Pelaareegerak 18:2 - Ala Wone Peenok Peebi Mbanak

² Ineyate kwak kologo logorak ti, at Aliku ALA nen wone abuk nggaruk togon koonogo yoragagerak nogo ndak-ndak at Aliku ALA eebe unde ti aret me, it inoreewi ineyate nggween kologwe time inom kologo logorak lek o.

Pelaareegerak 18:2 ပူးပေါင်းရင်းမြစ်များ

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Ndawi 119:57

Kaliku Ala wae. An namendek punik kwak ti, Kaliku ALA keebe aret. “Kat koone yugu ti mban eerit nage logokit o,” Yinuk, nggaruk togon koonogo pateegirak o.

Ndawi 16:5

Kaliku ALA wae. Yate kwak mogonogo wo'nege, Togolowa'na amburu abe toolak kwak eeppanege, Eeke menggendak kat aret. An ee'naburak nogo abok aret Kat mban koongge menggendak.

Ndawi 84:11

Oonegen kwak obeelom eerogo pinanege, Nggeemu kwak mulunogo pinanege, Eeke menggendak Kaliku Ala aret o. Kaliku ALA ninabuwa nen obeelom eerogo pinanege, Ninendage tiyappinanege, Eeke menggendak me, Aap inoba maluk lenggenak lek abe mban eekwi iinok, Yi mendek ndi mendek obeelom eeppiige nogo Ambi ili ari lek nggwik togon eeppiige menggendak o.

Yetaya 61:6

“Aliku ALA unde it yi aret o,” yinuk, yokkirogwe, “Ninogoba Ala ayeloman mini yi aret o,” yinuk, yokkirogwe, Eeko logogun o. Yi aakumi ndi aakumi inamindik-inamendek nunggwi, It inamindik-inamendek wokkirogwe ti paga kinale'nggen ambik mbakwi, Eeko logomunggup o.

Leendawi 3:24

An niniki nen mbake logonet, “Yate kwak niniki kundugu ti, Aliku ALA aret me, At nen eeppaniyak nogo mban niniki lunik aret agaarik o,” yinuk, ari minggirak o.

Yetikiyen 44:28

It aap an neebe unde nogo yate kwak unde logorak an neebe aret me, it Iterali mendek yate negen nggween wogorage logonet, it an neebe unde inom wogoroorak mage o. Yi mendek ndi mendek unde logorak lek an neebe mban aret unde logowak o.

Linggineegwaarak 18:20

Yoge nagagerik, at Aliku ALA nen Karun yoge logonet, “O aakumi Iterali mendek unde logowam time ineyate negen nggween wogorage logonet, kit ambi unde logobagip nduk, wokkiraagin lek o. Iterali inenggela'me logonet, kineyate kolookwak an neebe unde wonogwe paga aret nuurogo nonggo logomunggup o.

Linggineegwaarak 18:7

Ndi, kat kapuri kinom perak, Togop eeppinaniyak, mbaka'lek kiigak, an neebe unde logobagip nduk, namunggat kinoba pinagage nagarik, nake warogo kani kunggo menggam inom, yi mendek ndi mendek eeko menggaarak yum tugunik aken nggwe wonage nogo inom, kit mban neebe unde logonet eeko logobagip nduk, unde eeppinagagirak me, o magame nogome it aakumi ugun panggorogon wogwe iinok, kambuwak nduk, inoorogo piigo logomunggup o,” yinuk, yoreegerak.

Pelaareegerak 10:9

Togop aret me, it inanebunu Lewi mendek ti, inoreewi ando nggween unde arugun nogo kokwak, it inanggween yate kwak ambi unde arugun mondok lek aret o. At Aliku kinogoba Ala nen yoragagerak nogo ndak-ndak ineyate koloorak nogo ti, at eebe unde ti aret o.

Yotuwa 13:14

Ndi, anebunu Lewi mendek ti, at Aliku Iterali inogoba Ala nen wone koonogo yoragagerak nogo ndak-ndak, it koloorak yate kwak ti, Ala ake warogo kani kunggwi mendek unde logorak aret me, inanggween wogoroolik aret o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.