Pelaareegerak 23:3 - Ala Wone Peenok Peebi Mbanak

^3-5 Kit o Metit nen it aakumi Amon mendek inom, Mowap mendek inom, it wonogo menggam tu ti paga wogwe me, mbi inom, niyo inom, wokkira wundi noorak op aret kagak, aap Petot awi Aram-Metopotamiya mendek endage Mbeyot aput Mbileyam nen kugi pulunogo pinagawak nduk, onggo wogogo mbareegwa, eeri wagagerak kwe, at Aliku kinogoba Ala nen kit kinabuwa mba'nuk, at Mbileyam kugi pulunogo pinagareegerak nogo aruk konenulik melak togon ale'nggen kinoba pinagareegerak me, it aap Amon mendek ilik, Mowap mendek a, it ineebe inom, inapuri ndarak nen nugwa inombowologwe nda'narit namenggaarak 10 kuli ari namenggerak nogo inom, abok aret kit Aliku ALA apuri kuwak eekwi me, it kinom kuwak eeri unggwogo logorak mondok mage o.

Pelaareegerak 23:3 ပူးပေါင်းရင်းမြစ်များ

Nekemiya 13:23

Ndi, ne ti eyom paga mban it Yakuri mendek nen kumi Atorot mendek inom, Amon mendek inom, Mowap mendek inom, wogonakwi,

Nekemiya 4:3

Ari mbareegi, at imbirak wonagagerak aap Amon mendek Tobiya nen ari logonet, “It yugum paga pak wukwi ti, nggeewo mba'ngge obaga mbo lagangge logonet, mbaanggage kenok, langguk togon eerogo pigin nogo lek a?” yinuk, yogogwaarak.

Nekemiya 4:7

Pi laganggo mbareegu, at Tambalat inom, Tobiya inom, it aap Akap mendek inom, Amon mendek inom, Atorot mendek inom, nen, “O Yerutalem pak obaane'me wurit laganggo logonet, woonik logwe abok aret nggilik-nggelok narogo pit nogo agaarik o,” yogwe inaruk konembunuk, inanini alik negen agagerak.

Yetaya 56:3

It aap inambik ambi Aliku ALA apuri inom agagerak nogo nen ari logonet, “Aliku ALA apuri ninom kuwak eeke neenok, Mage, yo'nirigin mbaki o,” yinuk, ari, Ndi, it aap inooli wogo ambi nen, “An eyo mbuk kwak aret agarik o,” yinuk, ari, Eerugwaarik o.

Yeremiya 49:1

It aakumi Amon mendek eeppiyoorak wone yi aret. At Aliku ALA nen ari logonet, “It Iterali inapuri ambi wonogwe lek a? Inogobamini ineyate koloorak ineebe ambi wonogwe lek a? Wonogwe iigak kwe, nonggop nduk, kugi Milikom nen it Nggat mendek inanggween unde eeppunuk wonage, Ndi, it Nggat mendek iname kota-kota at apuri nonggop nduk, ye mbambatinuk wonogwe, Eeko agaarik o?” Yinuk, yegerak.

Leendawi 1:10

Awim nen amendek obeelom iniki kundugu nogo waganeegwaarak o. Kaliku ALA nen, “Nawi wurik abu leenak nogome aakumi ugun ungguurak lek an napuri nen mban unggwi nogo logorak,” yereegindak kagak, Yi aakumi ndi aakumi endekem mendek nen unggwi nogwe enegen iyareegerak o.

Matiyut 5:43

Yetut nen wone ambinom yorage logonet, “It kinom monggotak kiniki kunik eeginakwi, ndi, kinom ogoorak monggotak kenok ti, kinanini agaket eeppiigwi, eeko logonip o, yinuk, yogo nogogwaarak nogo kit muk kinaruk koneneegutak kwe,

Pelaareegerak 23:2

Aap ugun terak ndarak kenok, at inom, apuri ndarak nen nugwa ombowologwe nda'narit namenggaarak 10 kuli inom, abok aret Aliku ALA apuri kuwak eekwi me time inom kuwak eeko logorak ti mage mban.

Urut 4:6

Yoge mbareegi, aap kwe Urut awone koonogo onggo mbaniyak kin wokkage nogo nen ari logonet, “Togop kenok, an lombok neyate nogo paga wone ambi age kero, an kuniyak meek me, kat aret kunu o,” yoreegerak.