Pelaareegerak 24:6 - Ala Wone Peenok Peebi Mbanak

⁶ Yorage nagagerik, ambi yorage logonet, “Aap ambi wu ngginogira wage kenok, wogogo logonet, Nawu obaane'me pegak kamendek kolagak woraanok o, yinuk, gandum anggen aambiranogo menggaarak yugum ti mendek paga at eerogo nengge menggerak me, yugum abena-ogombaga imbirak ilik, ogombaga wonage nogo mban a, woorak mage o.

Pelaareegerak 24:6 ပူးပေါင်းရင်းမြစ်များ

Wakkagagerak 44:30

Togop aret yo'niragaarak me, ninogoba o. Wulaga ninom lek an noreewi ninom ninalik mban kayeloman ninogoba wonage me ka nogwe niinok, at iniki panggonak aput yi aret me,

Ayup 22:6

Alom lek kagak, kat nen, Ambi nabenggolaakit, mba'nuk, Kore kawu wogoge logonet, amendek wagangge, Aap ineenggi lek inayum wagangge logonet, inagap mbelanak teppiige,

Matiyut 24:41

Ndi, kumi mbere imbirak mbi worakwi me, ambi wagangge, ambi teppege, eeke kaamunggup.

Lukat 12:15

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Pelaareegerak 20:19

o kota ambime tebenggolaamunggup nduk, inawi paga kwi'narumonggotak kinom wim eerit nogwe kiigak, elaambirik eerit nogo logonet, eyo-kale ti, anggen yege kenok, kit aret nonggo logorak me, aakumi inooru pogom, eyo ti muurogo puurak op mbakop? Lek aret me, muurogo pugwi, ye mbuti paga eno'mbak pendenogo wurabit wogwe, eeko logorak mage o.

Pelaareegerak 24:5

Aap ambi akweeluk awo aret wamenggerak kenok, wim eeri nogwe me, Kinom eeri nak o, yogwi, yabu aaninggin warak mendek ambi oba pugwi, eeriyak mage o. Ata, at akwe imbirak ame logonet, yi mendek ndi mendek koongge, akwe iniki ale'nggen mbaruwak nduk, eeppit nage, eeke logowak nduk, tahun ambit paga teppogo logowak o,” yoragagerak.

Pelaareegerak 24:7

Aap Iterali mendek ambi nen at oreeluk kagak kumaappunuk, ayeloman eekkolage, onggo nggerenggolage, eeke kenok, aap ti mondok warogo pogo logowak o. It aap maluk ti mendek eekwi iinok, kinenggela'me inenggaawak lek eerogo piigo logomunggup o.

Wayu 18:22

Kit o Mbaben monggotak yi, It aakumi inanebunu lombok abok aret iya kinombaruwak nduk, tili paganit nogo logonet, nomoniren nogwe, Ndi it Ala apuri alik leenak inom, Ala nen yorage kagak yoraga inom, nogo inamiya nunggwi, Yi aakumi ndi aakumi nggween paga menggaarak abok aret inoorogo piinok, inamiya nunggwi, Eekwi nogo, Ala nen kiyareegerak me, Mbuti luu'ngget inom, nggawiiwak luu'ngget inom, nggitat inom, oone nggwok eeka trompet inom, O kota time nen oone eerit nogwe konenggo nogotak nogo ambinom konenggwi, Yi aap ndi aap nen yi mendek ndi mendek ineenggi paalo eerogo patit nugwi, Gandum yigiko logonet, inale'nggen paga inoone agan nugwi, Kwe amili lako logonet, inale'nggen nen noone-koone yogwe, Eerit nogo logonet, inoone konenggwi, Eekwi nogo abok aret ambinom eerit nogo logogun mondok lek o. Ndi, o kota nggwok me, ndi ambik wunuk agan nage nagaarak nogo yogondak ambiriluk ambi wunuk agan nage kogo logogun mondok lek o,” yinuk, ari naruk konenggirak.