Pelaareegerak 26:2 - Ala Wone Peenok Peebi Mbanak

² at Aliku kinogoba Ala nen kinanggween wokkirage ti paga yi mendek ndi mendek awi yarumonggotak anggen iyaalok yemenggerak nogo mbanogo muun yarak me yonggologo punuk, wonok at Aliku kinogoba Ala nen, An wonage me yime nen mban nendage tiyappogo logowak o, yinuk, o leenogo patemenggim nogome pi nogo logomunggup o.

Pelaareegerak 26:2 ပူးပေါင်းရင်းမြစ်များ

2 Endagembogut 4:42

Ti'nuk, ne ambi paga aap ambi o Mba'an-Talita nen Ala wone liirogon eeka nogo ake gandum anggen iyaalok mbanak inom, waabuk negen jelai anggen iyaalok mbanak yigirogo oroti worarak 20 inom, wonok Elita wogori wagagerak. Wogori wage mbareegi, at Elita nen, “It aap yi, nawak nduk, wogoret o.”

2 Mbinineegwaarak 31:5

Wone lengganogo yorage mbareegi, Iterali mendek abok aret inamendek 10 wonage kenok ambi yendenogo pi wogo logonet, gandum yarak aa'nduk mbanak inom, anggur amburu iyaalok toolak inom, wam amburu aa'nduk toolak inom, nggiin amburu aa'nduk toolak inom, yi mendek ndi mendek anggen iyaalok mbanak inom, abok aret iniki ale'nggen nen mondok iya negen pi wogwe,

2 Mbinineegwaarak 6:6

yogondak perak, nendage ki logowam kota Yerutalem aret leenogo pege, ndi, napuri Iterali inarum logowak nduk, at Ndawut aret leenogo mippege, eereegirak o, yinuk, yereegerak nogo o.

Nekemiya 12:44

It aap Ala unde inom, aap Lewi mendek inom, inogoba Ala ake me nduk, aakumi inake liirogon eekwi, inoba maluk lenggenak kenok mbeenogo piigwi, eekwi paga it aap Yekura mendek nen inale'nggen mbareegwaarak me, it inake pogo logorak wone yugu liiru mbanak nogo ndak-ndak inawi kota-kota enaagan-ambokan ineyabu yarak me nen anggen iyaalok yugu mbanak inom, iniki nen, “Inake pikit o,” yinuk, pugwi inom, 10 wonage kenok ambi yendok ambi yendok eerogo pugwi inom, pi wogo logowam o unde logowak nduk, ne ti eyom paga aap mippiyareegwaarak. Ndi, o maan aa'nduk aap Ndawut Atap imbirak wonogwe eyom paga it ndawi tiyangga nen Ala, “Wa!” yogwi, endage tiyappugwi, eekwi iigak, inake kooninaka inom inake wonok wogo nogogwaarak nogo kokwak, aap Terubaben Nekemiya imbirak wonogwe eyom paga at Ndawut aput Talomo imbirak nen wone lengganogo pereegwaarak ndak-ndak, it ndawi tiyangga inom, tu unggwogo menggam arum waka inom, it kunduk, Ala ake obeelom aret eeko mbareegwa, it Iterali abok aret ko'lu-kii'me it ndawi tiyangga inom, tu unggwogo menggam arum waka inom, inake pi wogo nogogwaarak. Pi wogwe iinok, it nogo nen Lewi mendek ando inake leenogo pugwi, ndi, it aap Lewi nogo nen aap Karun paga wiganak inake leenogo pugwi, eeko nogogwaarak.

Nekemiya 13:31

Ndi, “O ndi eyom paga kani ira wogo logu o,” yinuk, koonogo piige, yi mendek ndi mendek iyaalok yugu pi wogo logowak nduk, koonogo piige, eereegirak o. “Ai, nogoba Ala o. Nabuwa mba'nuk, noba aberak logot o,” yinuk, tamban eereegirak nogo ti aret. 1

Wundeegwaarak 20:24

Ata, an nake warogo kani kunggak yuurak nduk nggween ambi waganogo ogobakkigirogo punuk, at paga kambin-ndomba inom, tapi inom, warogo nake kani kunggwi, ninom lambunuwok nduk, warogo an wo'nugwi, eeko logowak o. Ndi, an eeginabeegirak abeko logonet, nendage tiyappanugo logowak nduk, ogobakkigirogo pit namenggam nogome abok aret pegiinet nage logonet, nale'nggen inoba piinet nage logogin o.

