Pelaareegerak 26:11 - Ala Wone Peenok Peebi Mbanak

¹¹ At Aliku kinogoba Ala nen kit inom, kinom monggotak inom, yi mendek ndi mendek obeelom aret wokkirage kenok, kit inom, aap Lewi mendek inom, aap nggiru kinenggela'me wonogwe inom, abok aret kinom kiniki ale'nggen paga aret eeko logomunggup o,” yoragagerak.

Pelaareegerak 26:11 ပူးပေါင်းရင်းမြစ်များ

Nekemiya 8:10

Yorogo nogogwaarik, at Nekemiya nen, “Kit kiname nogo logomonggotik, kiniki ale'nggen paga kinambi-kinagi abe mendek nonggo logonet, ando mogonogo it aakumi ineenggi lek kenok wogoraamunggup o. O yogondak ninogoba Aliku ALA ake punik aret me, kiniki wakkolaagup o. At Aliku ALA nen kinale'nggen eeppinagage ti paga kiniki nu'lek aret logomunggup o.”

Wone Alom Kibingga 3:12

It aakumi nen alik ambi eeriyak lek ineenik wonogo logonet, iniki ale'nggen paga obeelom mban eerit nogwe ti mban abu obeelom aret kage,

Wone Alom Kibingga 3:13

aakumi inalitik-inalitak mbi nunggwi, niyo nunggwi, ndi, yabu ligak wuundamo eeppunuk, inale'nggen paga wonogwe, eekwi ti, at Ala nen mban eeppiige kage, eeke minggirak o.

Wone Alom Kibingga 5:18

Ti kage nagagirik, aap inake koonak nogo ti, inambi nunggwi, niyo nunggwi, oonegen abu'me yime logonet, nda'nogogwaarak ne kuwagaluk logorak eeppiyareegerak nogo paga iniki ale'nggen nen ligak wuundamo kuwak eerogo pakwi, eekwi ti, abu obeelom aret me, aakumi nen eeriyak ndak-ndak aret kagagirak o.

Wone Alom Kibingga 7:14

Ne obeelom logorak ari wage kenok, kinale'nggen mbakwi, Ndi, ne maluk logorak ari wage kenok perak, “Peebi ee'ninaburak nit aakumi nineenu arukwak, Ala nen ne obeelom logorak inom, ne maluk logorak inom, imbirak eerogo pinanegerak kogo o,” yinuk, liippugwi, Eeko logonip o.

Yetaya 65:14

It an nayeloman mini nogo iniki ale'nggen nen ndawi wako logonet, keekok yogo logogun kwe, It perak, iniki aaninggin ndugu aago logonet, inoone nggwok paga le yogwe, iniki wakkologo logonet, leenggu maakwi, Eeko logogun o.

Takariya 9:17

Ti aago logogun nogo ti, abu abe kigirikwe lombok me, iya! Gandum nunggwi paga inapuri wologwe mbet-mbet tawe ogwe, Anggur amburu ngget toolak nunggwi paga inapuri komologwe inagabolo piyok togon tawe ogwe, Eerugun o.

1 Korindut 9:11

Togop ndak-ndak, nit nen Ala wone nogo kinikime awi yappinagareegurak me, yogondak anggen yugu kit kinamendek ando nit wo'niroorak meek nduk yogo ogotik?

Pelaareegerak 12:12

Pi nogo logonet, kit inom, kinapuri wologwe-komologwe inom, kinayeloman kumi-aap inom, aap Lewi mendek yate kokwak nggween mbanak ambi unde arugun lek kinenggela'me kinom logomunggup nogo inom, abok aret at Aliku kinogoba Ala enggaanom kiniki ale'nggen paga aret eeko logomunggup o.

Pelaareegerak 12:18

Ata, kit inom, kinapuri wologwe-komologwe inom, kinayeloman kumi-aap inom, it aakumi Lewi mendek kit kiname kinom logowam inom, abok aret at Aliku kinogoba Ala nen, An wonage me yime mban nendage tiyappogo logowak o, yinuk, o leenogo patemenggim time nen mban, Yi mendek ndi mendek nineenggi paga eekwi niigak, at Aliku ninogoba Ala nen obeelom eeppinanegerak me, yinuk, at Aliku ALA enggaanom paga kiniki ale'nggen paga nonggo logomunggup o.

Pelaareegerak 12:7

At Aliku kinogoba Ala ale'nggen kinoba pinagage kagak, yi mendek ndi mendek kineenggi paga nen eerumonggotak nogo obeelom eerigin me, at Aliku kinogoba Ala enggaanom paga time nen kinakuwi-kinapurilogwe kinom kiniki ale'nggen paga nonggo logomunggup o.

Pelaareegerak 16:11

Pi wogo logomonggotik, kit inom, kinapuri wologwe-komologwe inom, kinayeloman mini kumi-aap inom, aap Lewi mendek kinawi kota kinom logogun nogo inom, aap nggiru inom, elege moono inom, kumi nanu kinom logomunggup nogo inom, abok aret at Aliku kinogoba Ala nen, O yime nen mban nendage ki logowak o, yinuk, leenogo patemenggim at enggaanom paga time nen kinale'nggen paga laago lako logomunggup o.

Pelaareegerak 27:7

Ala inom lambunik logowak nduk, ake puurak mendek inom, kani kunggak obaga punuk, kiniki ale'nggen paga at Aliku kinogoba Ala enggaanom paga taati nen kinambi nonggo logomunggup o.

Pelaareegerak 28:47

At Aliku kinogoba Ala nen yi mendek ndi mendek kalo logonogo wokkiramenggerak obeelom mban wonogo logonet, Ninogoba Ala eeppinanege me, wa, yinuk, kiniki ale'nggen nen ayeloman logonet, At ake eeriyak nineebi o, yogwe kiinok,

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.