Pelaareegerak 4:23 - Ala Wone Peenok Peebi Mbanak

^23-24 Togop aret eerigin me, at Aliku kinogoba Ala nen kit eeko logorak wone kinom abuk nggaruk togon koonogo pereegutak nogo kinomari eerogo mbo pega'lek kiniki aberak mban logonet, liirogon aret eerit nogo logonu o. At Aliku kinogoba Ala ti, aakumi lek eerogo piyoorak kani kunik kwak aret me, at alik aret kagak, obaane'me kugiwak ambi mippunuk, ayuk wukwi iinok, mondok eebi mbake menggerak me, at Aliku kinogoba Ala nen, Yi mendek ndi mendek inogut eerogo punuk, inalut eeriyak mage o, yereegerak kagak ogobakkigirogo patinuk, alut eeko logorak mage o.

Pelaareegerak 4:23 ပူးပေါင်းရင်းမြစ်များ

2 Endagembogut 17:38

Kit an ninom wone koonogo pereegirak nogo, kobak eerogo pugwi, nobaane'me kugi alut eekwi, eeriyak mage o.

1 Mbinineegwaarak 16:15

Kineyate kwak kinanggween o Kanan wokkiraagin o, yinuk, Abarakam wone abuk nggaruk togon yoge, Itak wone kumbuk mbanogo yoge, Abet aret eerigin o, yinuk, wone omaawi eerogo Yakup yoge, Mondok-mondok kinake koonogo pereegirak o, yinuk, Iterali yorage, Eereegerak o. Nda'narit wundi wogogwaarak nen kuli seribu ari namenggerak kwe, At wone lengganogo yoragagerak nogo ti, Kobak arigin lek mondok-mondok aberak aret logogin o.

Wundeegwaarak 23:13

An nen yi wone ndi wone yorage minggirak nogo mbo puurak lek mondok liirogon aret woppunuk eeko logowak o. Ndi, aap alik inagugi nggino yogwi, inendage kunggwi, eeriyak mage o,” yinuk, yoraawak nduk, yoreegerak.

Yetaya 24:5

It aakumi o nggween paga wonogwe nogo nen, Wone, “Yogop ee'nu ndogop ee'nu,” yugu nogo eeka'lek mbo pugwi, Wone lengganogo yoragagerak nogo taganogo pugwi, Mondok-mondok eeko logowak nduk, wone abuk nggaruk togon koonogo pereegerak nogo piinogo pugwi, Eekaarak paga O nggween yi, maluk agaarak wonage agaarik o.

Yeremiya 31:22

Kwe aagaluk wone yogetak liippegeelik at ti, Yagak-ndagak nege kagak, ne mande ari nagin o? Naliku ALA nen o nggween paga yime ngget mendek ambi eerogo pigin nogo ti, Kwe aret kwe, kwe nen aap ndegengge menggi kwak an togop aret eerogo pigin o,” Yinuk, yegerak o.

Yetikiyen 16:59

At Aliku Itok Menggerak ALA nen yegerak nogo yi aret o. “At nimbirak wone abuk nggaruk togon koonogo punuk, kumbuk mbaneegirak nogo, at nen meek eerogo punuk, mbo pereegerak me, at eereegerak ti, ndak-ndak onggo eeppigin o.

Yetikiyen 8:10

Yo'nege mbareegi, unggwi nage nagagirik, waalo inaanogum paga tu agan nega inogut inom, yi mendek ndi mendek iniyok paga nega ogole warak inogut eerak inom, Iterali inagugi ogut eerak inom, kobat yendok-wandok paga ayo wogo kagagirak.

Maleyaki 4:4

“Puut Korep paga nen it aakumi Iterali abok aret yoraawak nduk, wone lengganak inom, eeko logorak wone yugu inom, nayeloman Muta yoge mbareegi, liiru mbaneegerak nogo abeko logowak o.

Linggineegwaarak 15:39

Ligi kibu-kibu inayum irip paga pugunik nogo ti, Naliku an ALA nen, Yogop ee'nu ndogop ee'nu, wone yugu nogo taganogo punuk, aap ambi akwe mbo punuk, ugun eerit nage menggi kwak, it Iterali mendek iniki nengge kenok, mugurok nogwe, inigen kogwe kenok, eerit nogwe, eeko logokwak aberak logowak nduk pugunik aret me, inigen pekkagak eeko logowak o.

Matiyut 24:4

Yogo mbareegwa, at Yetut nen it yorage logonet, “It aakumi ambik nen an nendage kunit wogo logonet, Keritut ti, an aret o, yinuk, aakumi ambik iniki nomoninabugun me, kit togon kiniki nomongginakwi iyo, tum wako logonip o.

