Pelaareegerak 22:1 - Ala Wone Peenok Peebi Mbanak

¹ Yorage nagagerik, ambi yorage logonet, “Ne ambi paga kinore ambi aanggo tapi ilik, ndomba a, kobak aremenggerak kinigen kogo logomonggotik aret kwe, kineenggo'lek mbakak, Koolik o, yinuk, yuurak ti mage o. Ata, ndomba kobak aremenggerak nogo wonok kinore aanggo unde nogo aret wogori nogo logomunggup o.

Pelaareegerak 22:1 ပူးပေါင်းရင်းမြစ်များ

Kini Wuppiige 24:11

Maluk eeka'lek iigak inoorogo piyaawok nduk, wogoren nogwe nogo ti, wondet eerogo piige, Inenggaawak lek eerogo piyoorak eekwi ti, inagap ndake, Eeke logot o.

Kini Wuppiige 27:10

Kat kore ilik, kogoba ore a, mari eerogo mbo pege, Ndi, aaninggin koba kwi'nage kenok, koreeluk ame nage, Eeriyak mage o. Kore nda wonage me, ka noorak ti meek aret kwe, at kimbirak koorok menggendak ka ungguurak perak op o.

Kini Wuppiige 28:27

Aap ambi nen it aap ineenggi lek nogo amendek wogorage kenok, amendek lek arigin lek wonage mban menggerak kwe, Aap ambi nen aap ineenggi lek nogo enegen iige kwe, wogoroorak eebi mbake kenok perak, pulunik aret wonage menggerak.

Yetaya 58:7

It aap inambi abu wonogwe iinok, inambi magarogwe, It owunik nugwi iinok, iname wogoren piya unggwogwe, It inayum yirik lek inagabolo kin nugwi iinok, inayum yippiigwi, Aap it mendek iinok, ineebe kumaa'naga'lek wogonakwi, Eeko logorak nogo ti, Inambe mage negen logonet, eeko logorak koonogo pereegirak ti aret nogo lek a?

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

Yetikiyen 34:16

It lek ogwe iinok, an nen kwaarinake, kobak aago nugwi iinok, wogoren piya wage, inawinde-inobaande aago iinok, nggerembiige, inomaawi lek iinok, inomaawi eerogo piige, eeke logonet kwe, ineeruwak anen pera-pera aago inom, inomaawi ambik wonogwe inom, ti lek eerogo piyaagin o. Nandomba unde wogonake logonet, it inobaabut eekwi ndak-ndak eeppiige logogin o.

Yetikiyen 34:4

It ti eeko logonet, inandomba ineebe ndeyak kenok inomaawi eerogo piigwi, ineebe andi kenok obeelom eerogo piigwi, inawinde-inobaande aago kenok nggerembiigwi, kobak agaatak wonogwe iinok wogoren piya wogwe, ineebe lek ogwe iinok kwaarinakwi, eeka'lek mbo piinok, inanini paga eeppiigwi, iniyok konden aan lebenogo piigwi, eeko logonet, ndegeninako menggaarak o.

Ala Unde 20:4

Ndi, aap apuluk ambi kugi Molok ake warogo wogoremenggerak nogo oreewi nen waka'lek tebenogo teppugwi iinok,

Takariya 7:9

Yo'nereegerak nogo it aakumi yorage logonet, “At Omaawi Lombok Menggerak Aliku ALA nen yegerak nogo yi aret. Eekaatak a'me nggelok mban eeppiigwi, it mban-mban nabuwa-kabuwa eekko'net nogwe, eeko logowak o.

Matiyut 10:6

Ata, it aakumi Iterali mendek ndomba kobak ogogwaarak pogom wonogwe nogo mban iya nanip o.

Matiyut 15:24

Yogo mbareegwa, Yetut nogo nen, “It aap Iterali mendek ndomba kobak ogogwaarak pogom wonogwe nogo mban iya nawak o, yinuk, at Ala nen nappani wagagerak o.”

1 Korindut 9:9

“Lembu nen iniyok paga gandum anggen mbelanit nage kagak ando nunggwi iyo, inambe keele maarogo piigo logorak mage o,” yinuk, Ala nen wone Muta yoreegerak liiru mbanak wonage nogo ti, Ala nen lembu mban abuwa mba'nuk, yereegerak ilik,

Pelaareegerak 22:2

Ndi, kinore aanggo unde ti, awi ndaanda wonage kenok ilik, eebe kineenggo'lek kenok a, aanggo nogo waganogo kiname mambunuk wonogwe me, aap ti, kwaakko'net wage kenok, wogogo logomunggup o.

1 Peterut 2:25

Kit aa'nduk ndomba kobak aago kwak ugun nugu nogogutak kwe, yogondak nen at kinarum wake, ndegengginake, eeka nogo abu'me logobagip nduk, ka wogogutak o.