Pelaareegerak 20:1 - Ala Wone Peenok Peebi Mbanak

¹ Yorage nagagerik, ambi yorage logonet, “Ne ambi paga kinawim kinom wim eekwi kiinok, at Aliku kinogoba Ala o Metit nen wokkiren wundi wagagerak nogo nen yeenggwa kiraagin me, it inaguda-inanggweendo inom, aap ineegin warak kit ndak-ndak lek it ineebe ambik lombok aago inom, kinigen iigo logomonggotik, ineebe paga kinagabiti mbariyak ti mage o.

Pelaareegerak 20:1 ပူးပေါင်းရင်းမြစ်များ

Wakkagagerak 26:3

Nggween yi abok aret wokkirigin o, yinuk, kumbuk mbanogo kogoba Abarakam yoreegirak nogo a'me lik yuwak nduk, kat kapuri ndaganabemenggendak kinom wokkiraagin me, kat aap nggiru negen yime aret logot o. Wonage keegak, an nimbirak aret logonet, nale'nggen koba pagage logogin o.

2 Mbinineegwaarak 14:10

Ari wa'nuk, ena koonogo pereegwaarak wonogwe me, aap Ata nogo awuri inom nen it inom wim eeruwok nduk, o Mareta koorok kobappaga Tepata nogome ena kooni nogogwaarak.

2 Mbinineegwaarak 14:11

Ena koonogo punuk, Ata nen Aliku ogoba Ala yoge logonet, “Kaliku nogoba Ala o. Aap inomaawi ambik nen inomaawi lek nogo tebenogo piyoorak nduk, eekwi iinok, yeenggwaarage menggendak kat kokwak ambi wonogwe lek kalik aret me, niniki kat paga panggombunuk, kat kendage paga it aap ineegin warak ineenggi lingginiyak meek aago yi, ninom wim eerugun me, eekwi niigak, Kaliku ninogoba Ala yeenggwa nirage logot o. Kat Kaliku ninogoba Ala aret me, kat nen mbake logonet, Aap nggween paga mendek ambi nen an tebenogo paniyak op aret, mbariyak ti mage o,” yinuk, tamban eereegerak.

2 Mbinineegwaarak 20:12

Kat ninogoba Ala nogo lek a? It ineegin warak mondok alik negen aago ninoba kwi'nari unggwi woroorak eekwi yi, nit ninomaawi paga it eeppiyoorak meek me, kat nen aaninggin inoba kwippiyet o. Nit nen eeppiyoorak meek kenok, kat mban ninigen pekkeego o,” yinuk, tamban eereegerak.

2 Mbinineegwaarak 20:15

“Kat nowe kendagembogut Yotapat inom, kit o Yekura monggotak inom, o Yerutalem monggotak inom, at Aliku ALA nen wone yokkiragaarak yokkirage me, kinaruk logonip o. It aap wim eeka alik negen aago yi, kit kinom wim eerumunggup lek Ala nen aret it inom wim eerigin me, ineebe paga kinagabiti mbakwi, kinomanggen tayok ari, eeriyak mage o.

Ndawi 118:6

At Aliku ALA nimbirak wonage me, aakumi nen an eeppaniyak mbakwi iinok, An nagabiti mbarigin lek o.

Ndawi 20:7

It ando inanggweendo paga iniki panggombugwi, It ando inaguda paga iniki panggombugwi, Eeko menggaarak kwe, Nit perak, niniki Aliku ninogoba Ala oba panggonak ogoorik o.

Ndawi 23:4

An tu nggelo'me o apit paga nage neegak, Kat nimbirak nage me, “Maluk noba ariminggi ilik?” yinuk, Nagabiti mbakak nagin lek o. Kowaanggun inom, kandomba wogoninaka ya'nggage inom, Ti paga niniki eyak wappanege menggendak o.

Ndawi 46:11

At Omaawi Lombok Menggerak Aliku ALA ninom wonage, At Yakup ogoba Ala pak wurik kwak nobappinanogo wonage, Eeke agaarik o.

Ndawi 46:7

At Omaawi Lombok Menggerak Aliku ALA ninom wonage, At Yakup ogoba Ala pak wurik kwak nobappinanogo wonage, Eeke agaarik o.

Ndawi 46:8

Aliku ALA eeke menggerak liippi wogwe, O nggween paga lek eerogo puurak eeke yi, pekka wogwe, Eeko logonip o.

