Pelaareegerak 26:5 - Ala Wone Peenok Peebi Mbanak

⁵ Pi nage kenok, kit nen at Aliku kinogoba Ala enggaanom paga wone yogop aret yumunggup o. O maan togon it aakumi Aram mendek ninogoba ambi yaluk-ndaluk agan nege nagagerik, apuri we mbuuluk mban inom o Metit ari nanuk, aap nggiru negen wonogo logonet, inanebunu nggwok lombok wigak yogo nogogwaarik, inomaawi ambik ineebe ambik lombok ogogwaarak.

Pelaareegerak 26:5 ပူးပေါင်းရင်းမြစ်များ

Wakkagagerak 12:2

Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 25:20

At Itak nogo ndarak kagak tahun 40 age nagagerik, aap Aram awi Paran-Aram mendek endage Mbetuwen apuluk Laban awuluk kwe Iribaka nogo aret waganeegerak.

Wakkagagerak 27:41

Yoge mbareegi, at ogoba awone awuluk mban kiligereegerak paga, Etawu anini alik negen eeke nagagerik, inikime nen koongge logonet, “An nogoba yi, abu kambuurak aret eekerak me, kangge kenok, abuwa eerogo ale yippunuk nen nawuluk Yakup warikit,” mbareegerak.

Wakkagagerak 28:5

aruk wappege nagagerik, at Yakup nogo o Paran-Aram oweeluk Etawu imbirak inagalo Iribaka oweeluk Laban ogoba Mbetuwen aap Aram mendek ame nogome aret nappereegerak.

Wakkagagerak 31:24

Panggo yi woraanuk, oonikiya nogo yugwi me, Ala nen aap Aram mendek Laban nogo abi paga yoge logonet, “Kat Yakup kimbirak lambumbunuk, agabiti mbaruwak nduk koone maluk ambiriluk ambi yoge keyo liippu o.”

Wakkagagerak 31:40

Liingge kenok mo andi ee'nake, oonikiya kenok togwi ee'nake, eeke kagak mban aret wu nogo yega'lek aret ndegeninake nagagirak.

Wakkagagerak 43:12

Ndi, wu kinegaruna yonggolak kwaakkogotak ti, iniki kobak a'nuk, yonggoppegaarak kagak eerukwak me, wu ti inom, alik ambi inom, waganggo logomonggotik,

Wakkagagerak 45:7

Togop me, kit kinapuri wiganak nogo mbuk arukwak kinanobak ki eeke, ndi, Mbi abu nen kanggwi niyo, eeke yi, Wi, mbakwi kiigak kinagap ndake, eerikit nduk, at Ala nen wo'neren naa'nduk o yime pani wagagerak o.

Wakkagagerak 46:27

Ndi, at Yutup o Metit logonet, apuri mbere'ndak ndaganabeegerak nogo inom, at Yakup apuri o Metit nogogwaarak nogo inom, abok lambuk togon ineebe ti, 70 aret.

Wakkagagerak 47:27

It Iterali mendek nogo o Metit nggween ambi taganak o Nggoten nogome ye mbanggologo nogogwaarik, inanggween kunggologwe, inaaganapuri ambik aret ndaganabit nogwe, eeko logonet, inanebunu nggwok aret wigannogogwaarak.

Wakkagagerak 47:4

Yogo nogogwaarik, ambinom yogo logonet, “O Kanan paga mbi noogelo ambik age logonet, nit kayeloman mini ninaanggumi iri'ngga noorak kunduk lek age mbaki, yime we laalu negen logorak nduk wogoorak me, o Nggoten time logorak op ilik? yinuk, yokkiri wogo o.”

Wundeegwaarak 1:12

Ndi, it aakumi Iterali ineebe wigak yukwak nduk aaninggin-paaninggin togop aret inoba piigaatak kwe, kagak aret, wiganit nogo logonet, ineebe ambik lombok ogo mbareegwa, it Metit mendek nogo inagabiti ambik ogogwaarak.

Wundeegwaarak 1:5

At Yakup apuri-ombowologwe wiganak ineebe lambunik ti, 70 aret kwe, apuluk Yutup nogo perak, aa'nduk o Metit nagagerak wonage me, ka nogogwaarak.

Oteya 12:12

At Yakup nogo mbaganit o Aram nage nagagerik, time logonet, At Iterali nen akwe kolaakit nduk aakumi inayeloman age, Akwe koloorak onggo ndomba ndegeninake, Eeke nagagerak o.

Oteya 12:13

It Iterali o Metit nen wogoren wundi woraawak nduk, Aliku ALA nen yoge kagak yoraga ambi mippege, Iterali ndegeniren woraawak nduk, at yoge kagak yoraga ambi yoge, Eereegerak kwe,

Nappiigak 7:15

Nappiya wagagerak nogo wogo nogogwaarik, at Yakup aaganapuri inom o Metit aret nogogwaarak time logonet, at inom, ninombomini inom, kambit nogogwaarak.

Pelaareegerak 10:22

O maan kit kinombomini ineebe we 70 iluk aret o Metit nogogwaarak kwe, yogondak perak, at Aliku kinogoba Ala nen kineebe laaluguragan mbogut paga wonage ti kokwak agago pinagagerak wonage o,” yinuk, yoragagerak.

Pelaareegerak 26:4

Yogwi kiinok, aap Ala unde nogo nen muun yarak me anggen mbanak yonggolak nogo kineenggime nen wagangge logomenggerik, wonok at Aliku kinogoba Ala ake pogo menggam eyo ndoonak enaame paga pi nawak o.

Pelaareegerak 7:7

At Aliku ALA nen kinabuwa mba'nuk miikkinabeegerak nogo ti, yi aakumi ndi aakumi inanebunu nggwok mendek inenggela'me nen kit abu nggwok me nduk, miikkinabulik o. Ata, it inenggela'me nen kit kinanebunu abu mbuuluk lombok kiigak kwe, miikkinabeegerak.