Pelaareegerak 3:12 - Ala Wone Peenok Peebi Mbanak

¹² Yorage nagagerik, ambi yorage logonet, “Ne ti eyom aret inanggween ti, nit kologo nogogurik, o ti paga wonogo logonet, an nen it inanebunu Uruben mendek inom, Nggat mendek inom, nogo ti, niyo Aronon aa'nggi paga o Arowet panggombunuk, o omarip paga pa'nggwe puut nggelok-nggobok o Nggileyat nggween ando kota-kota wonage nogo inom aret wogorage,

Pelaareegerak 3:12 ပူးပေါင်းရင်းမြစ်များ

2 Endagembogut 10:33

niyo Yoraran oonegen lagi wage menggim pa'nggwe o kota Arowet niyo Aronon aa'nggi paga wonage me nen nok, o Nggileyat Mbatan kuli abok aret aakumi Nggat menggam inom, Uruben menggam inom, Manate menggam inom, kolagagerak.

Linggineegwaarak 32:40

at Muta nen Manate ombowologwe wiganak aakumi Makit mendek nogo o Nggileyat time wogorage mbareegi, it o time aret ye mbambatinuk wonogogwaarak.

Pelaareegerak 2:36

O Arowet niyo Aronon aa'nggi paga wonage kuli nen nok, o kota ambi kobappaga time nen nok, o kota Nggileyat kuli kota-kota abok aret yugum yagat omaawi wurik kagak at Aliku ninogoba Ala nen wo'niragaarak me, tebenogo pereegurak.

Pelaareegerak 29:7

Ndi, nit o yime ari wogo mbareegu, aap o Ketibon mendek endagembogut Tikon inom, o Mbatan mendek aap endagembogut Ok inom, it nen ninooruwak nduk, wundi nogogwaarak kwe, nit nen melak togon it inoorogo piyareegurak nogo o.

Pelaareegerak 29:8

Inoorogo piinok, inanggween waganogo aap Uruben mendek inom, aap Nggat mendek inom, anebunu Manate ando mogonak mendek inom, ineyate negen unde eekkolaawak nduk, wogorogogurak o.

Pelaareegerak 3:13

ndi, aap anebunu Manate ando mogonak ti, o Nggileyat nggween ando it wogoroolik wonage nogo inom, aap Ok unde menggim o Mbatan o Arogop nenaarak aakumi nen, Erepayim mendek inanggween o, yinuk, yogo nogogwam nogome abok aret inom, nogo wogorage, eereegirak o.