Pelaareegerak 4:9 - Ala Wone Peenok Peebi Mbanak

⁹ Lek aret me, kit nen eerit nogwe kinigen abe nen kogogutak nogo kobak eerogo mbo pukwak, mondok unde wonogwe kiigak kambi noorak kuli aret me, kiniki liippunuk, aberak logonet, kinapuri inom, kinombowologwe inom, abok aret liirogon mbininogo yorogo logomunggup o.

Pelaareegerak 4:9 ပူးပေါင်းရင်းမြစ်များ

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 71:18

Togop aret me, Ala wae. Kat komaawi logonet iya eeke menggendak nogo, It yogondak ndarak yi, yorage, It peebi nda'narugun kunduk mbininogo yorage, Eeka'lek neegak, Nanggok ari nage, neeruwak kenen mbangge, Eeke neenok kat nen mbo paniyak ti mage o.

Wundeegwaarak 10:2

it aakumi Metit mendek nen, Nit ninomaawi meek aret kagi, mbaruwak nduk, at Ala nen ineenu agak eerubok mendek yogop eeppiige nagagerak o, yinuk, kapuri-kombowologwe mbininogo yorage, ndi, Naliku an ALA kineenu ogwe, eeko logomunggup nduk, eeke me, Pirawun yori nak o,” yinuk, nappereegerak.

Wundeegwaarak 23:13

An nen yi wone ndi wone yorage minggirak nogo mbo puurak lek mondok liirogon aret woppunuk eeko logowak o. Ndi, aap alik inagugi nggino yogwi, inendage kunggwi, eeriyak mage o,” yinuk, yoraawak nduk, yoreegerak.

Kini Wuppiige 1:8

Naput yi wae. Kogoba nen karuk wake nogo karuk konengga'lek taganogo pege, Ndi, kagalo nen wone mamunggege nogo, “We aret agan nege a,” yinuk, mbo pege, Eeriyak mage o.

Kini Wuppiige 23:26

Napuluk yi wae. Kiniki an paga panggombege, An eerit nage nogo kenegen liippaninuk eeke, Eeke logot o.

Kini Wuppiige 3:21

Togop me, naput yi wae. Iniki warak nen koonit nega inom, yi wone ndi wone yelok kaga inom, ti, kenegen lambek kaagun o. Ata, mondok nggirik-nggerok porogo logot o.

Kini Wuppiige 7:1

Naput yi wae. Noone ari yi, liirogon wagangge, “Yogop ee'nu ndogop ee'nu,” yokkege nogo kinikime nggirik-nggerok porogo wonage, Eeke logot o.

Yetaya 38:19

It aap ineenik wonogwe nen mban kat tiyappagagwi, An o yogondak, Wa, yokkege kwak, it aap ineenik wonogwe nen mban yokkugwi, Eeko logonet, Kat liirogon eeppiige menggendak inogobamini nen inapuri liirogon mamunirogo menggaarak o.

Yetaya 42:20

Yi eekak ndi eekak arit wage ambik aret inigen kogo menggaarak kwe, liippega'lek wonogwe, Yi wone ndi wone inaruk ambik konenit wogo menggaarak kwe, inaruk logu negen eeppunuk wonogwe, Eeko agaarik o,” yinuk, yegerak me, yokkiragi o.

Yeremiya 17:21

Naliku ALA nen it kambuurak lek ineenik logorak, mbakwi kenok, nogo 6 yippunuk, ko'lu paga inamindik-inamendek luurik-maarak aago wonok nogwe, tu o Yerutalem unggwogo menggam ti paga wonok pi unggwogwe, eerugwaarik o.

Lukat 8:18

Togop me, wone nonggop konenggo monggotak nogo ti, kiniki liippinip o. It aap inamendek wonage kenok ti, ambinom lunogo wogorage, ndi, inamendek lek kenok ti, mbuuluk, Yi an mendek o, mbakwi iigak kwe, aret kolage, eeke kaamunggup o,” yinuk, yoragagerak.

Epetut 6:4

Kit aap kinapuri wonogwe kenok, inanini aruwak nduk, eeppiyaagup o. Ata, Ala wone mugurok nogo logowak nduk, inaruk wakwi, Ala wone mamunirogwe, eeko logonet, tawe eeginako logonip o.

Pelaareegerak 11:19

Kinapuri mbininirogo logonet, oome kwi'ndak logonet, endekem tu paga nogo logonet, yonggonggologo logonet, yabu eeko logonet, liirogon aret mamunirogo logomunggup o.

