ata, “Yogop ee'nu ndogop ee'nu,” wone yokkege nogo kinikime liirogon porogo logot o.

Yetikiyen 22:7

O kota enggela'me time aakumi inogobamini inom, inagalomini inom, meek eerogo piigwi, at enggela'me time aap nggiru aaninggin inoba piigwi, elege moono inom, kumi nanu inom, tebenogo piigwi, eeko nogogwaarak o.

Ala Unde 19:3

Naliku inogoba Ala an aret me, inalitak lombok nen inagalomini-inogobamini inayuk wukwi, ndi, nogo 6 yippunuk, ko'lu paga yonggonggologo logorak nake leenogo pateegirak nogo liirogon aret abekwi, eeko logowak o.

Matiyut 19:19

Kinagalo-kinogoba inayuk wuko logonet, inoone liirogon konenggo logonip o. Kit kineebe kiniki kunik eekkologo monggotak pogom, kinom monggotak togop aret kiniki kunik aganako logonip o.”

Marakut 10:19

Yoge nagagerik, “Yogop ee'nu, ndogop ee'nu, yereegerak wone yugu nogo ti, Aap wariyak mage o. Kumi ugun wurinaburak mage o. Yi mendek ndi mendek yogoot kiraariyak mage o. Pilit wone aakumi inoba piyoorak mage o. Aap wi-wi eeginaburak mage o. Kinagalo-kinogoba inayuk wuko logonet, inoone liirogon konenggo logonip o, yereegerak wone nogo kat keenu aret o.”

Marakut 7:10

At Muta nen, Kinagalo-kinogoba inayuk wuko logonet, inoone liirogon konenggo logomunggup o. Ndi, aap ambi nen agalo-ogoba kugi pulunogo piige kenok, aap ti, kambuwak nduk, mondok warogo puwak o, yinuk, yereegerak kwe,

Lukat 18:20

Yoge nagagerik, “Wone yogop ee'nu, ndogop ee'nu, yereegerak wone yugu ti, Kumi ugun wurinaburak mage o. Aap wariyak mage o. Yi mendek ndi mendek yogoot kiraariyak mage o. Pilit wone aakumi inoba piyoorak mage o. Kinagalo-kinogoba inayuk wuko logonet, inoone liirogon konenggo logonip o, yinuk, yereegerak wone nogo kat keenu aret o.”

Pelaareegerak 27:16

Aap inagalomini-inogobamini inayuk wuka'lek meek eerogo piigwi nogo pulunik aret logowak o, yogwe iinok, It aakumi abok nen, Abet aret o, yogwe,

Pelaareegerak 4:40

Kit inom, peebi kinapuri ndaganabumonggotak inom, at Aliku kinogoba Ala nen kit mondok-mondok logomunggup nduk, kinanggween wokkirage nogome logonet, kineebe abu obeelom li a'nuk kanggo logomunggup nduk, Yogop ee'nu ndogop ee'nu, yinuk, wone inom, eeko logorak wone lengganak inom, an yogondak yokkirage yi, mondok liirogon aret porogo logonip o,” yinuk, yoragagerak.

Pelaareegerak 5:29

It ineebe inom, inapuri inom, yi wone ndi wone inoba aga'lek ineebe mondok obeelom logowak nduk, inagabiti nombakwi, Yogop ee'nu ndogop ee'nu, wone yugu apit aret liirogon porogo wonogwe, eeko logowak lak, ai, mbake agarik o.

Pelaareegerak 5:33

O kit unde a'nuk logowam time logonet, yi wone ndi wone ambi kinoba aga'lek kineebe kineenik ambinom logomonggotik, li a'nuk kanggo logomunggup nduk, at Aliku kinogoba Ala nen wone lengganogo yokkiragagerak ti, abok aret mugurok nogo logomunggup o,” yinuk, yoragagerak.

Kolote 3:20

Kit wologwe-komologwe yi wae. Kit kinowe inikilom kinombaruwak nduk, kinagalomini-kinogobamini inoone yokkirogwe abok aret liirogon konembunuk, eeko logonip o.