Pelaareegerak 30:3 - Ala Wone Peenok Peebi Mbanak

³ at Aliku kinogoba Ala nen kinabuwa mba'nuk, kit aakumi inenggela'me mak eerogo pinagamenggerak nogo kuwak eerogo wokkiren kiniyokan pinagi wage logomenggerik, aa'nduk wonogogutak togop nogo aret obeelom eerogo pinagagin o.

Pelaareegerak 30:3 ပူးပေါင်းရင်းမြစ်များ

Wakkagagerak 28:15

Kat o ambime, Na, yinuk, nage kenok, an nen enaani aret ndegenggeren nage, karum liirogon aret wonage, eeke logominggirik, ti'nuk, wokkeren o yime aret pagi woraagin o. Ndi, an nen, Yogop eerigin o, yinuk, wone abuk nggaruk togon yokkiragarak nogo abok aret a'me lik yaga'lek kagak, an teppagagin lek mondok yeenggwa kege logogin aret o,” yinuk, yoreegerak.

Wakkagagerak 48:21

Ale'nggen inoba piige nagagerik, at Iterali nen Yutup yoge logonet, “An logonuk lek mbet-mbet aret kambigin kwe, Ala perak, kinarum aret logonet, wokkiren o kombomini inanggween paga nogome pinagi nagin o.

1 Mbinineegwaarak 16:35

Ninagap ndaka ninogoba Ala wae. Niniki ale'nggen paga kalut eekwi, Kendage abu abe alik leenak nogo kumbunuk, Wa, yokkugwi, Eeko logowok nduk, It aakumi inenggela'me nen ninagap ndake, Kuwak eerogo pinani wage, Eeke logot o, Yinuk, yogo logowok o.

Ayup 42:10

At Ayup nen oreewi inake tamban eeke mbareegi, ti'nuk, Aliku ALA nen at Ayup amendek aa'nduk wonagagerak nogo obaane'me wogoge logonet, oba luunogo ambik lombok aret wogoreegerak.

Ndawi 147:2

Aliku ALA nen o Yerutalem obaane'me wurogo pege, It Iterali wogoren mbo piya nagagerak nogo kuwak eerogo piige,

Yetaya 27:12

Gandum ambitak mban pippunuk, mbanogo anggen menenggo mengga kwak, ne ti eyom paga Aliku ALA nen kit aakumi Iterali mendek yi, niyo Eparat nen nok Metit kuli wonogwe nogo ambit kambok waganogo kuwak eerogo pinagage logogin o.

Yetaya 43:5

An ninom wonage me, inagabiti mbarugwaarik o. Oonegen lagi wage menggim pa'nggwe nen it inombowologwe wogoren piya wage, Oonegen kilu yi nage menggim pa'nggwe nen it kuwak eerogo piya wage, Eerigin o.

Yetaya 54:7

“Ne ambiriluk mbo pereegirak kwe, abuwa nggwok lombok mbake kenok, waagin o.

Yetaya 56:8

Aakumi Iterali mbo piya nogogwaarak wonogwe me nen wogoren wagagerak Aliku Itok Menggerak ALA nen ari logonet, “An kuwak eerogo piyareegirak wonogwe iigak, It aakumi ando inom lambunna'nuk logowak nduk wogoren piya woraagin o,” yinuk, yegerak o.

Yeremiya 12:14

Aliku ALA nen ari logonet, “It aakumi Iterali inom koorok menggaarak inobaabut maluk nogo nen an napuri Iterali yate kwak inanggween wogoragagim tebenggologwe nogo, eyo kinogo wunako mengga kwak it wonogo menggam inanggween paga nen nggiginogo wumbiige, it Yekura paga wiganak inenggela'me wonogwe nogo kunduk, togop aret yabonogo wumbiige, eerigin o.

Yeremiya 23:3

Aliku ALA nen ari logonet, “Nandomba yi awi ndi awi wumbiyareegirak eegu yumbunik nogo an lombok nen kuwak eerogo inagari'ngga mbanogo nenet nogo nogogwam piya woraminggirak time wonogo logonet, inaagalogwe ambik aret ndaganakwi, ineebe apit aret wigannogwe, eeko logogun o.

Yeremiya 29:14

Aliku ALA nen ari logonet, “It an kwaa'nabit nugwi iinok, neyaawak nduk, neebe nigiige logominggirik, keele maarogo piya nogogwam nen iniyokan wogoren wage, it mappiyareegirak yi aakumi ndi aakumi inenggela'me wonogwe me nen kuwak eerogo piinok, kugun wogoren nawak nduk, eeppiyareegim nogome nen iniyokan piya wage, eerigin o,” yinuk, Aliku ALA nen aret yegerak o.

Yeremiya 31:10

Togop me, it yi aakumi ndi aakumi Naliku ALA nen wone yorage yi, inaruk konenggwi, It aakumi o nda niyo aa'nggi paga wonogwe ti, apit aret yoranet nogwe, Eeko logorak nogo yi aret. At it Iterali mak eerogo piyareegerak nogo nen aret kuwak eerogo piya wage, Aap ndomba ndegeninaka kwak at apuri inarum wake, Eeke logogin ti aret.

