Pelaareegerak 5:1 - Ala Wone Peenok Peebi Mbanak

¹ Muta nen aakumi Iterali mendek abok aret wiiragagerak kuwak ari wogo mbareegwa, yorage logonet, “Kit nowe-nawot Iterali mendek yi wae. Wone lengganak inom, eeko logorak wone inom, o yogondak kinaruk paga pinagage yi, kit nen liirogon mamunggologwe, kinikime liirogon woppunuk eerit nogwe, eeko logomunggup nduk, yokkirage me, kit kinaruk liirogon aret konenggo logonip o.

Pelaareegerak 5:1 ပူးပေါင်းရင်းမြစ်များ

Ndawi 78:7

Wone lengganogo yoragagerak nogo ti, Inombomini ti eyom paga ndarak abok aret inogogumbuk inanobak yugum pogom iniki mbere logonet, Ala wone yorage nogo iniki liippega'lek ugun-ugun eerit nugu nogogwaarak nogo kwak lek, Inapuri-inombowologwe nen iniki Ala oba panggombugwi, Ala eerit wagagerak nogo kobak aga'lek abekwi, Wone, “Yogop ee'nu, ndogop ee'nu,” yugu nogo liirogon porogo wonogwe, Eeko logowak nduk, Wone lengganogo yoragagerak.

Wundeegwaarak 15:26

Eeke logonet, “Kit nen Naliku kinogoba Ala noone yokkirage neenok, liirogon aret konembunuk, nenggaanom paga li'lak obeelom mban eekwi, Yogop ee'nu ndogop ee'nu, yinuk, yokkirage nogo liippugwi, yi wone ndi wone lengganogo yokkirage nogo mondok-mondok porogo wonogwe, eekwi kiinok, aakumi Metit mendek andi-pandi eeppiyareegirak nogo pogom ambi eeppinagage logogin lek o. Naliku ALA nen obeelom eerogo pinagage minggirak nogo ti, an aret o,” yinuk, yoragagerak.

Wundeegwaarak 18:20

wone lengganak inom, it eeko logorak wone yugu inom, abok aret mamuninake, ndi, ineenik logonet, inobaabut logorak inom, eerit nogo logorak inom, koonogo piige, eeke ti op aret kwe,

Matiyut 23:3

it nen, Yogop ee'nu, ndogop ee'nu, yokkirogwe iinok, liippunuk, eeko logorak op aret kwe, it eeka'lek logonet, yokkirogo menggaarak nogo ti, maluk aret me, kit togop eeko logogup o.

Pelaareegerak 1:1

O Paran aru pa'nggwe nakkagak, o Topen, Laban, Katerot, Nditakap ogwe pa'nggwe nakkagak, o Tup agi pa'nggwe nikkagak, it aakumi Iterali nogo niyo Yoraran oonegen lagi wage menggim pa'nggwe o Araba kobak nabunogo pereegim karume nogome ari wogogwaarak wonogo logonet, at Muta nen it Iterali abok aret wone yoragagerak nogo yi aret.

Pelaareegerak 11:1

Yorage nagagerik, ambi yorage logonet, “At Aliku kinogoba Ala nogo kiniki kunik eeko logonet, at eeriyak mbareegerak inom, wone lengganogo pereegerak inom, eeko logorak wone koonogo pereegerak inom, Yogop ee'nu ndogop ee'nu, yereegerak inom, nggirik-nggerok porogo logonet, mondok-mondok eerit nogo logonu o.

Pelaareegerak 12:1

Yorage nagagerik, ambi yorage logonet, “At Aliku kinombomini inogoba Ala o nggween kit unde a'nuk logomunggup nduk, wokkiraawam nogome ari nogo logomonggotik, kangga'lek awo kineenik wonogo logonet, wone lengganak inom, eeko logorak wone inom, mondok liirogon eerit nogo logorak nogo yi aret o.

Pelaareegerak 28:15

Yorage nagagerik, ambi yorage logonet, “Togop aret kwe, kit nen at Aliku kinogoba Ala oone konembunuk, liirogon eeka'lek mbo pugwi, wone, Yogop ee'nu ndogop ee'nu, yugu inom, wone lengganak inom, yogondak an yokkirage yi, liirogon mugurok naga'lek wonogwe, eekwi kiinok, pulunogo pinagarak kinoba kwippinagi woroorak nogo yi o.

Pelaareegerak 29:2

At Muta nen aakumi Iterali abok aret kuwak ari woraawak nduk, wiiragagerak wogo mbareegwa, it yorage logonet, “At Aliku ALA nen o Metit paga aap Pirawun inom, at inom yabu eeko menggaarak inom, aakumi o time menggaarak abok inom, eeppiige nogo kinigen iigwi,

Pelaareegerak 4:1

Muta nen aakumi Iterali yorage logonet, “Kit nowe-nawot Iterali mendek yi wae. At Aliku kinombomini inogoba Ala nen nggween wokkirage nogome unggwi nogo logomonggotik, unde eeppatinuk logonet, kineenik logomunggup nduk, wone lengganak inom, eeko logorak wone inom, an mamunggirage yi, kinaruk liirogon konembunuk, eerit nogo logomunggup o.

Pelaareegerak 4:5

Kit o peebi nggween unde a'nuk, logowam time unggwi nogo logomonggotik, wonogo logonet, mugurok nogo logomunggup nduk, wone lengganak inom, eeko logorak wone yugu inom, at Aliku nogoba Ala nen wone lengganogo an yo'nereegerak nogo ndak-ndak aret mamunggirage nagagirak nogo abeko logonip o.

Pelaareegerak 5:2

At Aliku ninogoba Ala puut Korep paga nen wone abuk nggaruk togon koonogo yo'niragagerak nogo o.

Pelaareegerak 6:17

Ndi, at Aliku kinogoba Ala nen, Yogop ee'nu ndogop ee'nu, wone yugu inom, eeko logorak wone inom, wone lengganak inom, yokkiragagerak nogo mban nggirik-nggerok porogo logonet, eerit nogo logonu.

Yotuwa 1:8

Eeko logorak wone yugu mbuku paga liiru mbanak yi, kat nen aakumi yoroorak ti, Neebi o, yinuk, mbo pugun o. Ata, mbuku yi paga yi wone ndi wone liiru mbanak wonage abok aret kat mondok ndak-ndak liirogon aret eerit nage logonok nduk, liingge-kiyoma mondok aberit nage logot o. Ti eeke keenok, yi mendek ndi mendek eerit namenggendak nogo a'me nggelok arit nage kagak, ambi kolage logomunggun o.