Pelaareegerak 24:2 - Ala Wone Peenok Peebi Mbanak

² oome nogome nen wundi nage logomenggerik, aap alik ambi wamenggerak imbirak logonet,

Pelaareegerak 24:2 ပူးပေါင်းရင်းမြစ်များ

Yetikiyen 44:22

It nen kumi nanu pugu inom, aap nen kumi mbo piyamenggaarak inom, wogonako logorak mage o. Ata, komologwe aap kigin wogonaka'lek Iterali paga wiganak kenok ilik, it aap an neebe unde inakuwi nanu piyamenggaarak kenok a, ti mban wogonako logowak o.

Ala Unde 21:14

Kwe nanu pugu kenok, kwe mbo pugu kenok, kwe agap ale aago kenok, kwe ya wukak kenok, at koloorak mage o, yugu nogo kagak kumi ti mendek kolage kenok, owe-awot nogo nen at apurilogwe paga inombako logonet, Mage yugu kagak waganggerak apurilogwe nogo yi o, yinuk, ineebi inombako logukwak, kumi ti mendek koloorak mage o. Ata, at anebunu mendek inapuluk kolaga aap kigin waka'lek kenok mban kolage logowak o. Maluk eeka'lek obeelom mban logowak nduk, leenogo pege minggirak Naliku ALA nen aret yagi o, yinuk, yegerak, yoret o,” yoreegerak.

Ala Unde 21:7

It aap an neebe unde ti, maluk eeka'lek abu obeelom inogoba Ala an nake leenak aret me, kumi ya wurinakak kenok, kwe agap ale aago kenok, kwe mbo pugu kenok, it aap an neebe unde nen wogonako logorak mondok mage o.

Ala Unde 22:13

Aap an neebe unde apuluk kolaga ambi aagaluk awo ndaka'lek kagak, nanu pugu ilik, ogonggelo nen mbo pemenggerak a, at ogoba an neebe unde nogo ka wage kenok perak, kolaga awo tawe wonagaarak togop nogo aret ogoba imbirak wonage me, at ogoba an neebe unde nen mbi nake pugu ti, magariyak op aret kwe, aakumi we ugun mendek ti perak, magaroorak mage o.

Linggineegwaarak 30:9

Kwe nanu pugu ilik, kwe mbo pugu a, nen, Ndogop eerikit o, yinuk, kumbuk mbangge ilik, Abet aret eerigin o, yinuk, wone abuk nggaruk togon koonogo pege a, eeko logomenggaarik kenok ti, lek ariyak lek me, wone ti, eeko logowak aret o.

Matiyut 5:32

an nen perak, Aap ambi akwe aap alik nen wuka'lek kagak mbo pege kenok, kwe nogo aap alik ambi nen kundugume wuruwak nduk eeppege me, maluk eeke ti aret o. Ndi, aap ambi nen kwe mbo pegetak nogo wagangge kenok ti, kwe kundugume kagak aret wagangge me, maluk eeke ti aret o,” yinuk, yoragagerak.

Marakut 10:11

Eegwa'me waganggo mbareegwa, Yetut nen it yorage logonet, “Aap ambi nen kwe mbo punuk, kwe alik ambi wagangge kenok, akweeluk aa'nduk mendek nogo mbabi agago mbo pege o.

1 Korindut 7:15

Ndi, at ambi iniki abet mbaka'lek nogo nen, ore iniki abet mbareegerak nogo mbo puurak mbake kenok ti, iniki abet mbaka'lek nen, “Mbo pikit,” koonggerak me, obaalombok koonuwak nduk mbo pinip o. Ndi, kwe ilik, aap a, mbo pugu nogo ti, Ala nen iniki ambit ale'nggen paga lambunik logorak mbareegerak kwe, lambunik logorak meek kenok, inalitak logorak op aret o.

Pelaareegerak 24:1

Yorage nagagerik, wone ambi aakumi Iterali yorage logonet, “Aap ambi nen kwe ambi wagangge logomenggerik, imbirak logonet, at kwe nogo nen aap nogo enggali aruwak nduk yuurak lek mendek ugun agan nage ogonggelo nogo kage logomenggerik, kwe nogo mbo pikit nduk, liiru mbanogo kwe nogo eenggime punuk, ame nen wumbege kenok,

Pelaareegerak 24:3

aap peebi wamenggerak nogo nen, Kwe kat neebi o, yinuk, mbo pikit nduk, liiru mbanogo kwe nogo eenggime pege logomenggerik, ame nen wumbege kenok ilik, aap nogo kangge kenok a,