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Yetaya 31:1

It aakumi iniki at Kikak Nakeelik Alik Leenak Iterali inogoba nogo oba panggombugwi, “Aliku ALA yeenggwa niraawak o,” yinuk, nggino yogwi, Eeka'lek, “It Metit mendek nen yeenggwa niraawak o,” yinuk, o Metit nogwe, “It inaguda paga iniki panggombugwi, Inanggweendo ambik wonage paga panggombugwi, Kuda paga kwi'na'nuk wim eeka inomaawi ambik o,” yinuk, inoba panggombiigwi, Eekwi nogo, inabuwa o.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 43:2

An Kikak Nakeelik Nalik Leenak Inagap Ndaka Iterali inogoba Naliku Ala aret me, Niyo nggaruppegak wundogwe iigak, ninom wunda nagin o. Ndi, niyo mbaninuk wunda nogwe iigak, niyo nen wogoren nage, Kani kunik me iniyok pit nogwe iigak, iniyok kani nengge, Kani wunuk ari me wonogwe iigak, kani nen ineebe nengge, Eerigin lek o. It wondet aago logowak nduk, inonggo pugu ti, it Metit mendek aret. It eeginabukwak inobaane'me nggelok ari ti, it Kuti mendek inom, Tiyeba mendek inom, aret o.

Yetaya 7:14

Kinogoba Ala alik nen kineenu ariyak mendek eeke kaamunggup o. Eeke kaamunggup nogo ti, kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret toonigin o.

Yeremiya 16:14

Aliku ALA nen ari logonet, “Inombomini nggween wogoragagim nogome aa'nduk unde eekkologogwa kwak unde eekkolaawak nduk, iniyokan piya woraagin me, aakumi nen, It Iterali mendek o Metit nen wumbiya wa'nuk wogoren wagagerak eenik menggerak Aliku ALA endage kumbunuk, kumbuk mbanggo o, yinuk, ambinom yugun lek o. Ata, It Iterali mendek o omarip paga pa'nggwe nen wogoren wage, yi o ndi o mappiyareegerak wonogwe me nen wogoren wage, eereegerak mondok eenik menggerak Aliku ALA endage kumbunuk, kumbuk mbanggo o, yinuk, yogo logorak eyom panggoni woraagin,” yegerak o.

Takariya 10:5

It lambuk togon wim kalu-kalu kwak eerit nogo logonet, Aakumi iniyok tu paga purok amok mbanogo pit nugu mengga kwak, aakumi togop aret eerogo piinet nugwi, Naliku ALA ninom wonage me, It wim eerit nogo logonet, inawim kuda paga kwi'na'nuk nugwi nogo, tebenogo piinet nugwi, Eeko logogun o.

Linggineegwaarak 10:9

Kit kiname wonogwe me, it kinawim nen kinooriyak eekwi nogo muguret wundi nogo logonet, trompet oone pu eekwi kiinok, Naliku kinogoba Ala an nen kinoba abeppunuk kinagap ndarigin o.

Linggineegwaarak 23:21

At Aliku inogoba Ala nen it inenggela'me wonage, It inowe endagembogut inenggela'me wonage kenok iniki ale'nggen nen keekok yogwe, Eeko menggaarak me, At Yakup ombowologwe wiganak paga aaninggin mendek inoba age, Iterali nogo nen, Nonggop eekkolaawi, yinuk, yogwe, Eekwi iyoolik o.

Oroma 8:31

Togop me, wone yokkiragarak ti paga nonggop yuwok mbakop? Ala ninom kunik wonogwe me, ta nen ogoorogo pinanigin mbakop?

Pelaareegerak 1:29

Yo'nirogo mbareegwa, an nen kit yokkirage logonet, It ineebe paga kiniki lek ogwe, kinagabiti mbakwi, eeriyak ti mage o.

Pelaareegerak 2:7

Kit yi eekak ndi eekak abok aret eekwi kiigak, at Aliku kinogoba Ala nen ale'nggen kinoba pinagage, tu o karu nggwok nonggologo pereegim yi paga wogwe kiigak, ndegengginake, eerit wage kagak, tahun 40 eereegerak o. Eeke kagak, at Aliku kinogoba Ala kinom logonet, kit kiniki uugwe mbakwi nogo a'me nggilik-nggelok aret eeppinagit wagagerak nogo o.

