Pelaareegerak 3:14 - Ala Wone Peenok Peebi Mbanak

¹⁴ Manate aput Yayit nogo o Arogop nenaarak kolage logonet, nok aakumi Nggetut mendek inom, Mayaka mendek inom, inanggween ti kuli abok aret kolage nagagerik, at endage toonak ndak-ndak aret o Mbatan nogo ti endage Kawot-Yayit aret toonogo pereegerak me, o yogondak endage ti aret yogwe wonogwe o.

Pelaareegerak 3:14 ပူးပေါင်းရင်းမြစ်များ

2 Tamuwen 10:6

Ndi, it aap Amon mendek nen mbako logonet, “Nit eekoorak paga at Ndawut nen obari maluk kogo mengga kwak ninombake kogo o.” Yogo nogogwaarik, wim eekwi iinok, onggo wogoraawok nduk, aap wim eeko logonet, iniyok paga nugu menggaarak Aram mendek o Mbet-Erekop wonogwe nogo inom, o Toba wonogwe inom, ineebe apit lambunik dua puluh ribu wogonakwi, it aap o Maaka mendek inowe endagembogut awuri wim eeka ineebe seribu wogonakwi, ndi, it aap wim eeka o Top mendek ineebe dua belas ribu wogonakwi, eereegwaarak.

2 Tamuwen 13:37

Ndi, at Abatalom nogo kole mbaganit o Nggetut aap endagembogut Amikut aput Talamayi wonage me nage kagak, at Ndawut nogo aput Amonon erabun ndoombunuk, aleenggu maake nagagerak.

2 Tamuwen 14:23

Yo'nuk, at Yowap nogo o Nggetut nage nagagerik, Abatalom nogo wonok o Yerutalem wagagerak.

2 Tamuwen 20:26

ndi, aap Yayit mendek endage Ira ti, Ala unde logonet, Ndawut ake koongge, eeko nogogwaarak.

2 Tamuwen 23:34

Aap Maaka mendek Akatabayi aput Elipelet inom, Aap Nggilo mendek Akitoben aput Eliyam inom,

2 Tamuwen 3:3

Ambokan ndarak ti, aap Naban awi Karemen mendek kwe togwe pereegerak waganeegerak Abigayin aagaluk aap endage Kileyap. Ambokan ndarak ti, aakumi Nggetut inowe endagembogut Talamayi apuluk kwe Maaka aagaluk aap endage Abatalom aret.

Ndawi 49:11

It mbako logonet, “Ninombo wologwe nda'narit wundi wogo logonet, Ninendage mondok ki eeko logowok o,” yinuk, Inendage toonak kwak, Inanggween endage ndak-ndak toonogo pemenggaarak kwe, It kanggwi mambiigo menggam ti, iname aret age, It taambiigo menggam ti, inawi alom aret age, Eerigin o.

Yeremiya 40:8

aap Netaniya aput Itimayen inom, Kareya apuri Yokanan Yonatan imbirak inom, Tanukumet aput Teraya inom, aap Netopa mendek Epayi apuri inom, at Maaka aput aap Yetaniya inom, it inawuri abok aret inom, at Nggeraliya o Mitipa wonage me ka wogogwaarak.

Linggineegwaarak 32:41

Ndi, Manate ombooluk wiganak mendek endage Yayit nogo o ilin-ilin inawi wurik wonogwe me, unggwi nanuk, tebenggolage nagagerik, o nogo endage Kawot-Yayit toonogo pege,

Pelaareegerak 3:13

ndi, aap anebunu Manate ando mogonak ti, o Nggileyat nggween ando it wogoroolik wonage nogo inom, aap Ok unde menggim o Mbatan o Arogop nenaarak aakumi nen, Erepayim mendek inanggween o, yinuk, yogo nogogwam nogome abok aret inom, nogo wogorage, eereegirak o.

Pelaareegerak 3:4

Inooko logonet, ne ti eyom paga aret aap endagembogut Tikon unde menggim Ketibon yi kota ndi kota paga aap inom, kumi inom, elege-aabologwe inom, abok aret nit nen inooreegurak nogo ndak-ndak aret o Mbatan aap Ok unde menggim kota 60 apit aret inawi pak yugum paga tiyarogon wurik inom, pak wurik tungga mbuti owak paga karo-karo nabenak inom, ndi, o kota ambik lombok inawi yugum paga wurik lek nogo inom, ambit-ambi teppuulik o Arogop nenaarak yi kota ndi kota tigitogon aret yigirik-noonom eerogo pit nogo nogogurik, o nogo nit aret tebenggologogurak.

Yotuwa 12:5

o Mbatan abok puut Keromon inom, o Talaka inom, kuli nen nok, o aakumi Nggetut mendek inom, aakumi Maaka mendek inom, inanggween kuli nen o Nggileyat eegu mogonak aap endagembogut Tikon anggween unde menggim endage Ketibon kuli apit aret at mban unde wonagagerak nogo ndinggologwe, eereegwaarak.

Yotuwa 13:13

Togop aret kwe, it Iterali nen it aakumi Nggetut mendek inom, it Maaka mendek inom, mugogo wumbiyoolik me, it ti, Iterali inom o yogondak wonogwe aret o.