Pelaareegerak 3:2 - Ala Wone Peenok Peebi Mbanak

² Wundi wogo mbareegwa, at Aliku ALA nen an yo'nege logonet, Aap Ok eebe inom, at awuri wim eeka ineebe inom, anggween inom, abok aret kat keenggime wokkigirak me, aakumi Amori inowe endagembogut Tikon o Ketibon inarum wonage kagak eeppereegindak nogo ndak-ndak aret eeppumunggun me, at eebe paga kagabiti mbarugun o.

Pelaareegerak 3:2 ပူးပေါင်းရင်းမြစ်များ

2 Mbinineegwaarak 20:17

kinom namburiyak kina koonogo punuk kiigak, Aliku ALA nen kineegin tiyappinagagin me, wim eeka'lek nu'lek puk aret logomunggup o. Kit Yekura mendek inom, Yerutalem mendek inom, yi wae. At Aliku ALA kinom aret logogin me, kinagabiti mbakwi, kinomanggen tayok ari, eeka'lek ko'lu aret kinom wim eeri namunggup o,” yinuk, yoragagerak.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 43:5

An ninom wonage me, inagabiti mbarugwaarik o. Oonegen lagi wage menggim pa'nggwe nen it inombowologwe wogoren piya wage, Oonegen kilu yi nage menggim pa'nggwe nen it kuwak eerogo piya wage, Eerigin o.

Linggineegwaarak 14:9

Togop aret me, kit nen at Aliku ALA kineebi-kineeba yogwi, it aakumi time wonogwe nogo paga kinagabiti mbakwi, eerugup o. It inagugi inomaawi wogorogo menggaarak nogo teppiinok mbaganggwi iigak, nit perak, Aliku ALA ninarum wonage kagak, aakumi ti, ninambeme yonggorinabugun me, it ineebe paga kinagabiti mbarugup o,” yinuk, yorogogwaarak.

Linggineegwaarak 21:34

Wundi wogo mbareegwa, at Aliku ALA nen Muta yoge logonet, “Aap Ok eebe inom, at awuri wim eeka ineebe inom, inanggween inom, abok aret kat keenggime pagagirak me, aakumi Amori inowe endagembogut Tikon o Ketibon inarum wonage kagak eeppereegindak nogo ndak-ndak aret eeppumunggun me, at eebe paga kagabiti mbarugun o.”

Nappiigak 18:9

Ti'nuk, ne ambi nogo iniki paga ninogoba Yetut nen at Pawulut abinggaanggo paga yoge logonet, “An nimbirak wonage me, aakumi nen pippaganuk koorugun lek me, kagabiti nen puk logogun o. O kota yime an napuri ambik wonogwe me, yorage logot o,” yinuk,

Nappiigak 27:24

Pawulut wae. Kagabiti yugun o. Kat Kayitat owagam aret mi'narumunggun me, Ala kabuwa nen kinom yiiro paga wonogwe yi, kat paga abok inagap ndarigin o, yinuk, yo'negerak me,

Pelaareegerak 20:3

Kit nowe-nawot Iterali mendek yi wae. Kinaruk logonip o. Kinawim tebenogo piinok, kineegin tiyak yuwak nduk, at Aliku kinogoba Ala lombok kinom nage logonet, yeenggwa kiraagin me, kinawim kinom perenggologo logonet, kiniki lek-lek eekkinake, kinagabiti mbakwi, kinaganak nuk-nuk eekwi, it ineebe paga kiniki a'nggan wo'nage, eeriyak mondok mage o, yinuk, yokkiraawak o.

Pelaareegerak 3:1

Yorage nagagerik, ambinom yorage logonet, “Ti'nuk, nit nogo nomoninuk tu o Mbatan paga nogwe niigak, aakumi Mbatan inowe endagembogut Ok nogo awuri ineegin warak apit inom o Erereyi pa'nggwe time nit ninom wim eeriyak nduk, wundi wogogwaarak.

Pelaareegerak 3:11

Ndi, o Mbatan paga aap endagembogut Ok ti, it aakumi Erepayim mendek lek ogwe iigak, at alik aret wonagagerak. At aap nogo ti, nogo yegak mbuti owak paga ogobakkigirik nogo aru-ogwe ti, metet 4, ndi, ambe agi-ogu ti, metet mbere aret wonagagerak me, aakumi Amon menggam inawi kota Araba paga o yogondak awo wonage aret o,” yinuk, yoragagerak.

Pelaareegerak 3:3

Yo'nege nagagerik, at Aliku ninogoba Ala nen aap o Mbatan inowe endagembogut Ok nogo inom, at awuri wim eeka ineebe abok aret inom, nineenggi paga pinanege mbareegi, ambiriluk ambi teppiyoolik tigitogon aret inooreegurak.

Yotuwa 10:8

at Aliku ALA nen Yotuwa yoge logonet, “It ineebe paga kagabiti mbarugun o. An nen muk kineenggime pinagagirak me, it nen ko wappunuk logogun lek o.”

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.