Pelaareegerak 2:31 - Ala Wone Peenok Peebi Mbanak

³¹ Ti'nuk, at Aliku ALA nogo nen an yo'nege logonet, At aap endagembogut Tikon nogo eebe inom, anggween inom, Nineenggime muk wo'niragaarak kagi, yinuk, at anggween kit unde eeppatinuk logomunggup nduk, tebenggo'net nogo logonip o, yinuk, yo'nereegerak o.

Pelaareegerak 2:31 ပူးပေါင်းရင်းမြစ်များ

Pelaareegerak 1:8

Nggween kamonggotak nogo abok aret Naliku an ALA nen kinombomini Abarakam inom, Itak inom, Yakup inom, inapuri-inombowologwe ndaganabit namenggaarak inom, Wokkiraagin o, yinuk, wone kumbuk mbanogo yoragagirak nogo, kit muk wokkiragagirak me, time aret unggwi nogo logomonggotik, unde arumunggup, yo'niragagerak nogo o,” yinuk, Iterali yoragagerak.

Pelaareegerak 2:24

Nogo yo'nege nagagerik, ambi yo'nege logonet, An nen aakumi Amori mendek endagembogut Tikon o Ketibon unde menggerak eebe inom, anggween inom, kit aret wokkiragarak kineenu a'nip o. Muk wokkiragarak me, kit niyo Aronon nggelo'me wunda nogo logomonggotik, o time unde eeppatinuk logomunggup nduk, kinom wim eeri unggwinip o.

Pelaareegerak 2:30

Yogo mbareegwa, at aap endagembogut Tikon o Ketibon inarum menggerak nogo nen, Kit tu yi paga woroorak mage o, yo'niragagerak nogo o. Ti yo'niragagerak alom ti, at Aliku kinogoba Ala nogo nen at tebenogo punuk, anggween ti, kit kineenggime wokkiraakit nduk, ogogumbuk iniki omaawi eerogo pege nagagerik, anggween wokkiragagerak yogondak wonogwe yi aret o.

Pelaareegerak 2:32

Ti yo'nege mbareegi, at Tikon awuri ineegin warak inom abok aret o Yakat koorok time ari nanuk, ninom wim namburiyak nduk, eeko mbareegu,