Pelaareegerak 2:14 - Ala Wone Peenok Peebi Mbanak

¹⁴ Nit tu Kareti-Mbareneya nen ambime unggwagak ambime unggwagak eerit nugu nogogurik, niyo Teret wunda wogogurak kuli ti, tahun 38 aret agagerak. Age kagak, at Aliku ALA nen wone abuk nggaruk togon kumbuk mbanogo yo'niragagerak nogo ndak-ndak, it aap wim eeka ineegin warak inom ndak-ndak ndarak o Metit nen wundi wogogwaarak nogo abok aret aakumi Iterali inenggela'me nen kambit nogogwaarak.

Pelaareegerak 2:14 ပူးပေါင်းရင်းမြစ်များ

Ndawi 106:26

Aliku ALA nen yorage logonet, “Kit o karume time kineebe lek eerogo pinagage, Yi aakumi ndi aakumi inenggela'me Kit kinombowologwe tek eerogo piige, Kit paga wiganak nogo yi awi ndi awi mappiige, Eerigin o,” yinuk, Eenggi nippunuk, kumbuk mbaneegerak.

Ndawi 90:15

Andi-pandi eerogo pinanege keegak, Yi nogo ndi nogo yit nogwe, Aaninggin-paaninggin ninoba pinanege keegak, Yi tahun ndi tahun eerit nogwe, Eeko nogoorak ndak-ndak Ninale'nggen mbako logowok nduk, eeppinanege logot o.

Ndawi 90:3

Tahun seribu eerit wage nogo ti, o ne ambit weege kwak kage, Ne ambit oonikiya paga tum wako mengga kwak kage, Eeke menggendak me, Kat nen aakumi inagabolo nogo Iniyokan nggween ari nawak nduk yorage logonet, “Aakumi inapuri yi wae. Kiniyokan liirubu ari nanip o,” Yinuk, yorage menggendak o.

Ndawi 90:9

Kat kanini ninoba pinanege paga Nda'nogogurak eyom nogo kuwagaluk eerogo pinani wage, “Ai-ao,” yogwe niigak, Nda'nogogurak yi tahun ndi tahun lek ari nage, Eeke agaarik o.

Yetikiyen 20:15

Inagugi ogut eerak mugurok noorak lombok mbareegwaarak paga eeko logorak wone yoragagirak nogo mbo pugwi, wone lengganogo yoragagirak nogo mugurok naga'lek tayoppugwi, ndi, nogo 6 yippunuk, ko'lu paga yonggonggologo logorak leenogo pateegirak nogo taganogo pugwi, eeko nogogwaarak me, it yorage logonet, Yi o ndi o abok aret enggela'me nggween abu obeelom wokkiragagim yilak amburu inom, nggiin amburu inom, niyo eneeri negen kila-kila wungge menggim time pinagi nagin lek o, yinuk, wone ti, it abet mbaruwak nduk, o karume time kumbuk mbaneegirak o.

Linggineegwaarak 1:1

It aakumi Iterali mendek o Metit nen wundi wogo nogogwaarik, karume puut Tinayi paga wonogwe iigak, tahun mbere eeppunuk, tut ambi penembunuk, ambi penengge tanggal 1 paga at Muta nogo Ala inom lambungge menggim awooliya wurik me wonage me, at Aliku ALA nen at yoge logonet,

Linggineegwaarak 13:26

It aap o Kanan yombooni nogogwaarak nogo at Muta inom, Karun inom, it aakumi Iterali mendek abok aret inom, o Kareti Paran karume nogome wonogwe me, iya wogo nogogwaarik, it o inigen kogogwaarak nogo mbininogo yorogo logonet, anggen mbaneegwaarak nogo titik irogogwaarak.

1 Korindut 10:5

it ando nggwok nogo Ala ale'nggen inombarulik me, karume time kambit nogo logonet, inowak nggininit nagagerak nogo o.

Pelaareegerak 1:19

Yorage nagagerik, ti'nuk, ambi yorage logonet, “At Aliku ninogoba Ala nen wone yo'niragagerak nogo ndak-ndak nit o puut Korep nen tu o karu nggwok nonggologo pereegim mondok iya tit kagak o puut nggelok-nggobok aap Amori menggam pa'nggwe nen nok, o Kareti-Mbareneya aret ari wogogurak kineenu nogo o.

Pelaareegerak 1:2

Puut Korep nen o Kareti-Mbareneya noorak kenok, tu puut Teyit paga unggwagak nogo logonet, nogo 11 yit nogo menggaarak o.

Pelaareegerak 1:46

Nomonak aret kagak, kit o Kareti mondok elaambirik aret wonogogutak nogo o,” yinuk, yoragagerak.

Pelaareegerak 2:13

Nogo yo'nege nagagerik, Aliku ALA nen ambinom yo'nege logonet, Yogondak aret kinamendek ko'nok niyo Teret wunda nanip o, yo'nirage mbareegi, nit niyo Teret aret wunda wogogurak o.

Pelaareegerak 2:16

Ndi, it aap wim eeka ineegin warak nogo ti, abok aret kambit nogo mbareegwa,

Pelaareegerak 2:7

Kit yi eekak ndi eekak abok aret eekwi kiigak, at Aliku kinogoba Ala nen ale'nggen kinoba pinagage, tu o karu nggwok nonggologo pereegim yi paga wogwe kiigak, ndegengginake, eerit wage kagak, tahun 40 eereegerak o. Eeke kagak, at Aliku kinogoba Ala kinom logonet, kit kiniki uugwe mbakwi nogo a'me nggilik-nggelok aret eeppinagit wagagerak nogo o.

Yotuwa 24:7

Muguren wogo mbareegwa, kit kinombomini nogo inoone nggwok paga, Yeenggwa niret o, yinuk, Naliku an ALA yo'nogo mbareegwa, an nen it aap Metit mendek arugwan iigak, kinombomini yime pa'ne iigak, oolo time o apit eerogo pege nagagirik, it Metit mendek niyo mogonak nogo paga lambunogo tebenogo piyareegirak. It Metit mendek tebenogo piyareegirak nogo, it kinombomini inigen abe nen aret kogogwaarak. Inigen kogo nogogwaarik, o karume time wonogwe iigak, o ambik me aret ari nagagerak.

Yotuwa 5:4

It aakumi Iterali mendek o Metit nen wundi wogo logonet, ndarak iigak, aap yigin woorak ndak-ndak negen ari nagagerak nogo abok aret Aliku ALA wone konengga'lek mbareegwa, at Aliku ALA nen ari logonet, “An nen nggween yilak amburu inom, nggiin amburu inom, niyo eneeri negen kila-kila wungge menggim, Wokkiraagin o, yinuk, kinogobamini koonogo yoragagim nogome, kit kinigen kaamunggup mondok lek o,” yinuk, wone abuk nggaruk togon kumbuk mbanogo yoragagerak me, o karume tahun 40 paga nugu logonet, tigitogon kambit nogwe iigak,

Yurat 1:5

Ninogoba Ala nen maan it at apuri Iterali mendek o Metit nen inagap ndarogo wumbiya wage nagagerik, ti'nuk, it ando abet mbaka'lek iinok, Ala nen inooke logonet, lek eerogo piyareegerak wone nogo ti, kit muk kinaruk koneneegutak kwe, aberak logobagip nduk, ambinom yokkiragi o.