Pelaareegerak 32:16 - Ala Wone Peenok Peebi Mbanak

¹⁶ At Ala nen, Neebi o, yinuk, anini kinombaruwak nduk, Ala alut eekwi obaane'me kugi ayuk wukwi, Anini wunduwak nduk, Ala eebi mbake kugiwak nogo mendek mugurok nogwe, Eereegutak o.

Pelaareegerak 32:16 ပူးပေါင်းရင်းမြစ်များ

Ndawi 78:58

Ala anini mbake kagak, Puut-puut paga warogo wogorogo logorak ogobakkigikwi, “Inogoba nalik aret neegak eekwi yi, neebi o,” Mbake kagak inagugiwak ogobakkigirogo punuk alut eekwi, Eeko nogogwaarak.

1 Korindut 10:22

Nit ninowe anini eeppuurak op mbakop? Nit ninomaawi ambik, ndi, at omaawi lek mbakop? Lek aret o.

2 Endagembogut 23:13

o Yerutalem oonegen wundi wage menggim pa'nggwe puut endage, Puut Maluk Eerogo Pugu, yogo nogogwam o ame paga pa'nggwe inagugi inake warogo wogorogo menggam aap Iterali inowe endagembogut Talomo nen it aap Tiron mendek inagugigwe maluk lombok Atiyera inom, it aap Mowap mendek inagugi maluk mendek Kamot inom, it Amon mendek inagugi abu ogole warak Milikom inom, puut ti paga inagugi eeko logowak nduk, ogobakkigirogo pereegerak nogo, “Ogole o,” yogo logowak nduk, maluk eerogo pege,

1 Endagembogut 14:22

It aakumi Yekura mendek inombomini maluk nggwok aret eeko nogogwaarak paga Aliku ALA eebi mbake logonet, iniki laakot inombake nagagerak kwe, it inombowologwe mendek yi perak, Aliku ALA enegen kagak maluk mondok iya lombok aret eeko nogogwaarak.

Pelaareegerak 7:25

Ndi, it inagugi alut eeko menggaarak ogut ogobakkigirik nogo abok aret kani kunumunggup o. At Aliku kinogoba Ala nen kugiwak abu eebi mbake menggerak me, inagugi ogut ogobakkigirik paga mbuti perak-emas paga nabenak wonage nogo, kiniki uugwe mba'nuk waganggwi kiinok, ta'na pugu kwak kinenggaanok nggerenggolookwak, ambi woorak abu mage o.

Pelaareegerak 5:9

inalut eeko logonet, inabu'me tebe yi unggwogwe, inayuk wukwi, eeko logorak mage o. Naliku kinogoba Ala nalik aret neegak, nobaane'me kugiwak mippunuk, ayuk wukwi kiinok, Naliku an ALA nen, Neebi o, yinuk, nanini mbake minggirak me, yi aap ndi aap inanini nombako logonet, maluk eekwi nogo ti, it ineebe inom, inapuri inom, inombowologwe inom, it paga wiganak inom, an nen aaninggin inoba piige logogin kwe,

Pelaareegerak 32:21

Mbo paninuk, nalut eekwi nobaane'me kugi ayuk wukwi iinok, Neebi o, yinuk, niniki laakot inombake, Kugi nen ambi eeppiyoorak lek kagak kugiwak aanom warogo ayuk wukwi iinok, An nanini wungge, Eeruwak nduk, Eerogo paneegwaarak me, It aakumi inendage lek alik mendek eeppiige paga napuri nen, Ao, mbakwi, Ndi, aakumi inanebunu wi-wa mendek eeppiige paga napuri nen inanini ogwe, Eeruwak nduk, Eeppiyaagin o.

Ndawi 106:29

Maluk eekwi ti paga Aliku ALA anini eerogo pugwi, Eeko mbareegwa, Kugilengga inoba ndi wurogo piyareegerak o.

Yetaya 43:12

Kugi inenggela'me wonage nogo nen lek o. Ata, an lombok nen, Ndogop aret yeenggwaaraagin o, yinuk, yorage, inagap ndake, Eeke nagagirik, Ti'nuk, Togop eekirak o, yinuk, agan nege nagagirak. An nalik Ala aret, inigen neenok yoraga it aret o.