Pelaareegerak 12:1

Yorage nagagerik, ambi yorage logonet, “At Aliku kinombomini inogoba Ala o nggween kit unde a'nuk logomunggup nduk, wokkiraawam nogome ari nogo logomonggotik, kangga'lek awo kineenik wonogo logonet, wone lengganak inom, eeko logorak wone inom, mondok liirogon eerit nogo logorak nogo yi aret o.

Pelaareegerak 16:3

Laago ti lako logonet, yi mendek ndi mendek piika ragi nogo inom punuk, worarogo nunggo logorak mage o. Kit aaninggin-paaninggin kinoba wonage kagak, o Metit nen mbet-mbet aret wundi wogogutak nogo, kit kangga'lek kineenik awo wonogo logonet, aberak logomunggup nduk, laago endage Obagambo Nagagerak lako logonet, oroti piika ragi nogo oroti inom pega'lek mendek worarogo nenet nogwe kiigak, ne 1 nen 7 aret ari nawak o.

Pelaareegerak 29:29

Yi wone ndi wone ando ti, at Aliku Ala inikime nobarak menggerak kwe, yi wone ndi wone kenom paga yo'nirage nogo ti, mondok-mondok eeko logowak nduk, yo'nirage me, eeko logorak wone yugu yi, nit inom, ninapuri inom, mondok liippunuk, eeko logowok o,” yinuk, yoragagerak.

Pelaareegerak 31:19

Togop aret me, an yagarak mbo punuk alik eekwi iinok, At Aliku ALA nen togop eeppinanigin, yegerak o, yinuk, iniki penggenggagak eeke logowak nduk, ndawi yi, it inake liiru mbangge logomenggendik mamunirage, eebe, Wa'nip o, yorage, eeke logot o.

Pelaareegerak 32:46

wone ambi ari logonet, “Eeko logorak wone yugu liiru mbanak abok aret an yogondak yokkiragarak yi nogo ti, aanom warogo yokkirage lek o. Ata, kit kineenik logorak kinake aret me, kit niyo Yoraran wunda nanuk, o kit unde a'nuk logowam time logonet, kineenik nggorek aret wonogwe, ndi, kinapuri nen liirogon konembunuk, eeko logowak nduk yorogwe, eeko logomunggup nduk, yokkirage me, kiniki liippunuk, waganggo logonip o,” yinuk, yoragagerak.

Pelaareegerak 4:10

At Aliku kinogoba Ala enggaanom puut Korep paga mi'ndak kiigak, Aliku ALA nen an yo'nege logonet, It aakumi Iterali ti, an noone yorage inaruk liirogon konembunuk, an inagabiti nombako logomenggaarik, kangga'lek awo ineenik wonogo logonet, inapurilogwe mamuninako logowak nduk, aakumi Iterali ti, an nowagam kuwak ari woraawak nen yoret o, yinuk, yo'nereegerak eyom nogo abeko logonip o.

Pelaareegerak 4:15

Yorage nagagerik, ambi yorage logonet, “Puut Korep paga nen at Aliku ALA kani omoonuk wunuk ari enggela'me oone yokkiragagerak nogo, Eebe ninigen koolik o, yinuk, kit kinalitak nen maluk lombok eeriyak nduk, aap kwak, kwe kwak, yi mendek ndi mendek o nggween paga nugu menggaarak kwak, towe a'naabit warak wiga agan nugu menggaarak kwak, yi mendek ndi mendek inaanogum paga tu agan nega kwak, ikan niyo inikime mengga kwak, nano mendek kwak ambi inom inogut ogobakkigirogo patinuk, kugi inalut eeko mengga kwak eeko logokwak me, liippogo logomunggup o.

Pelaareegerak 4:23

Togop aret eerigin me, at Aliku kinogoba Ala nen kit eeko logorak wone kinom abuk nggaruk togon koonogo pereegutak nogo kinomari eerogo mbo pega'lek kiniki aberak mban logonet, liirogon aret eerit nogo logonu o. At Aliku kinogoba Ala ti, aakumi lek eerogo piyoorak kani kunik kwak aret me, at alik aret kagak, obaane'me kugiwak ambi mippunuk, ayuk wukwi iinok, mondok eebi mbake menggerak me, at Aliku kinogoba Ala nen, Yi mendek ndi mendek inogut eerogo punuk, inalut eeriyak mage o, yereegerak kagak ogobakkigirogo patinuk, alut eeko logorak mage o.

