Pelaareegerak 3:3 - Ala Wone Peenok Peebi Mbanak

³ Yo'nege nagagerik, at Aliku ninogoba Ala nen aap o Mbatan inowe endagembogut Ok nogo inom, at awuri wim eeka ineebe abok aret inom, nineenggi paga pinanege mbareegi, ambiriluk ambi teppiyoolik tigitogon aret inooreegurak.

Pelaareegerak 3:3 ပူးပေါင်းရင်းမြစ်များ

Ndawi 136:20

It o Mbatan mendek inowe endagembogut Ok nogo, Warogo pereegerak me, “Wa,” yogo logonip o. & Ninabuwa mbake ti, itok kunik wonage o.

Linggineegwaarak 21:35

Yorage mbareegi, it Iterali mendek pilak yogo logonet, aap endagembogut Ok nogo inom, at apuri inom, at awuri ineegin warak inom, abok aret eegu-ando abu teppiyoolik mondok pup eerogo inooppunuk, anggween nogo paga it aakumi Iterali mendek aret ye mbambatinuk, wonogogwaarak.

Pelaareegerak 29:6

oroti inom, anggur amburu inom, amburu omaawi mendek inom, namunggup nduk wokkirage, eerulik o. Ata, at Aliku kinogoba Ala at aret kineenu arumunggup nduk, yi mendek ndi mendek lek kenok, at nen aret wokkiranet wage nagagerak nogo o.

Pelaareegerak 3:2

Wundi wogo mbareegwa, at Aliku ALA nen an yo'nege logonet, Aap Ok eebe inom, at awuri wim eeka ineebe inom, anggween inom, abok aret kat keenggime wokkigirak me, aakumi Amori inowe endagembogut Tikon o Ketibon inarum wonage kagak eeppereegindak nogo ndak-ndak aret eeppumunggun me, at eebe paga kagabiti mbarugun o.

Pelaareegerak 3:4

Inooko logonet, ne ti eyom paga aret aap endagembogut Tikon unde menggim Ketibon yi kota ndi kota paga aap inom, kumi inom, elege-aabologwe inom, abok aret nit nen inooreegurak nogo ndak-ndak aret o Mbatan aap Ok unde menggim kota 60 apit aret inawi pak yugum paga tiyarogon wurik inom, pak wurik tungga mbuti owak paga karo-karo nabenak inom, ndi, o kota ambik lombok inawi yugum paga wurik lek nogo inom, ambit-ambi teppuulik o Arogop nenaarak yi kota ndi kota tigitogon aret yigirik-noonom eerogo pit nogo nogogurik, o nogo nit aret tebenggologogurak.

Yotuwa 13:12

O Mbatan wogoragagerak ti, it Mbatan mendek inowe endagembogut logonet, o Atitarot mendek inom, o Erereyi mendek inom, wone lengganogo yorage nagagerak aap endage Ok aret o. At Muta nen it Erepayim mendek tebenogo piinok, abok aret mugogo wumbiinet nage logonet, irip paga aap Erepayim mendek endagembogut Ok nogo aret mugogo wumbereegerak me, at abu'me piinok menggim o Mbatan time abok aret inom wogoragagerak.

Yotuwa 13:30

It inanggween kuli nogo ti, o Makanayim panggombunuk, nok, o Mbatan abok aret inom, it aakumi Mbatan mendek inowe endagembogut Ok abu'me piinok menggim abok aret o Mbatan time yaga'lelo-yaga'lelo 60 o Yayit paga wonage nogo inom,