Yeremiya 2:25

It Iterali ti, aakumi inagugi mugurok nogo logonet, iniyok ogut nibi-nibi nage, Inamili mbuk eeginake, Eeke me, Togop eeriyak mage o, yinuk, yorage nagagirak kwe, It nen, A! Aanom warogo yo'niroorak mage o. It aap inambik inagugi eekwi ti, ninikilom aret me, mugurok nogo logorak abu mbako ogoorik o, yogogwaarak nogo o!” yinuk, Aliku ALA nen yegerak me, yokkiragi o.

Yeremiya 7:18

Kugigwe endage, Mbogut-Kwe, ake wologwe-komologwe nen kani kuwak eerogo pi wogwe, it inogobamini nen kani kunggwi, ndi, it kumi nen gandum yigirik amok mbanogo punuk, oroti worakwi, eeppunuk, iri wogwe, ndi, niniki waruwok mba'nuk, an nalut eeko logorak wonage neegak kwe, inagugi inake amburu kilirogo wogora wogwe, eeko menggaarak.

Yetikiyen 8:3

At ti, aap eenggi negen ngginogo neeruwak pi'nake kagagirak. Ti'nuk, nabinggaanggo kage logonet, Aberiniki nen an piyanneren mbogut agi, nggween ogu, kagak o oolo taati lagangge nagagerik, wo'neren o Yerutalem oore'nggam akem o omarip paga pa'nggwe tu unggwogo menggam Ala alut eeriyak kagak alik alut eekwi eebi mbake ogut eerak wonage me nogome pani nagagerak.

1 Endagembogut 14:9

At endagembogut awo aga'lek kagak it aa'nduk inendagembogut ogogwaarak nogo nen maluk eeko nogogwaarak ti, nggwok aret eeko nogogwaarak kwe, at perak, abunuk maluk mondok alik negen eerit nage logonet, At iniki wakkolaawak, nombake nagagerik, ambokan mbo paninuk, nobaane'me kugi inogut mbuti paga ogobakkigippatinuk, alut eerit nage agaarik o.

2 Endagembogut 17:11

at Aliku ALA nen aa'nduk a'nuk yi aakumi ndi aakumi wumbiyareegerak nen eeko nogogwaarak nogo kokwak, puut-puut abok aret obari abe kaga nogo mendek kani kunggwi, eeko nogogwaarak. At Aliku ALA nen, “Togop eeriyak mage o,” yinuk, yoragagerak kagak, maluk lombok eerit nogo logonet, inagugiwak tiyappit nogo nogogwaarak paga Aliku ALA anini mbareegerak.

2 Endagembogut 17:17

Ti eeko logonet, it inapuri wologwe-komologwe inagugi inake kani kumbiigwi, tili pagangga ogwe, magagirak iyagalo ogwe, ndi, Aliku ALA enegen kagak, “Maluk ayeloman arikit,” mba'nuk, maluk mban eekwi, eerit nogo nogogwaarak paga at Aliku ALA anini mbareegerak.

2 Endagembogut 21:6

aput eenik ngge-ngge kugi ake kani kungge, magagirak iyagalo age, tili pagangge, aakumi inogoma wiiraga inowagam nage, kambeegwaarak kin aruwak nduk eeppiiga inom wone mbani nage, eerit nage logonet, Aliku ALA enegen kagak maluk lombok eerit nage nagagerak paga Aliku ALA anini mbareegerak.

Yeremiya 8:19

It an nowe-nawot o nda nen le yogo logonet, “Aliku ALA o Tiyon wonage ilik lek a? O kota time inowe endagembogut wonage ilik?” Yinuk, inoone nggwok paga yogwe nogo karuk konenu o. Yoge mbaki, at Aliku ALA nen, “An niniki wariyak it nonggop nduk inagugi ogut eerogo pugwi, Nonggop nduk it aap inambik inagugiwak aanom warogo kagak mippit nogwe, Eekaarak?”