Wundeegwaarak 22:29

It nen mbi iyaalok ndarak inom, amburu anggur iyaalok toolak inom, Yi Ala ake aret o, yinuk, pogo logomenggaarik, iname elaambirik porogo logorak mage o. Inapuri manggu ndarak nogo nake leenogo panugo logowak o.

Wundeegwaarak 23:16

Yi mendek ndi mendek awi yappunuk, anggen iyaalok kole aremenggerak nogo mbanggo logonet, inale'nggen paga laago endage Anggen Iyaalok Mbanggwi nogo lakwi, ti'nuk, yi mendek ndi mendek anggen abu kole aremenggerak mbanogo kuwak eerogo pi wogwe iigak, tahun irip paga ari nage kenok, inale'nggen paga laago endage Anggen Mbanak Kuwak Eekwi nogo lakwi, eeko logowak o.

Wundeegwaarak 23:19

Yi mendek ndi mendek anggen iyaalok yugu abu kole obeelom kenok mban waganogo Naliku an inogoba Ala nawi wurik me pi wogo logowak o. Ndi, kambin-ndomba aagalogwe warogo lariyak kenok, inagalo elak amburu paga lariyak mage o,” yinuk, yoraawak nduk, yoreegerak ti aret.

Wundeegwaarak 34:26

Kit nen yi mendek ndi mendek anggen iyaalok yugu abu obeelom mendek kenok mban waganogo Naliku kinogoba Ala nawi wurik me pi wogo logomunggup o. Ndi, kambin-ndomba aagalogwe warogo lariyak kenok, inagalo elak amburu paga lariyak mage o.”

Yeremiya 2:3

It Iterali ti, mbi iyaalok ndarak kwak Naliku ALA nake leenak wonogwe me, It ambi nen maluk eeppiigwi iinok, Maluk aret eekotak o, yinuk, aaninggin inoba kwippiigak eeke nagagirak o,” yinuk, Aliku ALA nen yegerak me, yokkiragi o.

Yetikiyen 20:40

An nabuut alik leenak Iterali wonogo menggam abu tiyanak time it Iterali mendek abok aret an nalut eeko logogun o. Ndi, time aret nake pi wogwe iinok, nale'nggen nen wagangge logogin o. It an nake warogo wo'nugwi inom, anggen iyaalok mbanak nake pugwi inom, nake alik leenogo punuk, wo'nugwi inom, o time aret nake pi wagak eeko logorak, yoraagin o, yinuk, Naliku Nitok Minggirak an ALA nen aret yagi o.

Yetikiyen 44:30

Anggen iyaalok mbanak abu abe kero, nake pugwi, aakumi iniki ale'nggen nen yi mendek ndi mendek abok aret nake leenogo punuk, pi wogwe, eekwi nogo ti, it aap an neebe unde inamendek aret o. Nale'nggen it aakumi ugun inawi paga logowak nduk, anggen iyaalok abu abe yigirik nogo, mogonogo aa'nduk it an neebe unde wogora wogo logowak o.

Yetikiyen 48:14

It inanggween logorak mbanemenggam nogo ti, Naliku ALA nake leenogo puurak nggween abu abe me aakumi alik ineenggime ariyak mage o. Nggween ti, it nen onggo kunggologwe, onggo-onggo eekwi, eeriyak abu mage mban o.

Ala Unde 2:12

Anggen iyaalok yugu mbanogo Naliku ALA nake pi wogo logonet, anggen yigirik ragi nogo inom, nggiin amburu inom, inom punuk, nake wo'niri wogwe kenok ti, waagin aret kwe, obari abe kage logonet, niniki ale'nggen kaakit nen kani kunggo menggam kani kunggo logorak nogo mendek me nduk wo'nogo logorak ti perak, mage o.

Ala Unde 2:14

Naliku ALA nake yi mendek ndi mendek anggen iyaalok mbanak pi wogo logonet kenok ti, kani paga worarogo yigirogo punuk,

Oroma 11:16

Roti aa'nduk mbanak abe me, “Ake leenogo pugu o,” yuurak kenok, eegu nggwok pugu nogo ti kunduk, “Abe leenak aret,” yuurak op o. Ndi, eyo ero abe leenak kenok, eno'mbak ti kunduk, “Abe leenak aret,” yuurak op o.

