Pelaareegerak 32:3 - Ala Wone Peenok Peebi Mbanak

^3-4 At Ala ti, yugum omaawi nu'lek menggi kwak logonet, Abu obeelom mban eeke, At eeppiinet nage ti, abe koonak a'me nggelok mban eeppiinet nage, At eraambe ninggin age, yegetak mbeyok ari, Eekeelik, mondok li'lak eeke, Eeke menggerak me, Aliku ALA endage tiyappege neegak, Kit kunduk, Ninogoba Ala alik nggwok aret o, yinuk, ayuk wuko logonip o.

Pelaareegerak 32:3 ပူးပေါင်းရင်းမြစ်များ

1 Mbinineegwaarak 17:19

Kat mondok iya negen eeppanege logonet, Ndogop eeppagarak o, yinuk, wone mondok iya lombok yo'niruwak nduk yogendak yo'niri wagaarak yi, An kayeloman wone yo'negendak nogo a'me nggelok ari, ndi, kat eeriyak kiniki mbake nogo ndak-ndak age, eeruwak nduk, wone eerogo nappani wagandak o.

1 Mbinineegwaarak 29:10

At Ndawut nen aakumi kuwak eerak nogo abok inenggaanom paga Aliku ALA alut eeke logonet, “Kaliku nogoba ALA wa! Ninombo Iterali ogoba kat aret o. Aa'nduk nen nok, peebi kuli, Kendage mondok-mondok tiyappogo logowak o.

1 Mbinineegwaarak 29:11

Kaliku nogoba ALA o. Mbogut-nggween unde wonage kat aret me, Yi aap ndi aap iigak, Kat mondok iya, komaawi ambik, Kendage tiyanak, kayuk warak, Aakumi nen wiigugo agaarik o. Kaliku nogoba ALA o. Yi aap ndi aap inabu'me piinok, Wonogo menggam tebenak iigak, Kat kabu'me piinok, Wonage menggenom abu tiyanak aret o. Yi mendek ndi mendek abok tebenak iigak, Kalik mban tiyanak inarum wonage o.

1 Mbinineegwaarak 29:13

Togop aret me, nogoba Ala o. Yogondak, Wa, lombok yokkugwi, Kat kendage tiyanak mondok iya me, Kalut eekwi, Eeko ogoorik o.

Ndawi 150:2

At omaawi paga eerubok eerit nage menggerak me, tiyappugwi, At abu nggwok endage tiyanak lombok me, tiyappugwi, Eeko logonip o.

Wundeegwaarak 20:24

Ata, an nake warogo kani kunggak yuurak nduk nggween ambi waganogo ogobakkigirogo punuk, at paga kambin-ndomba inom, tapi inom, warogo nake kani kunggwi, ninom lambunuwok nduk, warogo an wo'nugwi, eeko logowak o. Ndi, an eeginabeegirak abeko logonet, nendage tiyappanugo logowak nduk, ogobakkigirogo pit namenggam nogome abok aret pegiinet nage logonet, nale'nggen inoba piinet nage logogin o.

Wundeegwaarak 33:19

Yoge mbareegi, Aliku ALA nen, “An nen aakumi inabuwa nen teppiyoorak mbake kenok teppiige, ndi, obeelom eeppiyoorak mbake kenok obeelom eeppiige, eeke minggirak me, Naliku an ALA nogo nendage kunggolage logonet, obeelom eeke minggirak paga nendage mondok tiyanak, Wi, nugwi nogo kenegen keegak nage neyaamunggun kwe,

Wundeegwaarak 6:3

It o Kanan time nggiru negen wonogwe iigak, an nen it yorage logonet, O yi nogo, kit unde logomunggup nduk, wokkiraagin o, yinuk, noone abuk nggaruk togon yoragagirak me,

Yeremiya 10:6

Kaliku ALA wae. Kat ndak-ndak ambi wonage lek aret o. Kat mondok nggwok aret me, kendage kunggwi iinok, komaawi paga eerit nage menggendak.

Yeremiya 23:6

Endagembogut logonet, wone lengganogo yorage ti eyom paga it aakumi Yekura mendek inagap ndarogo piige, It Iterali mendek iniki ugun tayenak logowak nduk, eerogo piige, Eerigin me, At endage ti, Ninogoba A'me Nggelok Eeppinanega Aliku ALA aret o, yinuk, yogo logogun,” yegerak o.

Yaya 17:26

Kat kabok nogo it aap yi, yorage nagarak me, kat an kiniki kunik ee'nake menggendak nogo kwak, it togop aret niniki-kiniki kunik eekwi, an it iniki me wonage, eeko logowok nduk, kat kabok ambinom paganogo yorage logogin o,” yinuk, yoreegerak.

Yaya 17:6

It aakumi o nggween paga yime menggaarak ando leenogo wo'nereegindak nogo, kat Ala eeke menggendak abok paganogo yoragagirak o. It aakumi wo'nereegindak nogo ti, kat kapuri kenok aret wo'nereegindak me, kat koone yoragagirak nogo aret eeko menggaarak o.

Epetut 1:19

Nit abet mbakwi niinok, at omaawi mondok iya lombok nogo paga eeppinanege nogo ti, Keritut kambunuk, nogo menggam nen eenik agago mippege nagagerik, kugi nggween abu'na mendek inom, eyonggaame mendek inom, mbogut abu'na o oolo yayi mendek inom, yi kugi ndi kugi inayuk wuko menggaarak o yogondak wonogwe inom, peebi logorak inom, it abok aret tebenak iigak, at Keritut alik mban Ala eenggi abe'nggan tiyanak logowak nduk, mbogut paga mippereegerak nogo ndak-ndak, nit yogondak at omaawi ti paga togop aret eeppinanege agaarik o.

Pelaareegerak 3:24

Kaliku Kitok Menggendak nogoba ALA ao. Kat abu tiyanak keenggi omaawi ambik lombok menggendak nogo, o yogondak iluk aret an kayeloman nenegen keyaakit nduk, ni'neege menggendak pogom kugi mbogut paga wonogwe inom, nggween paga wonogwe inom, nogo nen kat iya tit eeke menggendak nogo ndak-ndak it togop ambi ngge wonogwe? Lek aret o.

Pelaareegerak 5:24

yo'nogo logonet, At Aliku ninogoba Ala abu nggwok endage mondok tiyanak kenok, Wi, ugwi nogo ninigen abet nen aret kogwe, kani omoonuk wunuk ari enggela'me nen oone ari ninaruk konenggwi, eekoorak me, ne yogondak yi paga aret Ala aakumi inom wone mbanggwi iinok, aakumi kangga'lek ineenik logorak aret iigo o.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.