Pelaareegerak 3:21 - Ala Wone Peenok Peebi Mbanak

²¹ Yorage nagagerik, at Muta nen aakumi Iterali yorage, “Ne ti eyom paga an Muta nen wone lengganogo Yotuwa yoge logonet, At Aliku kogoba Ala nen aap inendagembogut mbere eeppiige nogo kenegen abe nen iyareegindak o. Eeke kagagindak nogo ndak-ndak aret Aliku ALA nen kat nawam time aap inoweewi inendagembogut inabu'me piigo menggaarak nogo kunduk togop aret eeppiyaagin o.

Pelaareegerak 3:21 ပူးပေါင်းရင်းမြစ်များ

Epetut 3:20

Nit eeppinanuwak nduk nggino yogwi, niniki koonggwi, eekwi nogo mban eeppinanege lek at omaawi ee'ninake logonet, niniki mbaka'lek nogo mendek inom abok aret eeppinanege menggerak nogo,

2 Korindut 12:10

Togop me, an meek ee'nake kenok, Ala omaawi eeppanege kagak, nomaawi ambik logonet eerit nage minggirak me, Keritut eeke nagagerak wone wigak yuwak nduk eeke neegak, an eeriyak meek ee'nake, miyuk-meya eerogo panugwi, ambi yo'negak mban eekwi paga niniki taganogo pugwi, piyak-payak eerogo panugwi, aaninggin-paaninggin noba panugwi, eekwi iigak, “Op mban aret ee'nakwi o,” yinuk, niniki tayenak ale'nggen aret minggirak o.

2 Korindut 1:10

Ti paga nen mondok kambuurak aret wonogogurak kwe, ninagap ndareegerak me, peebi togon ninagap ndarigin aret o. Ndi, yogondak eeppinanege yi paga at nen ninagap ndarigin abet aret mbakwi me,

Ndawi 9:10

It aakumi iniki Kaliku ALA koba panggombunuk mukkeren wogwe iinok, Kat mbo piigeelik me, Kendage inom, eeke menggendak inom, ineenu nogo nen Iniki koba panggombunuk aberak menggaarak o.

Yotuwa 10:25

Yotuwa nen at awuri nogo yorage logonet, “Kinagabiti mbakwi, kiniki yungguppegak eekwi, eerugup o. It aakumi kinom wim mbanak wonogwe nogo, at Aliku ALA nen yogop eeppiyaagin me, kinogogumbuk kiniki mondok nu'lek eeppatinuk logomunggup o.” Ari nagagerik,

Pelaareegerak 3:22

Ndi, kat kake Aliku kogoba Ala nen kawim nogo inom wim eerigin me, it ineebe paga kagabiti mbarugun o, yinuk, yoreegirak.

Pelaareegerak 7:19

At Aliku kinogoba Ala nen wokkiren wundi wage logonet, aakumi Metit mendek ti, anggon-panggon iya tit eeppiige, ineenu agak inagabiti aruwak nduk agago piige, tam warak mendek eeppiige, eenggi omaawi paga eeppiige, eenggi titik eeke kenok eeppiige, eeke kit kinigen abe nen kogogutak nogo o. Ti eereegerak pogom, at Aliku kinogoba Ala nen it aakumi inanebunu lombok kit kinagabiti mbakwi nogo abok aret ndak-ndak eerogo piyaagin o.