Pelaareegerak 18:3 - Ala Wone Peenok Peebi Mbanak

^3-5 It inom, inapuri inom, it abok aret at Aliku ALA obaane'me ake mondok-mondok eeko logowak nduk, at Aliku kinogoba Ala nen kinanebunu lombok kiigak, it Lewi mendek mban mippiyareegerak me, it wogorogo logorak ti, aap ambi nen tapi ngguunok ilik, ndomba a, Ala ake warogo wogori wage kenok, obaak kinik inom, ondogowak inom, aanagale inom, ndi, gandum anggen aa'nduk mbanak inom, anggur amburu aa'nduk toolak inom, eyo tayitun amburu aa'nduk toolak inom, ndomba eeruwak iyaalok mbanak inom, apit aret it aap Ala unde inamendek aret me, it aret wogorogo logomunggup o.

Pelaareegerak 18:3 ပူးပေါင်းရင်းမြစ်များ

Wundeegwaarak 29:27

Ndi, aap Karun apuri inom an Ala neebe unde logowak nduk, mippiigo logonet, ndomba wariyak ape uruwak inom, aawi kiniyak inom, Yi Kaliku ALA kake o, yinuk, titik eerogo wo'nege aap Karun apuri inom koloorak nogo ti, togop aret nake nggomoorogo pumunggun o.

Wundeegwaarak 29:28

Nake nggomoorogo puurak yokkigirak ti, it Iterali nen pi wogwe iinok, aap Karun apuri inom inake aret me, wogorogo logorak mondok-mondok koonogo pigirak me, it aakumi Iterali nen, At ninom lambunik logowok o, yinuk, Naliku ALA nake warogo wo'niri wogwe iinok, ape uruwak inom, aawi kinik inom, ti aap Karun apuri inom aret kologo logowak o.

Ala Unde 22:7

Nengga'lek kagak oonegen abu aret kilu yi nage kenok perak, Abu obeelom agaarak, mba'nuk, nake pugu leenak nogo ti, at ambi aret me, noorak op aret o.

Linggineegwaarak 18:11

Ndi, ambi it aakumi Iterali mendek nen, Yi Ala ake o, yinuk, titik eerogo wo'nugwi ando nogo ti kunduk, kit kinamendek aret me, kat inom, kapuri wologwe inom, komologwe inom, mondok-mondok nonggo logobagip nduk, kinake leenogo pinagagi o. Ndi, nonggo logonet, kit kinom monggotak ambi oba maluk lenggenak lek obeelom wonage kenok, kinom nonggo logorak op aret o.

Linggineegwaarak 18:12

Iyaalok mbanogo Naliku ALA nake leenogo pi wogo mengga kwak, anggen iyaalok aambiranak tayitun amburu inom, anggur amburu inom, ndi, gandum anggen inom, abu obeelom mendek kero, abok aret kit kinake leenogo pinagagi o.

Pelaareegerak 12:27

Pi nogo logomonggotik, eebe warogo kani kuniyak nogo warogo eebe inom, amiya inom, apit aret waganogo at Aliku kinogoba Ala ake kani kunggo menggam nogome ake pugwi, ndi, warogo noorak amiya nogo at Aliku kinogoba Ala ake kani kunggo menggam nogome eraanu kilirogo punuk, eebe nogo kit nunggwi, eeko logomunggup o.