Pelaareegerak 20:2

Kinom wim namburiyak nduk, eekwi kiigak, aap Ala unde ambi aa'nduk ari nanuk, wone yokkirage logonet,

Pelaareegerak 20:3

Kit nowe-nawot Iterali mendek yi wae. Kinaruk logonip o. Kinawim tebenogo piinok, kineegin tiyak yuwak nduk, at Aliku kinogoba Ala lombok kinom nage logonet, yeenggwa kiraagin me, kinawim kinom perenggologo logonet, kiniki lek-lek eekkinake, kinagabiti mbakwi, kinaganak nuk-nuk eekwi, it ineebe paga kiniki a'nggan wo'nage, eeriyak mondok mage o, yinuk, yokkiraawak o.

Pelaareegerak 31:6

At Aliku kinogoba Ala nen teppinagage, eraanggi mbo pinaganuk mbagangge, eerigin lek kinom aret nagin me, it aakumi ti, ineebe paga kinagabiti mbakwi, kinaganak nuk-nuk kirage, eerugup o. Ata, kit kinogogumbuk kiniki nu'lek eeppatinuk logonip o,” yoragagerak.

Pelaareegerak 31:8

At Aliku ALA nen teppagage, eraanggi mbo paganuk mbagangge, eerigin lek kimbirak aret logonet, tu nikkeren nagin me, kat kagabiti mbake, Eeriyak, anggon eekkake, eerugun o,” yoreegerak.

Pelaareegerak 7:1

Yorage nagagerik, at Muta nen aakumi Iterali ambinom yorage logonet, “At Aliku kinogoba Ala nen o kit unggwi nogo logomonggotik, unde a'nuk logowam time wokkiren pinagi nage logonet, at aa'nduk a'nuk, it aakumi inanebunu ambik inomaawi nggwok aakumi Ket mendek, Nggiragati mendek, Amori mendek, Kanan mendek, Perit mendek, Kewi mendek, Yebut mendek, inanebunu 7 aret

Pelaareegerak 7:18

it ineebe paga kit kinagabiti mbarugup o. At Aliku kinogoba Ala nen aap o Metit mendek inowe endagembogut Pirawun nogo inom, it aakumi o Metit mendek inom, eeppiyareegerak nogo abeko logonip o.

Pelaareegerak 7:21

At Aliku kinogoba Ala omaawi ambik ayuk warak iya lombok menggerak nogo, kinenggela'me wonage me, it aakumi ti, ineebe paga kinaganak ndik-ndik eeriyak mage o.

Pelaareegerak 9:3

Togop aret kwe, at Aliku kinogoba Ala aa'nduk age logomenggerik, kani omoonuk nen ne ambit liingge nengge menggi kwak, it togop aret inoorit nage logonet tebenogo piinet nage kagak, at Aliku ALA nen wone koonogo yokkiragagerak nogo ndak-ndak kit nen mbet-mbet aret ineebe lek eerogo piigwi, mugogo wumbiigwi, eerumunggup o.

Yotuwa 1:5

An teppagage, eraangge mbo paganuk mbagangge, eerigin lek at Muta nimbirak wonagagirak nogo pogom kat nimbirak mondok aret logogun me, kat keenik wonage keegak, aap ambi nen tebenogo pagagin mondok lek o.

Yotuwa 1:9

Kat kogogumbuk kiniki mondok nu'lek eeppatinuk logot o, yinuk, yokkigirak nogo lek a? Kat ambime nage keegak, Naliku kogoba Ala an nimbirak nagin me, kat kagabiti mbake, eerit nage logonet anggon eekkake, eeriyak ti mondok mage o,” yinuk, yoreegerak.

Yotuwa 11:9

Inoorit nogo logonet, at Aliku ALA nen Yotuwa yoreegerak nogo ndak-ndak aret kuda nogo iniyok andelen mbanogo piigwi, inanggweendo nogo kani kunogo piigwi, eereegwaarak.

Owak Loongga 6:12

Kwi'nage nagagerik, Aliku ALA ayonggo malayikat nogo at kaawak nduk kin a'nuk, Nggireyon yoge logonet, “Kat aap wim nambuka wakaa'ngget lombok aret me, at Aliku ALA kimbirak wonage o.”

Owak Loongga 6:16

Yoge mbareegi, at Aliku ALA nen, “Lek o. An yeenggwa kege neegak, it aakumi Miriyan mendek nogo ti, we negen aret aap ambit wake negen inoorumunggun o.”

1 Tamuwen 17:32

Wiige mbareegi, Ndawut nogo wage nagagerik, Tawun yoge, “Nit Iterali mendek nen aap Pilitin mendek ti, eebe paga niniki ma'nariyak lek o. An kayeloman nen aap ti, nimbirak nambukkola naakit o.”