Pelaareegerak 24:8 - Ala Wone Peenok Peebi Mbanak

⁸ Kinagabolo paga kinawin aaga'ne nogo mendek eekkinake kenok, eeko logorak wone an nen it aap Ala unde Lewi mendek yoragagirak mamunggirogogwaarak nogo, mondok liippunuk aret eerit nogo logomunggup o.

Pelaareegerak 24:8 ပူးပေါင်းရင်းမြစ်များ

Yeremiya 33:18

ndi, it aap an nenggaanom paga nake warogo kani kunggwi, gandum yigirik nake pugu nogo kani kunggwi, ndomba-tapi nake warogo wo'nugwi, eeko menggaarak nogo aap alik lek it an neebe unde Lewi paga wiganak nogo nen mban eekwi, eeko logogun, yegerak o,” yinuk, an yo'negerak ti aret.

Ala Unde 13:57

Ndi, yi mendek ndi mendek nogo paga ku'lu eerak nogo ambinom arit nage kenok ti, ku'lu aago nogo mendek aret endak wa'nage me, yum nogo tigitogon kani nawak nduk, kumbuwak o.

Ala Unde 14:14

Ndi, aap an neebe unde nogo nen, aap eebe maluk aremenggerak obeelom eerogo puurak onggo an nake pi woramenggerak amiya nogo we mbuuluk wagangge logomenggerik, aap nogo aruk alom abeme labunogo pege, eenggi iyagalo abeme inom, iyok iyagalo abeme inom, labunogo pege, eeruwak o.

Ala Unde 14:2

“Aap ambi awin aaga'ne mendek oba age logomenggerik, lek age kenok, aap an neebe unde inowagam pi nogwe iinok, aap inagap ki wonogwe me nege logowak nduk, eeko logorak wone nogo yi aret o.

Matiyut 8:4

Lek aret age mbareegi, Yetut nen at yoge logonet, “Aakumi abu yoraagun o. At Ala unde nogo nen keebe pekkeyaawak nduk, owagam nak o. An obeelom eekkakirak me, Muta nen, Ala ake ndogop puurak o, yereegerak nogo ti, pege keyaawak nduk, pi nak o,” yinuk, yoreegerak.

Lukat 17:14

Yogo mbareegwa, Yetut enegen pegiige nagagerik, “It aap Ala unde nen inigen kiyaawak nduk, kineebe nigiya nanip o.” Yorage mbareegi, it nogo, nogwe iigak, inawin obeelom agagerak.

Lukat 5:14

Lek aret age mbareegi, at Yetut nen, “Aakumi abu yoraagun o. At Ala unde nen keebe pekkeyaawak nduk, owagam nak o. An obeelom eekkakirak me, at Muta nen, Ala ake ndogop puurak o, yereegerak nogo, pege keyaawak nduk, pi nak o,” yinuk, aruk warogo nappereegerak.