Pelaareegerak 3:4 - Ala Wone Peenok Peebi Mbanak

^4-6 Inooko logonet, ne ti eyom paga aret aap endagembogut Tikon unde menggim Ketibon yi kota ndi kota paga aap inom, kumi inom, elege-aabologwe inom, abok aret nit nen inooreegurak nogo ndak-ndak aret o Mbatan aap Ok unde menggim kota 60 apit aret inawi pak yugum paga tiyarogon wurik inom, pak wurik tungga mbuti owak paga karo-karo nabenak inom, ndi, o kota ambik lombok inawi yugum paga wurik lek nogo inom, ambit-ambi teppuulik o Arogop nenaarak yi kota ndi kota tigitogon aret yigirik-noonom eerogo pit nogo nogogurik, o nogo nit aret tebenggologogurak.

Pelaareegerak 3:4 ပူးပေါင်းရင်းမြစ်များ

1 Endagembogut 4:13

Aap Mben-Nggebet nen o kota Aramot-Nggileyat inom, aap Manate aput Yayit mendek yi awi ndi awi o Nggileyat wonogo menggam inom, o nggwok Mbatan o mbuuluk Aregop kota 60 mondok nggwok yugum yagat wurik, pak ambe mbuti tembaga paga mban mbanak wonagagerak nogome inom, wone lengganogo yorage,

Linggineegwaarak 21:35

Yorage mbareegi, it Iterali mendek pilak yogo logonet, aap endagembogut Ok nogo inom, at apuri inom, at awuri ineegin warak inom, abok aret eegu-ando abu teppiyoolik mondok pup eerogo inooppunuk, anggween nogo paga it aakumi Iterali mendek aret ye mbambatinuk, wonogogwaarak.

Pelaareegerak 3:13

ndi, aap anebunu Manate ando mogonak ti, o Nggileyat nggween ando it wogoroolik wonage nogo inom, aap Ok unde menggim o Mbatan o Arogop nenaarak aakumi nen, Erepayim mendek inanggween o, yinuk, yogo nogogwam nogome abok aret inom, nogo wogorage, eereegirak o.

Pelaareegerak 3:14

Manate aput Yayit nogo o Arogop nenaarak kolage logonet, nok aakumi Nggetut mendek inom, Mayaka mendek inom, inanggween ti kuli abok aret kolage nagagerik, at endage toonak ndak-ndak aret o Mbatan nogo ti endage Kawot-Yayit aret toonogo pereegerak me, o yogondak endage ti aret yogwe wonogwe o.

Pelaareegerak 3:3

Yo'nege nagagerik, at Aliku ninogoba Ala nen aap o Mbatan inowe endagembogut Ok nogo inom, at awuri wim eeka ineebe abok aret inom, nineenggi paga pinanege mbareegi, ambiriluk ambi teppiyoolik tigitogon aret inooreegurak.

Yotuwa 12:4

ndi, aakumi Erepayim mendek yumbunik aap ambi o Mbatan endagembogut Ok nen awi mbere Atitarot Erereyi wonage logonet,