Leendawi 3:22

Aliku ALA ninabuwa mbake logonet eeppinanege nogo ti, lek aga'lek eeppinanegak mban eeke, Iniki kunik lombok ee'ninake paga ninoorogo pinanega'lek teppinanege, Eeke menggerak ti aret.

Leendawi 3:32

At Aliku ALA ninabuwa nen iniki kunik ee'ninake nogo, lek aga'lek itok kunik aret menggerak me, Inikilom ninombake logonet, nit aakumi nen ndarak nogo aaninggin eeppinanege, Nit niniki puru yuwak nduk eeppinanege, Eekeelik o. Ata, niniki puru yuwak nduk eeppinanege nagaatik, ti'nuk, ninabuwa mbake menggerak o.

Yetikiyen 11:17

Neebe aret me, Aliku Itok Menggerak ALA nen wone yegerak nogo yi o, yinuk, yoroorak nogo yi aret o. An nen yi aakumi ndi aakumi wonogwe me nen ambit me lambunogo piige, mak eerogo piyareegim yi awi ndi awi wonogwe me nen kuwak eerogo piige, eeke logominggirik, wogoren inanggween lombok o Iterali unde logowak nduk piya woraagin o.

Yetikiyen 36:24

It yi aakumi ndi aakumi inenggela'me nen nggiginogo wumbiige, yi o ndi o nen kuwak eerogo piya wage, eeke logominggirik, it inanggween paga lombok logowak nduk, iniyokan piya nagin o.

Yetikiyen 39:28

Ndi, yi aakumi ndi aakumi inenggela'me logowak nduk mbo piya nagagirak kwe, ti'nuk, inanggween paga lombok logowak nduk, ambi teppiyaagin lek, it abok aret wogoren piya woraminggirak ti paga Naliku inogoba Ala an aret ineenu arugun o.

Mika 7:19

Aa'nduk ninabuwa mbake nagagindak nogo ndak-ndak, yogondak ambinom ninabuwa mbake logonet, Ninomaluk kumaarogo kiyok libik-lebek eerogo pege, Nit maluk eeko nogogurak nogo abok aret niyo nggwok yenggenak laut nogo oolo kiiniki paga lombok mbo wuppege, Eerumunggun o.

Takariya 10:9

An nen it ineebe waganogo yi aakumi ndi aakumi inenggela'me nappiyaminggirak kwe, O nda time wonogo logonet, an abe'nako logogun o. It inapuri inom ineebe op aret logomenggaarik, ti'nuk, iniyokan iname woraagun o.

Oroma 11:23

It Iterali mendek pendenogo mbo nappiyareegerak nogo Ala nen inobaane'me kumbiya woroorak op me, it abet mbaka'lek mban wonogwe lek abet mbakwi iinok, inobaane'me kumbiya woraagin o.

Oroma 11:26

At Ala nen ari logonet, “Wondet Eerogo Piiga nogo, o Tiyon nen wundi wage logomenggerik, It Yakup mendek nen Ala wone liirogon eeriyak mbaka'lek nogo, liippunuk, eerit nogo logowak nduk, eerogo piyaagin o. Inomaluk lek eerogo pikit nduk, wage logominggirik, It ninom wone abuk nggaruk togon koonogo pi woraagin nogo ti aret o,” yinuk, yoragagerak liiru mbanak ndak-ndak it Iterali mendek abok aret inagap ndari woraagin kogo o.

Oroma 11:31

yogondak it Yakuri mendek kunduk, Ala wone taganogo punuk alik eekwi kwe, Ala nen kit endekem mendek kinabuwa nen teppinagareegerak ti paga it kunduk inabuwa nen teppiyaagin kogo o.

Pelaareegerak 13:17

At Aliku kinogoba Ala nen wone, Yogop ee'nu ndogop ee'nu, yereegerak an yogondak mamunggirage yi, kinaruk liirogon konembunuk, nggirik-nggerok porogo logonet, obeelom mban eerit nogwe enegen kiinok, at Aliku ALA anini kani omoonuk negen wungge ti, lek age logomenggerik, kinombomini inom wone abuk nggaruk togon kumbuk mbanogo yoragagerak nogo ndak-ndak aret kit kinabuwa mba'nuk teppinagage, iniki kunik eekkinake, kineebe ambik lombok eerogo pinagage, eerigin me, yi mendek ndi mendek maluk kenok, kani kuniyak nduk, leenogo pugu nogo kineenggime wonage kwaakkiyookwak, ambiriluk ambi woorak abu mage o,” yinuk, yoragagerak.

Pelaareegerak 4:27

At Aliku ALA nen aakumi inanebunu alik mendek inenggela'me logomunggup nduk, mak eerogo pinagamenggerak inenggela'me wonogo logonet, it ando kambit nogwe iigak, kit ando mbereeluk mban kineenik aret logomunggup o.