Pelaareegerak 6:12

kit o Metit paga inayeloman eeppinagago wonogwe me at Aliku ALA nen wokkiren wundi wagagerak nogo oba mari eerogo pukwak liippogo logomunggup o.

Pelaareegerak 6:20

Ndi, o peebi ndime kinapuri ndarak nen kin wokkiigo logonet, Nonggop nduk at Aliku ninogoba Ala nen, Yogop ee'nu ndogop ee'nu, wone yugu inom, wone lengganak inom, eeko logorak wone yugu inom, liirogon mugurok nogo logonu o, yinuk, yokkiragagerak mbakop? Yokkirogwe iinok,

Pelaareegerak 6:7

Waganggo logomonggotik, oome kwi'ndak logonet, endekem tu nogo logonet, yonggonggologo logonet, yabu eeko logonet, wone yi mban mbininggwi, kulinik-kalinik kinapuri mamuninakwi, eeko logomunggup o.

Pelaareegerak 8:11

Yorage nagagerik, ambi yorage logonet, “Ala nen, Yogop ee'nu ndogop ee'nu, yereegerak wone inom, eeko logorak wone yugu inom, wone lengganak inom, an yogondak yokkirage yi, ambi taganogo punuk, at Aliku kinogoba Ala oba mari eerogo mbo pugwi kiyo, liippogo logonu o.

Pelaareegerak 8:14

kit o Metit inayeloman eeppinaganuk wonogwe me, wokkiren wundi wagagerak at Aliku kinogoba Ala nogo oba mari eerogo mbo punuk, kiniki tiyappatinuk logokwak, kiniki liippogo logonu o.

Iberani 2:1

Togop me, nit Ala wone ninaruk konembunuk waganeegurak nogo, mbo punuk nomo agan nogwe niyo, ambinom nggirik-nggerok agago porogo logowok o.

Iberani 2:3

nit ninagap ndariyak wone mondok iya kooneegerak nogo, kobak eerogo punuk wonogwe niinok, nit teppinanigin mbakop? Mondok lek o. Wone ti, aa'nduk ninowe nen aret paganogo yorage mbareegi, it koneneegwaarak nogo nen iniki yungguppegak yo'niroolik inoone mondok abet aret yo'nirogwe iigak,

Yakobut 2:22

Ala abet mbake logonet, eebe inom eeke mbareegi, “Aap yi, abe o,” yinuk, obeelom agago pereegerak yi kogo ogotik? Ndi, eebe aret eereegerak paga at iniki abet mbareegerak nogo yobok yuulik, mondok endak aret agagerak o.

Yotuwa 1:18

Aap ambi nen kat koone ari nogo, Eeriyak neebi, mbake, wone lengganogo yo'nirage nogo taganogo mbo pege, eeke kenok, aap ti kambuwak nduk, warogo puurak aret me, kat perak, kogogumbuk kiniki mondok nu'lek eeppatinuk logot o,” yinuk, yoreegwaarak.

Yotuwa 23:11

Togop aret me, at Aliku kinogoba Ala kiniki kunik eeko logomunggup nduk, liippinip o.

Yotuwa 4:21

at Yotuwa nen it Iterali apit kin paga yorage logonet, “O peebi kinapuri nen, Yugum logonogo pugu wonage yi, alom nano nduk eerak wonage? yinuk, yokkirogwe iinok, kit nen kinapuri wone yogop yorogo logomunggup o.

Wayu 3:3

It wone mamunirogwe iigak, inaruk konembunuk waganeegwaarak nogo abeppunuk, inomaluk mbo pogo logomenggaarik, wone koneneegwaarak nogo aret liirogon porogo logorak yoraawak nduk yokkigi o. Ndi, Nit nonggop eeko ogoorik o, yinuk, inomaluk mbo pugwi lek iinok perak, aap yogoot woorak nduk wage menggi kwak, an o ndiyom paga woroorak ineenggo'lek iigak, togop aret abera'lek me perak togon inowagam woraagin o.

Owak Loongga 3:7

It aakumi Iterali nogo nen at Aliku ALA enegen kagak maluk mban eerit nogo logonet, at Aliku inogoba Ala inee'nggot a'nuk, aakumi Kanan mendek inagugi endage Mba'an inom, inagugigwe Atiyera inom, inayuk wuppunuk, mugurok nogo nogogwaarak.

Owak Loongga 8:34

It Iterali nogo nen inawim inaagan-ambokan wonogwe ineenggime nen inagap ndareegerak at Aliku inogoba Ala nogo kobak eerogo pugwi,