Oroma 16:5

Ndi, it Ala apuri iname lombok kuwak eerit nogo menggaarak nogo inom keyage wappiigi o. O Atiya yi awi ndi awi time Keritut wone awo abet mbaka'lek iigak, aa'nduk abet mbareegerak nore niniki kunik Epenetut nogo keyage wappigi.

Oroma 8:23

Yi mendek ndi mendek at Ala nen wakkagagerak nogo ti, it inalik mban, “Ao,” mbakwi lek o. Ata, nit togon, Ala onggo lek we aret eeppinaniyak mbake menggerak nogo, “Eebe peebi nen eeppinaniyak,” mbaruwok nduk, Aberiniki aa'nduk aret wo'niragagerak porogo wonogwe me, peebi nineebe at apuri aret me nduk, wo'ninake logonet, ninagabolo nggonenogo mbo punuk, ngget mendek yippinanigin me, “Ao,” yinuk, tokkogo ogoorik o.

1 Korindut 15:20

Togop kwe, at Keritut kanggo menggam nen eenik agago mippulik ti lek o. Mippereegerak aret me, anggen iyaalok mbanak pogom, it kanggo menggam nen iyaalok eenik agago mippereegerak nogo ti, at aret o.

1 Korindut 15:23

Ti eeke logonet, mondok peebi-aa'nduk mippinanigin o. At Keritut ti, anggen iyaalok mbanak kwak aa'nduk eenik eerogo mippereegerak me, at peebi wage logomenggerik, apuri ninom kunik monggoorak nogo, abok aret nineenik eerogo mippinanigin o.

1 Korindut 16:2

An wage neenok, wu kuwak eerukwak, yogondak aret kit kinawu kuwak eeko logonet, tamban ambi eekak eekwi paga kinalitak lombok it inake ambit nabik ambit nabek kuwak eerogo pogo logonip o.

Pelaareegerak 16:10

at Aliku kinogoba Ala ake laago endage Anggen Iyaalok Mbanak nogo kinale'nggen paga lako logonet, Aliku kinogoba Ala nen ale'nggen kinoba pinagage logonet, kinamendek wokkiramenggerak nogo ndak-ndak kiniki nen wonok at ake we aret pi wogo logomunggup o.

Pelaareegerak 26:1

Yorage nagagerik, ambi yorage logonet, “At Aliku kinogoba Ala nen yate negen o wokkirage nogome unggwi nogo logomonggotik, o ti abu aret kolaanuk, ye mbambatinuk wonogo logonet,

Pelaareegerak 26:3

Pi nanuk, ne ti eyom paga at aap Ala unde wonage nogo yogo logonet, At Aliku ALA nen nit ninanggween wo'niroorak nduk, ninombomini inom wone abuk nggaruk togon kumbuk mbaneegwam nogome, Muk unggwi wogo nogoorik, at Aliku ninogoba Ala yi eyom paga keyage waruwok nduk wogo, yo'nu o.

Yakobut 1:18

At nen yi mendek ndi mendek wakkaakit mbareegerak nogo tebenak kagak, it aakumi mban tiyanak logowak nduk, “Aap aa'nduk obeelom eerogo piyaakit o,” yinuk, oone yereegerak nogo paga iniki mbareegerak ndak-ndak eeke logonet, aa'nduk nit aakumi aret obeelom eerogo pinaneegerak.

Yotuwa 18:1

Aliku ALA nen nggween wogoragagim tebenggo'nok wonogo logonet, aakumi Iterali wonogwe abok aret o Tilo paga kuwak eeko nogogwaarik, Ala inom lambungge menggim awooliya nogo mippereegwaarak kwe,

Wayu 14:4

It aap ti, kumi wogonakulik me, kumi inom mondok lambunulik aret menggaarak. Yi mendek ndi mendek aa'nduk mendek Ala ake pogo mengga kwak, aakumi ando iigak, it nogo mban Ala inom, at Ndomba Aagaluk inom, inake leenak logowak nduk, inonggo mbanogo inagap ndareegerak me, Ndomba Aagaluk nogo mban inom nugu menggaarak.