Lukat 12:15

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Lukat 21:8

Yogo mbareegwa, at Yetut nen yorage logonet, “Aakumi nomongginakwi iyo, kiniki tum wakkologo logonip o. It aakumi apit an nendage kunit wogo logonet, at ambi nen, At woroorak nogo ti, an aret wagi o, ari, ndi, at ambi nen, At woroorak eyom muk panggo yi wagaarak o, ari, agan woraagun me, inoone konembunuk, muguren noobok o.

Pelaareegerak 27:15

At Aliku ALA alut eekwi obaane'me kugi ogut at eebi mbake menggerak nogo mendek it aakumi ineenggi amburu paga yugum mendek a, eyo mendek a, nogo paga ogobakkigirogo pugwi, mbuti mendek paga longgo warogo pugwi, eeppunuk, kote alut eekwi iinok, pulunik aret logowak o, yogwe iinok, It aakumi abok aret nen, Abet aret o, yogwe,

Pelaareegerak 27:9

Yorogo nogogwaarik, at Muta inom, it aap Ala unde Lewi mendek inom, it nen aakumi Iterali apit aret yorogo logonet, “Nowe-nawot Iterali yi wae. Kinoone lek kinaruk liirogon konenggo logonip o. Ne yogondak yi paga aret at Aliku kinogoba Ala apuri aret ogotak me,

Pelaareegerak 29:25

wone onggo yorogo logonet, Lek o. It aakumi yi, inombomini inogoba at Aliku Ala o Metit nen wogoren wundi wage nagagerik, inom wone abuk nggaruk togon koonogo pereegerak nogo taganogo pugwi iinok, eerogo piyareegerak o.

Pelaareegerak 31:20

An nen nggween, Wokkiraagin o, yinuk, it inombomini wone abuk nggaruk togon kumbuk mbanogo yoragagim yilak amburu inom, nggiin amburu inom, niyo eneeri negen kila-kila wungge menggim nogome wogoren piya nage neenok, yi mendek ndi mendek abe mban ndonggok togon nonggo logomenggaarik, ineebe kole aremenggaarak kwe, an mbo paninuk, ninom wone abuk nggaruk togon koonogo pereegurak nogo taganogo punuk, an nalut eekwi nobaane'me kugi ayuk wuko logonet, eekwi iinok,

Pelaareegerak 4:25

Kit o time ari nanuk, logomunggup-logomunggup, peebi kinapuri-kinombowologwe ndaganakwi, kineebe abu kinanggok ogwe, eeko logomonggotik, maluk eerit nogo logonet, at Aliku ALA obaane'me kugiwak ambi ogobakkigirogo mippunuk, alut eekwi kiinok ti, at Aliku kinogoba Ala enegen kagak maluk aret eerumunggup me, anini wungge kero, togop eeko logobok o.

Pelaareegerak 4:9

Lek aret me, kit nen eerit nogwe kinigen abe nen kogogutak nogo kobak eerogo mbo pukwak, mondok unde wonogwe kiigak kambi noorak kuli aret me, kiniki liippunuk, aberak logonet, kinapuri inom, kinombowologwe inom, abok aret liirogon mbininogo yorogo logomunggup o.

Pelaareegerak 5:2

At Aliku ninogoba Ala puut Korep paga nen wone abuk nggaruk togon koonogo yo'niragagerak nogo o.

Pelaareegerak 6:12

kit o Metit paga inayeloman eeppinagago wonogwe me at Aliku ALA nen wokkiren wundi wagagerak nogo oba mari eerogo pukwak liippogo logomunggup o.

Iberani 3:12

Togop aret yereegerak me, noreewi o. Kit togon Ala mondok eenik menggerak kagak, nomonogo mbo punuk, abet mbaka'lek kiniki maluk koonit nugwi kiyo, tum wakkologo logonip o.

Yotuwa 23:11

Togop aret me, at Aliku kinogoba Ala kiniki kunik eeko logomunggup nduk, liippinip o.

Yotuwa 23:16

At Aliku kinogoba Ala wone abuk nggaruk togon koonogo punuk, Eeko logonip o, yinuk, yokkiragagerak nogo, taganogo punuk, at mugurok nogwe obaane'me aakumi inagugi mugurok nogo logonet, inabu'me tebe yinuk, ayuk wurit nogwe kiinok, Aliku ALA anini kani kunik negen kinoba kwippinagagin o. Kwippinagage kenok, kinanggween obeelom wokkiragagerak ti paga nen mbet-mbet aret kineebe lek ogo logomunggup o,” yinuk, yoragagerak.