Pelaareegerak 2:9 - Ala Wone Peenok Peebi Mbanak

⁹ Ari wogo mbareegu, at Aliku ALA nen an yo'nege logonet, O endage At time it aap Lot ombowologwe wiganak unde logowak nduk, an nen wogoragagirak me, Nit ambi unde logorak wo'niraagin, nomba'nuk, it aap Mowap mendek yi, inanini eeppiigwi, kinom wim eerubagip nduk, mbaaniigwi, eeriyak mage o, yinuk, yo'nereegerak nogo o.

Pelaareegerak 2:9 ပူးပေါင်းရင်းမြစ်များ

2 Mbinineegwaarak 20:10

Yokkereegwaarak me, ninombomini o Metit nen wogoren wundi wage logonet, it aakumi Amon mendek inom, Mowap mendek inom, puut Teyit mendek inom, wonogwe me iname time, Unggwi nanuk, tebenogo piyoorak mage o, yorage mbareegin, inoorulik nomoppiigak wogogwaarak nogo inapuri wiganak nen o yogondak eeppinaniyak eekwi yi, iyet o.

Ndawi 83:8

It Atiyut mendek kunduk, aakumi Lot mendek ineenggi-iniyok aruwak nduk, it inom a'nuk, Wone koonogo pugwi yi, iyet o.

Yetaya 15:1

It o Mowap mendek eeppiyoorak abinggaanggo paga Ala nen yoreegerak nogo yi aret. “O Mowap kota endage At nogo, maluk eerogo pegaarak wonage o. Ne ambit oonikiya pup eerogo pegaarak wonage o. O Mowap kota endage Kit maluk eerogo pegaarak wonage o. Ne ambit oonikiya lek eerogo pegaarak wonage o.

Linggineegwaarak 21:15

ndi, o kobappaga nen nok elan-elan nabunogo pit nagagim o kota At nen nok Mowap inanggween kuli o,” yinuk, liiru mbaneegerak nogo ti aret.

Linggineegwaarak 22:4

Eeko nogogwaarik, it Mowap mendek nen aakumi Miriyan mendek inoweewi yorogo logonet, “Ninogobamini o. It Iterali mendek ineebe apit aago piyaariyo maluk aret me, tapi nen iri'ngga apit mbanogo ambeme yonggoke menggi kwak, it nen nit eegu-ando pinanugun lek abok aret inambeme yonggo'ninabugun aret kogo o,” yinuk, yorogogwaarak. Yorogwe iinok, ne ti eyom paga aap Tipot aput Mbalak aakumi Mowap mendek inowe endagembogut wonage nogo nen

Pelaareegerak 2:5

An nen o Teyit puut nggelok-nggobok time it inanebunu Etawu mendek unde logowak nduk wogoragagirak me, Inanggween time mbuuluk ambi wo'niraawak, mba'nuk, kiniyok ambi tebenggwi kiinok, wokkiraagin lek me, it kinom wim eerukwak, inanini wunduwak nduk, mbaaniyoorak mage o.

Owak Loongga 11:15

wone eerogo nappiige logonet, “Aakumi Iterali nen aap Mowap mendek inanggween inom, aap Amon mendek inanggween inom, it ndinggoloolik o.

Owak Loongga 11:17

Wogo nogogwaarik, aakumi Iterali nogo tu aap endagembogut o Erom mendek anggween ti paga woroorak nggino yoruwak nduk, yonggo nappiya wogogwaarak yori wogogwaarak kwe, aap o Erom mendek endagembogut ti nen, Naruk koneniyak neebi o, ari mbareegi, ti'nuk, aap Mowap mendek inowe endagembogut wonage me, tu ti paga woraawok nduk, wone eerogo nappi wogogwaarak kwe, aap ti kunduk, E o, yoraga'lek mban mbareegi, Iterali nogo o Kareti time puk wonogogwaarak.

Owak Loongga 11:18

Time wonogogwaarik, ti'nuk, it tu karume paga wogo nogogwaarik, aap Erom inanggween inom, aap Mowap inanggween inom, kuli mbanak tu ti paga aap Mowap inanggween oonegen wundi wage menggim pa'nggwe keyokkagak niyo Aronon wunda wogo nogogwaarik, time inawooliya wukkologogwaarak. Niyo Aronon ti, aap Mowap mendek inanggween kuli aret me, aap Mowap inanggween ti paga unggwi woroolik.