Pelaareegerak 17:9 - Ala Wone Peenok Peebi Mbanak

⁹ Piya nanuk, aap Ala unde Lewi mendek inom, aap wone inowak loongga ne ti eyom paga time inowak loongge wonage nogo inom, it nen wone amburu mbanogo yokkiraawak nduk, it yoraamunggup o.

Pelaareegerak 17:9 ပူးပေါင်းရင်းမြစ်များ

1 Mbinineegwaarak 26:29

At Yitakat paga wiganak ti, Kenaniya aret me, at inom, apuri inom, ti, Ala awi wurik me eeko logowak nduk, unde eeppiyoolik. Ata, yi o ndi o Iterali wonogo menggam time ambi eeriyak age kenok, wone ena koonggwi, wone ambi agaatak kenok, inowak loonggwi, eeko logowak nduk, unde eeppiige,

Wundeegwaarak 18:16

ne ambi paga it inenggela'me nen wone ambi inoba agaatak wonok nowagam wogwe iinok, inawone koonogo piige, Ala nen yoragagerak wone lengganak inom, ndi, eeko logorak wone yugu inom, yorage, eeke minggirak o.”

Wundeegwaarak 22:8

Ndi, at aap kumaaremenggerak nogo aakumi nen inigen koolik kenok, aap ame pemenggerak nogo aap inowak loongga wonogwe me nage logomenggerik, Ala enegen wonage me, noreeluk amendek ti, an abu woolik aret o, yinuk, kumbuk mbanuwak o.

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yetikiyen 44:24

Wone ambi age kenok, it an neebe unde nen inowak loongga negen logonet, eeko logorak an yorage nagagirak mugurok aret inawone amburu mbanggwi, inale'nggen nen laago lako logorak ne koonogo pereegirak nogo eeko logonet, Ndogop eeko logonu, yinuk, yorage nagagirak inom, wone lengganogo yorage nagagirak inom, pippunuk liirogon eekwi, ndi, nogo 6 yippunuk, ko'lu paga alik leenak logowak nduk eekwi, eeko logowak o.

Agayi 2:11

“Nomaawi Lombok Minggirak Naliku an ALA nen, Aap ambi an nake alik leenak mendek warak mbanak ayuma yonggo'nuk wonok wage kagak, ayum warak mbanak yonggolak nogo paga oroti worarak a, mbiingga larak a, anggur amburu toolak a, tayitun amburu toolak a, yi mendek ndi mendek alik mendek larak a, mbaanggage kenok, ti paga yi mendek ndi mendek ti, alik leenak aret arigin ilik, lek a? yinuk, eeko logorak Muta nen liiru mbaneegerak nogo ngge o? yinuk, it aap neebe unde nogo kin wogiyet o, yinuk, Nomaawi Lombok Minggirak Naliku an ALA nen aret yagi o.” Yoreegerak nogo, at Agayi nen aap Ala unde nogo yorage mbareegi, “Togop arigin lek o,” yinuk, yoreegwaarak.

Takariya 3:7

“At Omaawi Lombok Menggerak Aliku ALA nen yegerak nogo yokkiri o. An nen eeriyak at yoge nogo ndak-ndak eerit nage, ndi, nake eeke logonet, Yogop eeke logot o, yinuk, yorage nogo, at ndak-ndak eeke, eeke kenok, an nawi wurik me unde wonage, an nawi wurik oore'nggam eekwi nogo inarum wonage, eeke logogin o. Ndi, it an nake eekwi nowagam mi'ndak wonogwe yi, at inom nake eeke logowak nduk, mippigin o.

Maleyaki 2:7

It aap an neebe unde nogo ti, Nomaawi Lombok Minggirak Naliku an ALA nayonggo aret me, it aap neebe unde nogo nen yi wone ndi wone ugun yoraga'lek inoone liippunuk yorogwe, it inambe paga abet mban wungge nogo paga mamunggolaawak nduk, yorogwe, eeko menggaarak kwe,

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.

Pelaareegerak 17:10

Yorogwe kiinok, o Aliku ALA nen leenogo patemenggim time nen wone owak loonggo logomenggaarik, Yogop aret ee'nip o, yinuk, yokkirogwe nogo liippunuk, ndak-ndak aret eeko logomunggup o.

Pelaareegerak 21:5

Ndi, it aap Ala unde inanebunu Lewi mendek nogo ti, at Aliku kinogoba Ala eebe unde logonet ake eekwi, at Aliku ALA endage paga inale'nggen inoba piigwi, wone ambi age kenok koonggwi, aap wat-wat yemenggaarak kenok inawone mbanggwi, eeko logowak nduk, mippiyareegerak me, tapi warak wonage me taa'nogo iigak,

Pelaareegerak 25:1

Yorage nagagerik, ambi yorage logonet, “Aap ambi imbirak wone wariyak age kenok, aap inowak loonggo menggam time namenggaarak me, it aap inowak loongga nogo nen wone aremenggerak nogo mbeenogo inowak loonggo logonet, at ambi oba abe eerogo pugwi, at ambi oba maluk eerogo pugwi, eeppunuk,

Pelaareegerak 33:10

Kat kawone lengganak it Yakup mendek liirogon mamunirogwe, Eeko logorak wone yugu Iterali mendek yorogwe, Obari abe kaga nogo kenggaanom paga kake kani kunggwi, Kake warogo kani kunggwi mendek abok aret kani kunggo menggam kake kani kunggwi, Eeko menggaarak me,