Pelaareegerak 20:3 - Ala Wone Peenok Peebi Mbanak

^3-4 Kit nowe-nawot Iterali mendek yi wae. Kinaruk logonip o. Kinawim tebenogo piinok, kineegin tiyak yuwak nduk, at Aliku kinogoba Ala lombok kinom nage logonet, yeenggwa kiraagin me, kinawim kinom perenggologo logonet, kiniki lek-lek eekkinake, kinagabiti mbakwi, kinaganak nuk-nuk eekwi, it ineebe paga kiniki a'nggan wo'nage, eeriyak mondok mage o, yinuk, yokkiraawak o.

Pelaareegerak 20:3 ပူးပေါင်းရင်းမြစ်များ

2 Mbinineegwaarak 32:8

At iyo'me agaarak ti, we aakumi aret o. Ndi, nit niniyo'me agaarak perak, Aliku ninogoba Ala aret me, at nen aret yeenggwa nirage, at nen aret nit nineegin tiyak yuwak nduk, eeppinanege, eerigin o,” yinuk, at Yekura inowe endagembogut Kitikiya nen yorage kagak, aakumi nogo nen, “Ti kenok, nit eeriyak op aret kogo o,” yinuk, iniki kwi'nagagerak.

Ayup 23:16

Ala nen niniki lek-lek eerogo panege, At Omaawi Lombok Menggerak nogo nen namineeri ne eerogo panege, Eeke logonet,

Ndawi 3:6

Togop me, Aakumi ineenggi linggininaburak meek aago Neeben peenok-peenok wanggeppaninuk wonogwe kwe, It paga nagabiti mbake lek o.

Wundeegwaarak 14:13

Yogo mbareegwa, Muta nen it yorage logonet, “At Aliku ALA nen nonggop agago kinagap ndarigin nogo yogondak aret kinigen kaamunggup me, kinagabiti mbaka'lek kiniki kwippunuk logonip o. It aakumi Metit mendek yogondak kinigen iigwi ti, peebi nen kinigen iyaamunggup mondok lek o.

Yetaya 28:16

At Aliku Itok Menggerak ALA nen yegerak yi aret. “An nen ogowa pugu mondok nu'lek logowak nduk, Yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, iniki yungguppegak eeke logogin lek o.

Yetaya 7:4

Kinom lambumbunuk wone yoriyak nogo yi aret. Kani arowa mbere ka'luk ndi wuke kwak aap Eretin awuri aap Aram mendek inom, aap Eremaliya aput nogo inom, inanini mbakwi paga agabiti nen iniki lek-lek eeke ti mage o. Ata, iniki nu'lek eeppunuk ogogumbuk logowak o.

Linggineegwaarak 14:9

Togop aret me, kit nen at Aliku ALA kineebi-kineeba yogwi, it aakumi time wonogwe nogo paga kinagabiti mbakwi, eerugup o. It inagugi inomaawi wogorogo menggaarak nogo teppiinok mbaganggwi iigak, nit perak, Aliku ALA ninarum wonage kagak, aakumi ti, ninambeme yonggorinabugun me, it ineebe paga kinagabiti mbarugup o,” yinuk, yorogogwaarak.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Matiyut 10:31

Towe yiluwe mbuulogwe apit-apat ti, iniki kundugu lek negen, ndi, kit perak, iniki kundugu nggwok lombok kinombake me, kinagabiti mbarugup o,” yinuk, yoragagerak.

Matiyut 8:26

Yogo mbareegwa, Yetut nen, “Kit kiniki liirogon abet nombaka'lek monggotak yi, nonggop nduk kinagabiti yogo ogotik?” yorage nagagerik, mi'na'nuk, o wiya inom, yi kilaarak-mogonik eeke inom, mberege mbareegi, abolok abu lek puk aret agagerak.

Marakut 16:18

waalo muuru ineenggi pigaganggwi, magagirak labunik namenggaarak kwe, kangga'lek aret wonogwe, kugi andi iinok, inanobak ineenggi pippiinok obeelom eeginakwi, eerit nugu logogun o,” yinuk, yoragagerak.

Marakut 16:6

at nogo nen, “Kiniki ma'narugup o. Yetut awi Nataret mendek eyo paga nabenogo pegaarak nogo, kit kinigen kaawok nduk wogotak kwe, eebe yime lek o. At muk eenik a'nuk, mi'nagaarak o. Eebe warak pegam a'lip mban yi kaanip o.

Nappiigak 27:24

Pawulut wae. Kagabiti yugun o. Kat Kayitat owagam aret mi'narumunggun me, Ala kabuwa nen kinom yiiro paga wonogwe yi, kat paga abok inagap ndarigin o, yinuk, yo'negerak me,

Pelaareegerak 1:21

at Aliku kinombomini inogoba Ala nen yokkiragagerak nogo ndak-ndak, at Aliku ninogoba Ala nen ninanggween muk wo'niragaarak kagi, yinuk, unde eeppatinuk logomunggup nduk, noorak me, kinagabiti mbakwi, kiniki yungguppegak eekwi, eeriyak ti mage o.

Pelaareegerak 20:1

Yorage nagagerik, ambi yorage logonet, “Ne ambi paga kinawim kinom wim eekwi kiinok, at Aliku kinogoba Ala o Metit nen wokkiren wundi wagagerak nogo nen yeenggwa kiraagin me, it inaguda-inanggweendo inom, aap ineegin warak kit ndak-ndak lek it ineebe ambik lombok aago inom, kinigen iigo logomonggotik, ineebe paga kinagabiti mbariyak ti mage o.

Pelaareegerak 20:2

Kinom wim namburiyak nduk, eekwi kiigak, aap Ala unde ambi aa'nduk ari nanuk, wone yokkirage logonet,

1 Tetalonika 5:15

Maluk onggo-onggo eekwi iyo, liippiigo logonip o. Kit-kit inom, it aakumi abok inom, obeelom mban eekak yuwak nduk, liippogo logonip o.

1 Timotiyut 6:12

Nit abet mba'nuk mugurok nogwe nogo, kat kunduk mugurok nage logonok nduk, mondok wakkagak eeke logot o. Ndi, keenik mondok logonok nduk, kayonggo pege mbareegi, kat abet mbareegindak aakumi ambik inenggaanom paga paganeegindak nogo, nggirik-nggerok agago porogo logot o.

Yotuwa 23:10

At Aliku kinogoba Ala nen wone koonogo yokkiragagerak nogo ndak-ndak, kit wim eekwi me, at Aliku ALA nen yeenggwa kirage kagak, aap ambit nen aap ineebe seribu aret mugogo wumbiyaagin o.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.

1 Tamuwen 17:32

Wiige mbareegi, Ndawut nogo wage nagagerik, Tawun yoge, “Nit Iterali mendek nen aap Pilitin mendek ti, eebe paga niniki ma'nariyak lek o. An kayeloman nen aap ti, nimbirak nambukkola naakit o.”