Pelaareegerak 26:10 - Ala Wone Peenok Peebi Mbanak

¹⁰ Togop aret me, Kaliku ALA nen ninanggween wo'niragagindak nogo paga yi mendek ndi mendek awi yako nogoorik, anggen iyaalok yegerak mbanogo kat wokkiriyak nduk, wonok pi wogo o, yinuk, Aliku ALA yogo logomonggotik, anggen mbanak yonggolak nogo waganogo at Aliku kinogoba Ala enggaanom paga pogo logomonggotik, kinendobanggun yindumbunuk, alut eerumunggup o.

Pelaareegerak 26:10 ပူးပေါင်းရင်းမြစ်များ

Wayu 22:9

at nen an yo'nege logonet, “Togop eerugun o. It koreewi Ala nen yorage kagak yoraga inom, it wone liiru mbanggendak liippunuk mugurok nogo logomenggaarak nogo inom, kat inom, an kit pogom Ala ayeloman aret me, Ala mban alut eeke logot o,” yinuk, yo'negerak.

1 Korindut 10:31

Kinambi nunggwi, kinagi nunggwi, yi eekak ndi eekak abok aret eeko logonet, Ala endage tiyappuurak nduk mban eeko logonip o.

Oroma 2:1

Togop me, noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologo ogotik o.

Yetaya 66:23

Aliku ALA nen, “Tut ngget ambi penenggak eeke, nogo 6 yippunuk, ko'lu yonggonggologwe nogo ari wagak eeke, eeke kagak, it aakumi abok aret nabu'me tebe yi wa'nuk, nayuk wuko logogun o.

Kini Wuppiige 3:9

Kat kamendek kiniki kundugu paga, Kamendek iyaalok yugu anggen mbanak paga, Aliku ALA endage tiyappege logot o.

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

Ndawi 86:9

Nogoba o. Kat Ala kalik aret wonage, Abu nggwok lombok wonage, eerubok mendek eeke, Eeke menggendak me, Yi aakumi ndi aakumi ogobakkigirogo piyareegindak nogo Abok aret wogo logomenggaarik, Kat kabu'me tebe yinuk, kalut eekwi, Kat kendage kunogo tiyappagit nugwi, Eeko logogun o.

Ndawi 22:29

It aap ineenggi warak o nggween paga wonogwe yi, Abok aret inambi ndonggorogon nenok kalut eekwi, It aakumi kambak mendek inom, It ineenik ambinom logorak meek mendek inom, Abok aret kabu'me tebe yi unggwogwe, Eeko logogun o.

Ndawi 22:27

Kaliku ALA yi o ndi o unde wonage, Yi aakumi ndi aakumi abok aret Wone lengganogo yorage, Eeke menggendak me, It aakumi o irip-irip menggaarak nogo Kaliku ALA koba abeppunuk, Melak togon kowagam wogwe, Yi aakumi ndi aakumi inanebunu lombok kat kabu'me tebe yi wa'nuk kayuk wukwi, Eeko logogun o.

1 Mbinineegwaarak 29:14

An inom, aakumi an napuri yi inom, niniki nen yi mendek ndi mendek ninili yuulik iya negen wokkogoorak yi, nit meek aret niigak kwe, kat wokkiruwok nduk, eerogo pinanggendak o. Yi mendek ndi mendek abok aret kat nen wo'nirage menggendak me, kat kamendek aret wokkogo o.

Pelaareegerak 26:4

Yogwi kiinok, aap Ala unde nogo nen muun yarak me anggen mbanak yonggolak nogo kineenggime nen wagangge logomenggerik, wonok at Aliku kinogoba Ala ake pogo menggam eyo ndoonak enaame paga pi nawak o.

Pelaareegerak 26:2

at Aliku kinogoba Ala nen kinanggween wokkirage ti paga yi mendek ndi mendek awi yarumonggotak anggen iyaalok yemenggerak nogo mbanogo muun yarak me yonggologo punuk, wonok at Aliku kinogoba Ala nen, An wonage me yime nen mban nendage tiyappogo logowak o, yinuk, o leenogo patemenggim nogome pi nogo logomunggup o.

Wundeegwaarak 22:29

It nen mbi iyaalok ndarak inom, amburu anggur iyaalok toolak inom, Yi Ala ake aret o, yinuk, pogo logomenggaarik, iname elaambirik porogo logorak mage o. Inapuri manggu ndarak nogo nake leenogo panugo logowak o.

Wundeegwaarak 23:19

Yi mendek ndi mendek anggen iyaalok yugu abu kole obeelom kenok mban waganogo Naliku an inogoba Ala nawi wurik me pi wogo logowak o. Ndi, kambin-ndomba aagalogwe warogo lariyak kenok, inagalo elak amburu paga lariyak mage o,” yinuk, yoraawak nduk, yoreegerak ti aret.

Pelaareegerak 8:18

kineenggi warak logomunggup nduk, at Aliku kinogoba Ala nen eerogo pinagage nogo paga kinombomini inom wone abuk nggaruk togon kumbuk mbanogo yoragagerak nogo aberak mban logonet, omaawi eerogo puwak nduk, yogondak yi paga eeppinagage ndak-ndak aret eeppinagagin me, at Aliku kinogoba Ala paga mban aberak logomunggup o.

Kini Wuppiige 10:22

Aliku ALA ale'nggen inoba piige paga it aakumi ineenggi warak ogo menggaarak o. Ndi, eeppiige logonet, aaninggin-paaninggin kaawak nduk, inom eeppiigeelik o.